| e-texts navigator |
| Wylie |
79b1 འཛིན་ཤེས་རབ་མ། །རྒྱལ་སྲས་ལྷ་ཡི་དངོས་གྲུབ་འཛིན། །དགྱེས་པས་ཚིམ་པའི་ལོངས་སྤྱོད་དག་།ཇི་ལྟར་ཡིད་བཞིན་ནོར་བུ་འམ། །དཔག་བསམ་ཤིང་ལྗོན་འདོད་འཇོའི་བ། །མ་རྨོས་ལོ་ཏོག་རྒྱས་པ་ལྟར། །རྣལ་འབྱོར་ལོངས་སྤྱོད་ཆེན་པོ་དག་།ནམ་མཁའི
79b2 ཁམས་སུ་གཏིབས་ནས་ཀྱང་། །རྡོ་རྗེ་དགྱེས་ཚོགས་ཀུན་འདུས་ནས། །སྐལ་ལྡན་རྣམས་ཀྱིས་རབ་སྤྲུལ་ཅིག་།རྡོ་རྗེ་གར་གྱི་དབང་སྒྱུར་ནས། །སྒེག་པས་ལྷ་མོ་འཇོ་ཚུལ་དག་།འདུད་ཅིང་སྡོད་པའི་ཚུལ་གྱིས་ནི། །རོལ་མོའི་ཚོགས་ཀྱིས་དགའ་བ་སྐྱེད། །ོཾ
79b3 ཤྲཱི་བཛྲ་ལཱ་སྱཻ་ཧཱུ~ཾ་ཧཱུ~ཾ། བཛྲ་མཱ་ལཻ་ཏྲཱ~ཾ་ཏྲཱཾ། བཛྲ་གཱི་ཏི་ཧྲཱིཿཧྲཱིཿ་བཛྲ་ནརྀ་ཏྱ་ཨཿཿ། རྡོ་རྗེ་ཀརྨའི་ཐབས་མཆོག་གིས། །རྡོ་རྗེ་གླུ་འདིས་གཟི་བྱིན་བསྐྱེད། །རྡོ་རྗེ་བདུད་རྩི་ལོངས་སྤྱོད་འདི། །རྩི་མཆོག་བཅུད་ཀྱི་སྙིང་པོ་སྟེ། །གཟི་མདངས་རྒྱས་པར་བྱེད་པའི་མཆོག་།
79b4 བཀྲག་འཛིན་གཟུགས་མཆོག་དྲན་པའི་དཔལ། །རྡོ་རྗེ་ཅན་གྱི་བྱིན་སྟོབས་ཀྱིས། །སྐལ་པ་ཅན་གྱི་ཟས་སུ་བྱ། །སྐལ་མེད་རྣམས་ཀྱི་དུག་ཏུ་འགྱུར། །དཔེར་ན་སྦྲུལ་ལ་འོ་མ་བཞིན། །ས་མ་ཡ་ཛཿ་ཀུ་སུ་ཙ་མ་མ། །སྨུག་ཟིལ་ལྷ་མོ་མཉེན་གསལ་མ། །རླན
79b5 རྣམས་བདུད་རྩིར་སྒྱུར་བྱེད་མ། །བདུད་རྩི་ཆུ་རྒྱུན་དངོས་གྲུབ་འཛིན། །རང་གཉེར་ལས་སྐལ་ཆུ་རྒྱུན་འབེབས། །ཤིང་ལོ་འདབ་ལས་བདུད་རྩིར་སྒྱུར། །འབྲུ་ཐོག་སྣ་ཚོགས་དངོས་གྲུབ་འཛིན། །རང་གཉེར་ལས་སྐལ་འབྲས་བུར་སྐྱེད། །ལྷ་མོ་སྲ་བརྟན་དབང་སྒྱུར
79b6 མ། །ཁུ་བ་བཅུད་ལས་བདུད་རྩིར་འགྱུར། །བདུད་རྩི་ཞུན་ཆེན་དངོས་གྲུབ་འཛིན། །རང་གཉེར་ལས་སྐལ་བརྟན་པར་བྱེད། །རྡོ་རྗེ་ལྷ་མོ་ཤེལ་མདོག་མ། །ཉི་ཟེར་བདུད་རྩིར་སྒྱུར་བྱེད་མ། །གསལ་བ་མདངས་ཀྱི་དངོས་གྲུབ་འཛིན། །རང་གཉེར་ལས་སྐལ་གཟི་བྱིན
79b7 སྐྱེད། །ལྷ་མོ་ཁྲོ་གཉེར་སྔོ་བསངས་མ། །དུར་ཁྲོད་རྫས་ལས་བདུད་རྩིར་སྒྱུར། །ཤ་ཆེན་སྣ་ཚོགས་དངོས་གྲུབ་འཛིན། །རང་གཉེར་ལས་སྐལ་བྱིན་འབེབས་མ། །རྩི་ཡི་ལྷ་མོ་བློ་གྲོས་མ། །རྩི་ཐོག་བདུད་རྩིར་སྒྱུར་བྱེད་མ། །རྩི་མཆོག་ཀུན་གྱི་དངོས་གྲུབ་འཛིན། །
iiif viewer powered by OpenSeadragon
