| e-texts navigator |
| Wylie |
76a1 རྙེད་པ། །དམ་ཚིག་གཟུངས་འདུ་དུས་ཆེན་ཡིན། །སྦྱངས་པས་རྩལ་གྱི་མཐར་ཕྱིན་ཅིང་། །ཤེས་བློའི་ཡོན་ཏན་ཚོགས་རྒྱས་པ། །འདི་དག་ཚད་ལ་བབ་པ་སྟེ། །དུས་ཀྱི་མཆོག་འདི་ཉེ་བར་བརྟག་།འདི་ལྟར་རྒྱུ་བཞི་འབྱོར་པ་ལས། །འབྲས་བུའི་དངོས
76a2 པོར་གྲུབ་པ་སྟེ། །གྲུ་དང་མཉན་པ་མཁས་པ་ལ། །བསྟེན་པས་རིན་ཆེན་ལོན་པ་འདྲ། །ཇི་སྲིད་གནས་པའི་རྒྱ་མཚོ་རྣམས། །རང་བཞིན་མེད་པར་ཀུན་གཅིག་པའི། །བདག་མེད་ཕྱོགས་བྲལ་ལྷུན་གྱིས་གྲུབ། །གཅིག་ལས་རྣམ་གྲངས་ངང་གིས་མེད། །ཐ་སྙད་དག་པར
76a3 ཡོངས་ཆུད་ན། །ངེས་པའི་དོན་ཆེན་དེ་ཉིད་དེ། །ཐམས་ཅད་དག་པར་འགྱུར་བའོ། །བདག་དང་གཞན་དུ་མི་གཉིས་པས། །བདག་ཉིད་བདག་གི་རང་བཞིན་ཏེ། །སངས་རྒྱས་ཞེས་བྱ་གཞན་ན་མེད། །བདག་ཉིད་ལྷུན་གྲུབ་དབང་ཕྱུག་ཆེ། །གང་འདོད་པ་ཡི་དངོས་པོ་དག་།
76a4 ཇི་ལྟ་བ་བཞིན་གྲུབ་འགྱུར་ཏེ། །རྫ་མཁན་འཕང་ལོ་སྲུབ་པ་ལྟར། །གང་ལྟར་དམིགས་པ་དེ་ལྟར་འགྱུར། །འགྲོ་བའི་ཁམས་སུ་གཟི་ཆེ་ཞིང་། །འབྱུང་ཆེན་ལྔ་ལ་དབང་སྒྱུར་བའི། །ངོ་མཚར་རྩལ་གྱི་ཁྱད་པར་དག་།གདོན་མི་ཟ་བར་འབྱུང་བ་ཡིན། །དེ་ལྟར
76a5 བརྩོན་པའི་བསྒྲུབ་པ་དག་། རྫས་དང་ཡོ་བྱད་ལ་སོགས་ཏེ། །ཤེས་དང་ཡོན་ཏན་ཕུན་སུམ་ཚོགས། །གཞན་དུ་རེག་ལས་མེད་པ་ནི། །ཐམས་ཅད་ཚང་བར་རྫོགས་པས་ན། །ཕུན་སུམ་ཚོགས་ཞེས་དེ་ལ་བྱ། །གསང་ཆེན་བསྒྲུབ་པའི་ལས་འདི་དག་།འཁོར་བའི
76a6 ལས་དང་མཐུན་སྤྱད་ཅིང་། །ཉོན་མོངས་ལྔ་ལྟར་སྤྱོད་སྣང་ཡང་། །འོད་ཀྱིས་མུན་པ་སྣང་འགྱུར་ལྟར། །སྐྱོན་ནི་ཡོན་ཏན་ཆེན་པོ་ལ། །གཡོ་མཚང་དངོས་གྲུབ་ཆེན་པོར་འགྱུར། །དེ་ལྟར་འཁོར་བའི་རྐ་བཟློག་པས། །མི་གནས་ཡེ་ཤེས་རྒྱ་མཚོར་འཁྱིལ། །
76a7 གནས་རབ་བརྟག་པའི་གལ་ཆེན་ཡང་། །ནམ་མཁའ་འཁོར་ལོ་རྡོ་རྗེ་དང་། །རིན་ཆེན་ཟུར་བརྒྱད་པདྨའི་དབྱིངས། །རྒྱ་གྲམ་ལ་སོགས་འདྲ་བར་བརྟག་།ས་གཞི་ཡང་ནི་དེ་བཞིན་ཏེ། །རི་བོ་བརྩེགས་དང་བཟུར་བ་དང་། །དེ་བཞིན་བསྒྲེང་དང་གཏམས་པའི
iiif viewer powered by OpenSeadragon
