| e-texts navigator |
| Wylie |
79a1 འཇིག་རྟེན་འདས་པའི་སྤྱོད་ཚུལ་དག་།ཇི་ལྟར་འབྱུང་བ་དེ་ལྟར་སྤྱད། །ེ་མ་དུར་ཁྲོད་གསང་བ་ཡི། །རྨད་བྱུང་ཞིང་ཁམས་དགའ་ཚལ་འདིར། །སྐལ་ལྡན་དབང་ཕྱུག་རྒྱལ་བའི་སྲས། །འདུས་པས་ཚོགས་པའི་རིག་འཛིན་རྣམས། །ེ་མའོ
79a2 དགའ་མཆོག་བདེ་ཆེན་གྲོགས། །དམ་ཚིག་སྲོག་གི་ལུ་གུ་རྒྱུད། །ཐབས་དང་ཤེས་རབ་འབྲེལ་པ་ཡིས། །སྤྲུལ་པའི་གཤོག་སྤྲུགས་གྲཝ་རྒྱས་པས། །ཚོགས་གཉིས་རྩལ་གྱིས་བརླབས་སྤར་ནས། །ཆོས་ཉིད་མཁའ་ལ་ལྡིང་བར་རིགས། ། ཡ~ཾ་ཛ་ལ~ཾ
79a3 ཁ~ཾ་ལྷན། །དེ་རིང་ཕན་ཅད་རྒྱལ་བའི་སྲས། །དབང་ཕྱུག་ཡིན་པས་ཅི་བདེར་སྤྱོད། །རྣལ་འབྱོར་ལོངས་སྤྱོད་བསྐྱེད་པ་དང་། །དུག་རྣམས་བདུད་རྩིར་འགྱུར་བ་ཡི། །མཱ~ཾ་ལས་སྐྱེས་པའི་ཡེ་ཤེས་ཀྱིས། །ཟངས་ཀྱི་དངོས་པོ་འཇུ་འདུལ་བྱ། །དམ་རྫས་ཡོ་བྱད
79a4 ལོངས་སྤྱོད་རྣམས། །གོང་ནས་ཆ་གསུམ་སོ་སོ་ནས། །ཤན་མ་འདྲེས་པར་སྟ་གོན་བྱ། །ཕྱི་ཡི་ཆ་ལ་འཇུག་པ་ཡི། །མཆོད་སྦྱིན་སྤེལ་བའི་ཡོ་བྱད་བྱ། །དེ་གཉིས་གཉིས་པའི་ཆ་དག་ལས། །མཇུག་གི་རྒྱལ་ཆོས་ལོངས་སྤྱོད་བྱ། །རྨད་འབྱུང་ནང་གི་ཆ་དག
79a5 ནི། །ཐམས་ཅད་གཅིག་ཏུ་བྱས་ནས་ནི། །རས་སམ་ཤིང་ཁྱོན་དག་ཏུ་ནི། །བསྡུས་ཏེ་བསྒྲུབ་པའི་རྫས་ཀྱིས་དགབ། །བྱུག་པ་ཆེན་པོས་དེ་ལ་གཏོར། །ལྕེ་པོག་ནག་པོའི་དུད་པས་བདུག་།རྡོ་རྗེ་གར་གྱི་ཕྱག་རྒྱ་དང་། །འབར་བའི་ལྟ་བས་བརྗིད་པར་བྱ། །
79a6 ཚམ་ངམ་ཆེན་པོའི་སྟབས་ཀྱིས་བསྐོར། །སྣ་ཚོགས་བསུར་གྱི་དྲི་ཆེན་གདོན། །དེ་ནས་རྒྱལ་པོའི་བྱིན་བརླབས་ཀྱིས། །ཡོ་བྱད་དེ་དག་བདུད་རྩི་ལྔ། །དམ་རྫས་ངོ་བོར་བསྡུས་ནས་ནི། །དེ་ལ་འབྲུ་ལྔའི་འཕྲོ་འདུ་ལས། །ཞུ་ནས་ཕྱག་མཚན་རྣམ་ལྔར
79a7 འབར། །དག་པའི་བདུད་རྩི་ཆེན་པོར་ཞུ། །ཤེས་རབ་ལྷ་མོ་རིག་འཛིན་མ། །བཞི་འམ་ཡང་ན་རྣམ་པ་བརྒྱད། །རྫས་སམ་ཡོ་བྱད་རང་བཞིན་པས། །ཟས་མཆོག་གར་གྱིས་སྤྱིར་བླངས་ཏེ། །ལོངས་སྤྱོད་སྤེལ་བའི་དབྱངས་འདིས་བསྟན། །བདག་ཅག་རིག
iiif viewer powered by OpenSeadragon
