| e-texts navigator |
| Wylie |
71b1 ནི། །བཅུ་གཉིས་ཉི་ཤུ་རྩ་ལྔ་པ། །རྡོ་རྗེའི་མཚོན་གྱིས་མ་ཕོག་ཅིང་། །མུ་ལ་རཀྟར་ལྡན་པ་ལ། །ཕྲ་ཞིང་བཤད་ལ་གཟངས་སུ་རིང་། །བན་གླང་སེར་མོ་གྲུ་བཞི་ལ། །ཁམ་ལ་མིག་འབུར་སྨིན་ཚོགས་ཆེ། །སྐྲ་ཁམ་མ་ལ་སོ་ཆེ་ཞིང་། །སྣ་རིང་འགྲམ་སླང
71b2 རིང་བ་ཡིན། །རི་མོ་ཅན་གྱི་བུད་མེད་ནི། །ནག་མོ་གྲཝ་གསུམ་རྩིད་མགོ་མ། །ཁྲོ་གཉེར་ཅན་ལ་གེལ་བག་ཆགས། །སྡོང་གཅིག་ཡན་ལག་གཏན་མེད་པའོ། །སྐྱེ་བའི་རྒྱུ་མེད་བཀྲ་མི་ཤིས། །མི་རེག་ཡལ་ག་མེས་ཚིག་ཡིན། །སྤྱིར་ནི་དེ་ལྟར་བསྟན་མེད
71b3 ཀྱང་། །གང་དག་དད་ལྡན་བརྟུལ་ཞུགས་ཅན། །ཡིད་དུ་འོང་དང་མི་འོང་རྣམས། །དད་པ་ཆགས་ཤིང་ལུས་འབུལ་ན། །ཐུགས་རྗེའི་ཡུལ་བས་ཀུན་སྙོམས་བྱ། །རྣམ་རྟོག་སྤོང་ལེན་གང་བྱེད་པ། །དེ་དག་སྒྲིབ་པ་མུ་མཐའ་ཡས། །རྨད་དུ་གསང་བའི་མཆོད
71b4 པ་ལ། །གསང་བའི་ཕྱག་ཚང་གང་བྱེད་པ། །ལས་ཀྱི་སྒྲིབ་པ་ཀུན་བསལ་ཏེ། །མན་ངག་གསང་བའི་དམིགས་བུ་འཐོབ། །དེ་ལྟར་བརྟགས་པའི་ཡུམ་དེ་ལ། །དྲི་སྤོས་ཙནྡན་ལ་སོགས་པས། ། ག་རུ་དང་སྦྱར་བའི་ཆུ། །ཁྲུས་ཀྱི་ཆོ་གས་དག་པར
71b5 བྱ། །དྲི་ཞིམ་ལ་སོགས་སྣ་ཚོགས་ཀྱིས། །ལུས་ལ་བྱུག་པ་སྣ་ཚོགས་བྱ། །དེ་ནས་ནང་གི་ཁྲུས་ཆེན་ཡང་། །ཤིན་ཏུ་དག་པར་བྱ་བ་ནི། །རྫས་ཀྱི་ཆུ་དང་རྫས་སྦྱར་བས། །ནང་གི་རྫས་རྣམས་དག་པར་བྱ། །བུར་ཤིང་སྙིང་པོ་ལ་སོགས་པ། །རོ་ཡི་མཆོག
71b6 ཏུ་གྱུར་པ་ཀུན། །རྩི་འམ་བཅུད་དང་སྦྱར་ནས་ཀྱང་། །ནང་གི་རྫས་རྣམས་སྦྱར་བར་བྱ། །རྫས་ཀྱི་ཆོ་ག་རྫོགས་པ་དང་། །བྱང་ཆུབ་མཆོག་ཏུ་སེམས་བསྐྱེད་དེ། །མི་དམིགས་ཆོས་ལ་བློ་སྦྱངས་ཕྱིར། །རྩ་བ་བྱང་ཆུབ་སེམས་ཀྱི་དོན། །རྒྱ་ཆེར་ཤིན་ཏུ
71b7 བཤད་པར་བྱ། །ཕུང་པོ་སྒྱུ་མར་སྣང་བས་ན། །སེམས་ལ་རང་བཞིན་མེད་པར་ངེས། །སྣང་སྲིད་ནམ་མཁར་གཅིག་པས་ན། །འཁོར་བ་སྒྱུ་མ་ཡིན་པར་ངེས། །ཀུན་གཞི་ཆོས་ཀྱི་མཛོད་ཡིན་པས། །སངས་རྒྱས་གཞན་ན་མེད་པར་ངེས། །བྱམས་ལ་དང
iiif viewer powered by OpenSeadragon
