| e-texts navigator |
| Wylie |
6a1 ཁོ་ནའི་གླུ་འདིས་བསྐུལ་ཏེ་གསོལ་བ་བཏབ་བོ། །ེ་མའོ། །ཡིད་བཞིན་སྐུ་མཆོག་ནམ་མཁའ་ལྟ་བུ་ལས། །ཁྱབ་པའི་བྱིན་བརླབས་རྡོ་རྗེ་གར་མཛད་ཅིང་། །གཟི་བརྗིད་སྤྲིན་དཔུང་རོལ་པས་བསྒྱིངས་པའི་སྐུ། །ཐོགས་མེད་རྡོ་རྗེ་རོལ་པའི
6a2 ཆོ་འཕྲུལ་སྟོན། །ེ་མའོ། །ཡིད་བཞིན་གསུང་མཆོག་སྒྲ་བརྙན་ལྟ་བུ་ལས། །སྙན་པའི་བྱིན་བརླབས་རྡོ་རྗེ་བརྗོད་མཛད་ཅིང་། །ཡན་ལག་རྒྱ་མཚོ་མི་ཟད་བཀོད་པའི་གསུང་། །སེངྒེ་སྒྲ་ཡིས་གསང་སྔགས་རྒྱ་མཚོ་སྟོན། །ེ་མའོ། །ཡེ་ཤེས་སྙིང་པོ
6a3 ཉི་མ་ལྟ་བུ་ལས། །ཡེ་ཤེས་བྱིན་བརླབས་རྡོ་རྗེ་བདེ་མཛད་ཅིང་། །ཐིག་ལེ་སྤྲོས་བྲལ་རྣམ་པར་མི་རྟོག་ཐུགས། །རྣམ་གྲོལ་དེ་ཉིད་ངེས་པའི་ཆོ་འཕྲུལ་སྟོན། །མི་ཤེས་བླུན་རྨོངས་འདམ་བྱིང་འགྲོ་བ་རྣམས། །སྡུག་བསྔལ་རྒྱ་མཚོས་བཅིངས་པ་ཐབས་ཀྱིས་ཁྲོལ། །
6a4 མ་རིག་མུན་པས་ལྡོངས་པ་དོན་གྱིས་ཕྱེ། །འཁོར་བའི་རྒྱ་མཚོ་རོལ་པའི་གྲུ་ཡིས་སྒྲོལ། །དེ་བཞིན་གཤེགས་པ་ཀུན་གྱི་ཐུགས་ཆེན་པོ། །ཡེ་ཤེས་དོན་གྱི་སྙིང་པོ་མཆོག་དང་ལྡན། །རྣལ་འབྱོར་ཐེག་ཆེན་རྡོ་རྗེ་ཀུན་འདུས་རྒྱུད། །འདུས་པའི་ཚོགས་ལ་རྒྱ་ཆེར
6a5 བཤད་དུ་གསོལ། ། ལ་ལ་ཧོ་ཞེས་ངེས་པར་བཏུད་དེ་གསོལ་བ་བཏབ་བོ། །དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེས་རྡོ་རྗེ་རོལ་པ་དེ་ཁོ་ན་ཉིད་ཀྱི་གླུ་དེས་གསོལ་བ་བཏབ་པ་མཁྱེན་ནས་འཁོར་ཐམས་ཅད་ལ་རྣམ་པར་གཟིགས་ཏེ་འཛུམ་པ
6a6 མཛད་དོ། །འཛུམ་པ་མཛད་པས་ཐུགས་རྣམ་པར་དག་པའི་ཀློང་ནས་རིག་པའི་ཉི་མ་བརྗོད་ཀྱིས་མི་ལང་བའི་ཡང་མི་ལང་བའི་འོད་ཟེར་དང་བཅས་པ་འབྱམ་ཀླས་པ་ཁྱབ་པར་ཤར་བར་མཛད་དོ། །འོད་ཟེར་དེ་དག་རེ་རེ་ལས་རྡོ་རྗེ་ཧེ་རུ་ཀ་རབ་ཏུ་མང་བའི་ཚོགས་བཤད
6a7 པར་མཛད་དོ། །དེ་དག་རེ་རེ་ལས་ཀྱང་སངས་རྒྱས་འབུམ་ཕྲག་འཁོར་སོ་སོའི་ཞབས་འབྲིང་བཅས་པ་ལྷུན་གྱིས་གྲུབ་པར་མཛད་དོ། །དེ་དག་ལས་རིག་པའི་ཉི་མའི་ཆར་མངོན་པར་ཕབ་པས་མུན་པའི་ཀློང་ཐམས་ཅད་གསལ་བར་མཛད་དོ། །རིག་པའི་ཆོས་ཀྱི་འབྲུག་སྒྲ
iiif viewer powered by OpenSeadragon
