| e-texts navigator |
| Wylie |
78b1 སྦྲེངས། །བསྐལ་བའི་མེ་དཔུང་འབར་བའི་ཀློང་། །སྲིད་པའི་རྩེ་མོར་འཁྱིལ་ཅིང་འཕྲོ། །ནམ་མཁའི་ཁམས་ཀུན་མེ་དཔུང་གཏིབས། །རྡོ་རྗེ་འཁོར་ལོ་མེ་ལྕེ་འཕྲོ། །དུར་ཁྲོད་དགོན་པའི་ས་ཕྱོགས་དག་།མེ་ཡི་རི་བོ་འབར་བ་ལ། །མེ་ཡི་མ་དག་ལས། །
78b2 གང་ཡང་གནས་པར་མི་ཕོད་པ། །སྟེང་གི་མེ་ལྕེ་འབར་བ་ནི། །འོག་གི་ཕྱོགས་སུ་འཕྲོ་ཞིང་འཁྲུག་།འོག་གི་མེ་ལྕེ་འབར་བ་ཡང་། །གྱེལ་དུ་འཁྱིལ་ཞིང་སྟེང་དུ་ཐལ། །མེ་ལྕེ་དགུ་ཕྲེང་འབར་བ་དག་།འུར་ཆེམ་འཆད་པས་འཐབ་ཅིང་འཁྲུག་།དུར་ཁྲོད་མེ་ནི་སྨུག་ཅིང
78b3 འབར། །ཞེ་སྡང་འཇོམས་པས་མཐིང་ནག་འཚུབ། །ང་རྒྱལ་སྲེག་པས་སེར་ནག་འཕྲོ། །འདོད་ཆགས་མཉམ་པས་དམར་ནག་འཕྲོ། །ཕྲག་དོག་སྲེག་པས་ལྗང་ནག་འཁྱིལ། །གཏི་མུག་སེལ་བས་སྨུག་ནག་འཁྱིལ། །འབར་ཆེན་ཀློང་གི་འཁོར་ལོས་གཏམས། །
78b4 ཛྭ་ལ་མཎྜ་ལ་ཧ་ལ་ཧ་ལ་ར~ཾ། །མེའི་རི་ལག་ཆུའི་ཕྱག་རྒྱ་ཡིས། །གནས་སམ་དཀྱིལ་འཁོར་བསྐོར་བར་བྱ། །ཆོས་ཉིད་བདལ་བའི་ནམ་མཁའ་ལ། །ཡེ་ཤེས་ལྔ་ཡི་འབྱུང་ཆེན་བརྩེགས། །ཀུན་གཞི་བདལ་བའི་ནམ་མཁའ་ལ། །བསྐྱེད་མའི་འབྱུང་ཆེན་རྣམ་ལྔ
78b5 བརྩེགས། །བྲུ~ཾ་ལས་རིན་ཆེན་འབར་བའི་གཞལ། །མཐའ་དང་དབུས་མེད་ཀུན་དུ་ཁྱབ། །ཏ་ལའི་བསྐྱེད་ཅིང་གསེར་ཅོང་དྲིལ། །ཟླ་གམ་དམར་པོ་དབང་གི་རྒྱ། །བྲུ~ཾ་ཁ~ཾ་ཏྲ~ཾ་ཁ་ལ་ཏི་བྲུ~ཾ། །ཞེས་པས་རྣམ་ལྔའི་བྱུག་པ་ཡིས། །གཏོར་ཞིང་ཀུན་དུ་བྱུག་པར་བྱའོ། །
78b6 སྒྲུབ་མཆོག་སྐྱོང་བའི་རྣལ་འབྱོར་རྣམས། །རྡོ་རྗེ་ཚིག་གིས་བཏབ་ནས་ནི། །རྒྱལ་སྲས་རིག་འཛིན་བཀའ་འཁོར་ལོ། །འབྲས་བུར་རེད་ཕྱིར་བྱིན་གྱིས་རློབ། །རྡོ་རྗེ་རྒྱལ་དབང་ཆེན་པོ་དེས། །སྒྲིབ་པ་སྲེག་པའི་ཡི་གེ་ནི། །ཕྲེང་བར་བྱས་ཏེ་གནས་སུ་འཕྲོ། །ཉི་མའི
78b7 དཀྱིལ་འཁོར་ལ་བཞག་སྟེ། །རིག་འཛིན་ཕོ་མོའི་མཚན་མས་གདབ། །རྣམ་ལྔའི་བྱུག་པས་ཀུན་ལ་གཏོར། །རྟགས་ཀྱི་ཕྱག་རྒྱ་ལག་ཏུ་སྦྱིན། །རྣལ་འབྱོར་ཆེན་པོའི་ལུགས་སུ་སྤྱད། །འཇིག་རྟེན་སྐྱོང་ཚུལ་ཐམས་ཅད་ནི། །སྒྱུ་མ་ཡིན་ཕྱིར་ཤིན་ཏུ་ཡང་། །
iiif viewer powered by OpenSeadragon
