| e-texts navigator |
| Wylie |
76b1 ཚུལ། །འདྲ་བར་མཁས་པས་བརྟག་པར་བྱ། །དེ་ཡང་རིགས་ཀྱི་ཁྱད་པར་ནི། །ལྔ་ལ་སོགས་པ་སོ་སོ་ཡི། །གནས་གནས་དག་ཏུ་རྟོགས་ནས་ནི། །ནོར་བུ་རིན་ཆེན་དེ་བསྒྲུབ་བྱ། །སྐྱོན་གྱི་གནས་དག་སྤང་བ་ནི། །གཤིན་རྗེ་གདུག་པའི་གདུང་རྩེ་དང་། །མ་མོ་རྔམ
76b2 པའི་སྤར་ཤད་དང་། །སྲིན་མོ་ངུས་པའི་མཆི་རྗེས་དང་། །གནོད་སྦྱིན་ཁྲོ་བོའི་རྦབ་ཤུལ་དང་། །འབྱུང་པོ་རྐུན་པོ་འཇོལ་ལ་སོགས། །གནས་ཀྱི་སྐྱོན་རྣམས་དགྲ་དང་རྐུན། །མཁས་པས་ངེས་པར་སྤང་བར་བྱ། །ཁ་ན་མ་ཐོར་བཅས་པ་དང་། །ཉམས་པ་ལས་བྱུང
76b3 ཉེན་དང་བྲལ། །མ་དག་པ་ཡི་ཡོ་བྱད་རྣམས། །གདུག་ཅན་པང་དུ་འོངས་པ་ལྟར། །ཝ་ཡི་བརྟུལ་ཞུགས་ཆེན་པོ་ཡི། །བསྐལ་པས་བཤུགས་ཏེ་སྤང་བར་བྱ། །དགོན་པ་ཆེན་པོའི་ས་ཕྱོགས་སམ། །བཀྲ་ཤིས་མཚན་མ་འབྱུང་བ་དག་།དགའ་བ་སྐྱེ་བར་འགྱུར
76b4 བ་ཡི། །ཡིད་འོང་གནས་སུ་འདུག་ནས་ནི། །རྩོད་པ་ཉེ་བར་ཞི་བྱའི་ཕྱིར། །སྙིང་རྗེ་ལྡན་པའི་རྣལ་འབྱོར་གྱིས། །བསྒྲུབ་པ་བརྣག་པ་མཐར་དབྱུང་ཕྱིར། །རྒྱལ་པོ་རྟེན་དང་འཁོར་བཅས་ལ། །བདེན་པས་བསྒོ་བའམ་ཡང་བསླང་བ། །དགོངས་ཤིག་ཐུགས་རྗེ
76b5 རྒྱལ་བའི་ལྷ། །ལྷ་ཀླུ་གནོད་སྦྱིན་སྡེ་དཔུང་བཅས། །གངས་རི་རྩེ་དང་རིན་ཆེན་རི། །ཀུན་དགའ་ལྡུམ་ར་སྐྱེད་མོས་ཚལ། །མཚོ་རྫིང་ལུ་མ་འབབ་ཆུའི་གནས། །འཇིག་རྟེན་འཇིག་རྟེན་ཐམས་ཅད་ཀྱི། །གང་དག་བདག་པོར་གྱུར་པ་རྣམས། །རྣལ་འབྱོར
76b6 དབང་ཕྱུག་བདག་ཉིད་ཀྱིས། །ས་འདི་ལྷུན་གྱིས་གྲུབ་བྱའི་ཕྱིར། །འཛམ་གླིང་གྲུབ་པའི་ས་སློང་ན། །འཁོར་དང་བཅས་པ་འདིར་འཁོད་ལ། །རིན་ཆེན་གཏེར་གྱི་ས་གཞི་བསླང་། །ཞེས་པས་རིན་ཆེན་སྣ་ཚོགས་ཀྱིས། །ས་ལ་གནས་པས་དེ་མགུ་བྱ། །
76b7 དེས་ནི་བདག་གིར་དེ་འགྱུར་ཞིང་། །ཉེས་པ་དེ་དང་བྲལ་བ་ཡིན། །བྱང་ཆུབ་སྤྱོད་པ་གཡོ་བ་དང་། །བསོད་ནམས་དགའ་བ་སྐྱེད་པ་ལ། །ཤེས་ལྡན་རྫུ་འཕྲུལ་ཅན་གྱི་བུ། །མ་སྐྲག་ཕྲག་དོག་ཡོང་མ་སྐྱེ། །རྣལ་འབྱོར་མཆོག་གི་སྒྲུབ་པ་པོ། །བདུད
iiif viewer powered by OpenSeadragon
