| e-texts navigator |
| Wylie |
75a1 གཉིས་སུ་སྦྱར་བར་བྱ། །རི་བོ་ཆེན་པོ་འདུས་པའི་རྩེ། །གངས་དཀར་ཤེལ་གྱི་འདབ་ཆེན་ནི། །སེང་ཕྲུག་འཁྲ་བའི་གནས་ཡིན་ཏེ། །ཐམས་ཅད་ཞི་བར་བྱེད་པའི་གནས། །རྡོ་རྗེ་བྲག་ཆེན་གཏམས་པའི་དཀྱིལ། །དགོན་པ་ཆེན་པོའི་ཕུག་ཆེན
75a2 ནི། །གཅན་ཆེན་འཁྲ་བའི་གནས་ཡིན་ཏེ། །མངོན་སྤྱོད་ཆེན་པོ་བསྒྲུབ་པའི་གནས། །དུར་ཁྲོད་ངམ་གྲོག་བཤུང་བའི་གནས། །སུམ་མདོ་གྲོག་གླེ་རྩུབ་པའི་རི། །དུར་གཅན་འཁྲ་བའི་གནས་ཡིན་ཏེ། །ཆགས་པ་བསྒྲུབ་པའི་གནས་ཡིན་ནོ། །ནགས་ཚལ་དྲ་བས
75a3 བཏིབས་པའི་ནང་། །ཤིན་ཏུ་བཙན་ཞིང་འཇིགས་པའི་ངོགས། །སྟག་གཟིག་འཁྲ་བའི་གནས་ཡིན་ཏེ། །འདོད་པ་སྒྲུབ་པའི་གནས་སུ་ཤིས། །ཆུ་མདོ་ཆུ་འཇིགས་རྒྱ་མཚོའི་གླིང་། །ཆུ་ཡི་ར་བས་ཀུན་བསྐོར་བ། །ཆུ་གཅན་འཁྲ་བའི་གནས་ཡིན་པས། །བྱ་བ
75a4 མེད་པའི་ལས་ལ་བྱའོ། །དེར་ནི་ཡོ་བྱད་ཕུན་སུམ་ཚོགས། །ཅི་འདོད་བལྟས་ཏེ་མ་ཐོགས་པར། །ཁ་ན་མ་ཐོ་བཅས་དང་བྲལ། །འཕྱོར་པས་ནན་ཏན་མཆོག་བསྐྱེད་པ། །ཁམས་ལས་གྱུར་པའི་ནད་ཆེན་རྣམས། །བཅུད་ཀྱི་མཆོག་གིས་བཟློག་བྱའི་ཕྱིར། །རྩི་འམ
75a5 བཅུ་དམ་ཐར་པ་རྣམས། །ཉེར་རྫོགས་སུ་ནི་གཞག་པར་བྱ། །འདུས་པའི་ནད་དང་དུས་ཀྱི་ནད། །དུག་ལས་གྱུར་པའི་ནད་རྣམས་ཀྱི། །རྐྱེན་གྱིས་བར་ཆད་འབྱུང་སྲིད་ཕྱིར། །སྨན་དང་མཁས་པས་བཅས་ཏེ་སྦྱར། །ཀ་པཱ་ལ་དང་ལྕང་ལོར་བཅས། །གའུ
75a6 ཆུང་ལ་སོགས་པའི་རྫས། །ཕྱག་རྒྱ་ཆེ་དང་ལྡན་བྱས་ལ། །དངོས་གྲུབ་འབྱུང་བའི་རྟེན་དུ་བྱ། །སྒྲུབ་མཆོག་གསང་བའི་རྣལ་འབྱོར་པ། །སྐྱོ་བའི་ཡིད་རྣམས་བསང་ཕྱིར་དང་། །གཏི་མུག་མུན་པ་གཞོམ་པའི་ཕྱིར། །དུང་དང་འཁར་རྔ་རྫ་རྔ་དང་། །ཅང་ཏེའུ
75a7 པི་བང་ཀོ་ཀི་ལ། །སྙན་པར་རྫོགས་པའི་རྫས་རྣམས་ཀུན། །སྣ་ཚོགས་འབྱུང་བའི་རོལ་མོ་སྟེ། །ཉེར་རྫོགས་སུ་ནི་འབྱོར་པར་བྱ། །ཤིན་ཏུ་གཏམས་པས་ཚོགས་ཆེན་ནི། །བླ་མ་རྡོ་རྗེ་འཁོར་ལོ་རྒྱལ། །གསང་བ་སྦྱོར་བའི་དུས་ཆེན་དུ། །སྒྲུབ་ཆེན་སྒྲུབ་པའི་རྣལ
iiif viewer powered by OpenSeadragon
