| e-texts navigator |
| Wylie |
70b1 གསང་བ་སྦྱོར་བའི་ཕྱག་བྱས་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་གསང་བའི་དབང་ཕྱུག་ཆེན་པོ་བདག་ཅག་རྣམས་ལ་གསང་བའི་ཡང་གསང་བ། བཀའ་གསང་བ་ཆེན་པོ་ཡེ་ཤེས་རྨད་དུ་བྱུང་བ། སངས་རྒྱས་གཤེགས་པའི་ཤུལ
70b2 ཡང་དག་པའི་དོན་བདག་ཅག་རྣམས་ལ་བཤད་དུ་གསོལ། །ཞེས་གསོལ་བ་བཏབ་པ་ལས་སེམས་དཔའི་རྡོ་རྗེ་སྙིང་པོ་དེ། བཙུན་མོའི་ཚོགས་ལ་དགྱེས་པར་འཇུག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་འདི་སྐད་ཅེས་གསུངས་སོ། །
70b3 བྷ་ག་གསང་བའི་པདྨ་ནི། །བདེ་གཤེགས་རྒྱལ་བའི་ཕོ་བྲང་སྟེ། །སྔོན་འདས་རྒྱལ་བ་བརྣལ་བའི་དབྱིངས། །ད་ལྟར་བཞུགས་པ་གནས་པའི་རྟེན། །སླད་ཀྱིས་བྱོན་པ་གཤེགས་པའི་ཤུལ། །རྒྱལ་བ་རྣམས་ལ་དེ་ལྟར་སྣང་། །དེ་ལྟར་མ་ཤེས་འཁོར་བའི
70b4 ལམ། །རྣལ་འབྱོར་ཅན་གྱིས་ཤེས་པར་གྱིས། །ཡུལ་གྱི་མཆོག་ནི་འདིར་གཟུང་བ། །མཚན་ལྡན་བཀྲ་ཤིས་གསང་བའི་ཡུམ། །སྨིན་དཀྱུས་རིང་ལ་ལག་སོར་ཕྲ། །ཚིགས་མིག་ཟླུམ་ལ་ཕྲ་བར་བཤད། །ཁ་ནས་ཨུཏྤལ་དང་ལྡན་ཞིང་། །ཡིད་འོང
70b5 མཚན་ལྡན་རྐེད་སྐབས་ཕྱེད། །སྐྲ་འཇམ་མཐོན་མཐིང་ལྕང་ལོར་འཁྲིལ། །སོ་དཀར་ཚགས་དམ་སྨིན་དཀྱུས་རིང་། །ཟར་མའི་མེ་ཏོག་རྒྱས་འདྲའི་སྤྱན། །དཔྲལ་བའི་དབྱེས་ཆེ་སྐྲ་མཚམས་འཁྱུག་།སྣ་བཟང་མདོག་གསལ་པདྨའི་རིགས། །ལུས་དྲང
70b6 སྐེ་རིང་སེམས་མའི་ཚུལ། །ནུ་མའི་དཀྱིལ་འཁོར་ཟླ་རྒྱས་འདྲ། །ཤ་དཀར་ཚགས་དམ་འཁྲིལ་བག་ཅན། །ཁོང་དལ་འགྲོ་ན་གོམ་པ་འཇམ། །སྐད་ནི་ངང་པ་གཞོན་ནུ་སྒྲོགས། །ཅི་ཡང་མཛེས་པའི་སྟབས་ཚུལ་ལྡན། །སྐྱེས་བུ་བླ་མས་ཡུམ་དུ་གཟུང་། །གཟུངས
70b7 སུ་བྱིན་གྱིས་བརླབས་པ་ནི། །དེ་ཡི་གཟུགས་ཀྱི་ཕུང་པོ་ལ། །བདེ་བར་གཤེགས་པའི་ས་བོན་ལྔ། །འཕྲོ་འདུ་གསལ་བར་གྱུར་པ་དེ། །རྒྱས་བཏབ་བྱིན་བརླབས་དབང་བསྐུར་ནས། །བདེ་གཤེགས་ཡུམ་ལྔའི་སྐུ་མཆོག་གསལ། །རྡོ་རྗེ་ཐབས་ལའང་དེ་བཞིན
iiif viewer powered by OpenSeadragon
