| e-texts navigator |
| Wylie |
70a1 ལིངྒ་ལ། །རིན་ཆེན་འབར་བའི་ཡིག་འབྲུ་བརྒྱད། །ཤིན་ཏུ་འབར་ཞིང་འཕྲོ་འདུ་བ། །གསུང་གི་རྩ་བའི་ཕྱག་རྒྱ་ཡིན། །ཞེས་གསུངས་སོ། །དེ་ནས་ཡང་སེམས་དཔའི་རྡོ་རྗེ་དེ་ཐུགས་ཀྱི་ཕྱག་རྒྱ་འབར་བ་ཞེས་བྱ་བའི་ཏིང་ངེ་འཛིན་ལ་སྙོམས་པར
70a2 ཞུགས་ནས་འདི་སྐད་ཅེས་གསུངས་སོ། །རྡོ་རྗེ་འབར་བའི་ལིངྒ་ལ། །ཡི་གེ་ཧཱུ~ཾ་གི་འབྲུ་ཡིས་བསྐོར། །མཐའ་མ་རིན་ཆེན་ཡིག་འབྲུ་བརྒྱད། །ཁ་དོག་མཐིང་གས་བསྐོར་བ་ནི། །ཐུགས་ཀྱི་གསང་བའི་ཡེ་ཤེས་ཡིན། །ཞེས་གསུངས་སོ། །དེ་ནས་སེམས་དཔའི་རྡོ
70a3 རྗེ་དེས་ཏིང་ངེ་འཛིན་གྱི་མདོ་འདི་གསུངས་སོ། །སེམས་ནི་སྒྱུ་མའི་རང་བཞིན་ཏེ། །ཇི་ལྟར་བརྟགས་པ་དེ་ལྟར་སྣང་། །མདོ་བཞིན་སྣང་བར་མ་གྱུར་ཀྱང་། །སེམས་ཉིད་བརྟགས་པ་དེ་ལྟར་འགྱུར། །གདོས་བཅས་དམིགས་བུས་མི་མཐོང་ཡང་། །མངོན་ཤེས་ཡིད
70a4 གཟུགས་ཅན་གྱིས་མཐོང་། །གང་ལྟར་བརྟགས་པར་ཡུན་བརྟགས་ན། །རྟོག་པ་རྟས་པའི་འབྲས་བུ་ནི། །མངོན་སུམ་གསལ་བར་རེད་པར་འགྱུར། །དགེ་དང་མི་དགེའི་བག་ཆགས་དང་། །ཡོད་དང་མེད་པའི་རང་བཞིན་རྣམས། །བག་ཆགས་རྟས་པ་ཁོ་ནར
70a5 ཟད། །དེ་བས་ཏིང་འཛིན་སེམས་ཉིད་གཙོ། །ཞེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་རྒྱུན་གྱི་ཏིང་ངེ་འཛིན་གྱི་ལེའུ་སྟེ་དགུ་པའོ།། །།དེ་ནས་སེམས་དཔའི་རྡོ་རྗེ་སྙིང་པོ་དེས་གསང་སྦྱོར་ཆེན་པོ་སྒྲུབ་པ
70a6 འདི་གསུངས་སོ། །འདུས་པ་ཆེན་པོའི་རྣལ་འབྱོར་རྣམས། །ཤིན་ཏུ་གསང་བའི་སྒྲུབ་པ་འདི། །བདེ་གཤེགས་རྒྱལ་བའི་གཤེགས་ཤུལ་ཏེ། །འཇིག་རྟེན་གང་ཟག་ལམ་ཡང་ཡིན། །མ་རྟོགས་པ་དང་ལོག་པར་རྟོགས། །ཕྱོགས་རྟོགས་ཡང་དག་ཉིད་མ
70a7 རྟོགས། །ལོག་པའི་ལམ་བཞིན་མཐའ་བསལ་ནས། །བདེ་གཤེགས་རྒྱལ་བའི་ལམ་ལ་འཇུག་།དེས་ན་སྒྲུབ་པའི་ལམ་མཆོག་འདི། །འདུས་པའི་ཚོགས་ལ་བཤད་པར་བྱ། །ཤིན་ཏུ་གུས་པས་མཉན་པར་གྱིས། །དེ་ནས་འདུས་པའི་འཁོར་རྣམས་ཀྱིས
iiif viewer powered by OpenSeadragon
