| e-texts navigator |
| Wylie |
72a1 མ་ཆགས་པས་ན། །སྡང་ལ་སེམས་མི་འཁྲུག་པར་ངེས། །གནས་ལ་ངེས་པ་མེད་པས་ན། །ས་རྣམས་བགྲོད་པ་མེད་པར་ངེས། །སེམས་ལ་སྐྱེ་ཤི་མེད་པས་ན། །འཕོ་འགྱུར་དག་ལ་ཉམ་མིང་། །དེས་ན་ཐམས་ཅད་སྒྱུ་མར་སྣང་། །སྒྱུ་མ་རང
72a2 བཞིན་མེད་ཤེས་པས། །ཐམས་ཅད་ཆོས་ཉིད་སྙིང་པོ་ཡིན། །མཚན་མ་རྟོག་པའི་དྲི་མ་དག་།ཆོས་ཉིད་ཆུ་པོ་དེས་བཀྲུས་ན། །འཛིན་པའི་དྲི་མ་དག་པར་འགྱུར། །དེ་ནས་རྒྱན་གྱི་ཆོ་ག་ནི། །རྫས་ཀྱི་ཡོ་བྱད་ཡིན་པས་ན། །རློབ་ཅིང་འཕུར་བའི་ཆས་གོས་དང་། །རིན
72a3 ཆེན་ཕྲོག་དང་རྣ་ཆར་བཅས། །འཇོལ་སྒེག་མགུལ་རྒྱན་ལ་སོགས་པ། །དཔུང་རྒྱན་དོ་ཤལ་སེ་མོ་དོ། །ནོར་བུ་རིན་ཆེན་ལ་སོགས་བརྒྱན། །རྐང་གདུབ་ལག་གདུབ་ལ་སོགས་པ། །གསེར་དང་དངུལ་ལ་སོགས་པས་བརྒྱན། །རོལ་མོ་སྒྲ་དབྱངས་སྣ་ཚོགས
72a4 པའི། །མཆོད་རྫས་སྣ་ཚོགས་ཐོགས་པར་བྱ། །དེ་ནས་འདྲེན་པའི་ཆོ་ག་ནི། །གསང་བའི་ཚིག་གིས་བསྲེ་བ་ན། །རྡོ་རྗེ་ལྕེ་ཡི་དམ་ཚིག་གིས། །ཚིག་གི་བརྡས་ནི་མཚོན་པར་བྱ། །ས་མ་ཡ་ཧོ་ཞེས་བརྗོད་ན། །ས་མ་ཡ་སྟྭཾ་ཞེས་ཀྱང་བསྲེ། །ར་ག་ཡ་མི་ཞེས
72a5 བརྗོད་ན། །ར་ཧོ་ཧ~ཾ་ཞེས་བརྗོད་པར་བྱ། །ཏི་པ་སུ་ཀི་ཞེས་བརྗོད་ན། །གན་དེ་ཙི་ཏ་ཞེས་པས་མཚོན། ། ཏི་པུ་ཧོ་ཞེས་བརྗོད་ན། །པྲ་ཏི་པུ་ཧོ་ཞེས་པས་མཚོན། །གཡས་ཀྱི་སྨིན་མ་བསྐྱོད་བྱས་ན། །གཡོན་གྱི་སྨིན་མས་མཚོན་པར་བྱ། །ནཱ་ས་གཡས་ཀྱིས་མཚོན
72a6 བྱས་ན། །དེ་བཞིན་ནཱ་ས་གཡོན་གྱིས་མཚོན། །གཙུག་ཏོར་གཙུག་ཏུ་མཚོན་བྱས་ན། །དེ་བཞིན་དཔལ་བེའུའི་ལིངྒར་མཚོན། །རྡོ་རྗེ་ལིངྒ་འོད་འཕྲོ་ན། །པདྨ་ཟེ་འབྲུ་འབར་འཕྲོ་འཁྱིལ། །ཞེས་པའི་ཚིག་གི་དོན་རྣམས་བསྲེ། །བསྐུལ་བའི་ཆོ་ག་ཁྱད་པར
72a7 ཡང་། །དོན་གྱིས་འདི་ལྟར་བསྐུལ་བར་རིགས། །ཤེས་རབ་ཉི་མའི་འོད་ཟེར་གྱིས། །ཐབས་མཆོག་ཟླ་བའི་འོད་ལ་བསྐུལ། །བསྐུལ་བའི་ཆོ་ག་རྫོགས་པ་དང་། །མཆོད་པའི་ཡོ་བྱད་དབུལ་བར་བྱ། །དེ་ནས་སངས་རྒྱས་ཐམས་ཅད་ཟླ་བའི་དཀྱིལ་འཁོར་གྱི
iiif viewer powered by OpenSeadragon
