| e-texts navigator |
| Wylie |
75b1 འབྱོར་རྣམས། །སྙིང་རྗེ་བྱམས་དང་དགའ་སྙོམས་དང་། །གདུང་བའི་བྱང་ཆུབ་སེམས་བསྐྱེད་དོ། །དེ་ཡང་ཤེས་དང་ཤེས་བྱ་ཡིས། །རྩལ་ཆེན་ཀུན་དུ་རྫོགས་པ་ནི། །རྡོ་རྗེ་སྙིང་པོ་འབྲུ་མཆོག་དག་།ཤིན་ཏུ་གཏམས་པས་ཚོགས་པ་ནི། །བླ་མ་རྡོ་རྗེ་འཁོར་ལོ
75b2 རྒྱལ། །ཡོན་ཏན་མཆོག་གི་གཏེར་གྱུར་ཅིང་། །སྲིད་པས་ཞུས་ཀྱང་ཟད་མི་ཤེས། །རྐྱེན་ཐུབ་དབང་ལུང་རྫོགས་པས་གཟུང་། །རྡོ་རྗེ་ཀུན་གྱི་གཟུགས་འཛིན་པ། །ཀུན་སྡུད་ཀུན་འབྱུང་འཁྲུག་མེད་ཅིང་། །ནམ་མཁའི་ཁྱོན་ལྟར་ཀུན་ལ་ཁྱབ། །མ་ལྟར་བྱམས་པའི
75b3 ཡུམ་མཆོག་གཟུང་། །རྒྱུད་སྦྱངས་བརྟུལ་ཞུགས་མཆོག་འཆང་ཞིང་། །ཐོགས་མེད་ཐེ་ཚོམ་སོམ་ཉི་བྲལ། །འཛིན་ཆགས་མེད་ཅིང་བླང་དོར་མེད། །བརྟན་ལྡན་གཟུངས་ཐུབ་རྡོ་རྗེ་གིང་། །རྡོ་རྗེ་དྲོད་ཀྱི་དུས་འཛིན་ཅིང་། །ཚིག་གི་འཕེན་སྡུད་སྐབས་སུ་སྦྱོར། །ཡོན
75b4 ཏན་རླབས་ཀྱིས་འཕང་བཅད་དེ། །ལེགས་ཉེས་དམིགས་སུ་གལ་འཛུགས་སོ། །རྡོ་རྗེ་ཚིག་གི་གདངས་སྐད་ཅན། །རྡོ་རྗེ་མཐོང་བ་རྣམ་པར་དག་།ངག་གི་དབང་ཕྱུག་ཚིག་ལ་མཁས། །ལས་ཀྱི་ཕྲེང་བ་རྫོགས་བྱེད་པའོ། །འདི་ལྟར་སྦྱར་བའི་དུས་ཆེན་ཡང་། །ངེས་པར
75b5 བརྟགས་ཏེ་མདོ་གཟུང་བ། །རིག་བྱེད་དག་གི་ཡན་ལག་ལས། །ཤེས་པར་བྱ་སྟེ་ལེགས་སྦྱར་བ། །བཀྲ་ཤིས་ལྷ་ཡི་ཉི་མ་དང་། །འབྱོར་དང་དུས་ཚིགས་བཟང་པོ་རྣམས། །འཇིག་རྟེན་མཚན་མའི་རྟོག་པ་སྟེ། །བརྟགས་ན་བཀྲ་ཤིས་མཚན་མ་འབྱུང་། །དུས་ཆ
75b6 བཞི་ཡི་དང་པོ་ནི། །མཆོག་ཉིད་མངོན་སྤྱོད་རོ་ལངས་ཡིན། །དབྱར་ཚེ་སྟོན་སྨན་ཤིས་པ་སྟེ། །ཞི་དང་རྒྱས་པ་དེ་བཞིན་སྦྱར། །དབང་དུ་བསྡུས་པའང་དབང་ཡིན་ཏེ། །བམ་ཆེན་གསང་བའི་དུས་སུ་བཤད། །ནོར་འདོད་རྫུ་འཕྲུལ་ཐམས་ཅད་ཀྱང་། །ཆ་བཞིར་ཁྱབ
75b7 པར་སྦྱར་བའོ། །བསྒྲུབ་པ་ཆེན་པོའི་རྫས་མཆོག་དག་།གལ་ཏེ་དུས་ལ་བབ་གྱུར་ན། །དུས་འདི་དངོས་གྲུབ་དུས་ཆེན་ཏེ། །དུས་འདི་མཁས་པས་ཡོང་མི་བཅག་།རྣལ་འབྱོར་ལས་ཀྱི་དང་པོ་རྣམས། །ཅི་སྟེ་འདོད་པའི་མཚན་མ་དག་།ཡིད་འོང་འབྱུང་ཞིང་རྟགས
iiif viewer powered by OpenSeadragon
