| e-texts navigator |
| Wylie |
67a1 མཚན་ཆེན་པོ་བཅུ་འབར་བ་ནི་རྒྱ་བྱེའུ་ལྕགས་ཀྱི་རྒྱལ་མཚན་དང་། གདུལ་བྱ་ཤ་བའི་རྒྱལ་མཚན་དང་། གཅན་གཟན་གཟིག་གི་རྒྱལ་མཚན་དང་། སྤྲུལ་པ་རྡོ་རྗེའི་རྒྱལ་མཚན་དང་། རིན་ཆེན་སྦྲུལ་ནག་གི་རྒྱལ་མཚན་དང་། དཔའ་བོ་སྟག
67a2 གི་རྒྱལ་མཚན་དང་། གཟི་མདངས་མིའི་རྒྱལ་མཚན་དང་། དམར་གསལ་ཁྲག་གི་རྒྱལ་མཚན་དང་། རྩལ་ཆེན་སེང་གེའི་རྒྱལ་མཚན་དང་། གཏུམ་ཆེན་དོམ་གྱི་རྒྱལ་མཚན་དང་། རྒྱལ་མཚན་དེ་རྣམས་ཀྱི་རྩེ་མོ་གཅིག་ཏུ་འདུས་ཏེ། གསེར་གྱི་གཙུག
67a3 ཏོར་ཏོག་སྟོང་འབར་བའོ། །དེ་ནས་འདུས་པ་ཕལ་མོ་ཆེའི་འཁོར་གྱིས་ཞབས་ཀྱི་གདན་ཁྲི་ཡན་ཆད་ནས་དབུའི་གཙུག་ཏོར་མན་ཆད་དུ་ཡོངས་སུ་རྫོགས་པར་མཐོང་ངོ་། །དབུ་ལས་བྱུང་བའི་སངས་རྒྱས་ཉི་ཤུ་རྩ་གཅིག་དང་། རྒྱལ་མཚན་ཆེན་པོ་བཅུ་ལ་རྫོགས
67a4 པའི་རྣལ་འབྱོར་ཡོངས་སུ་རྫོགས་པར་མཐོང་ངོ་། །དབུའི་གཙུག་ཏོར་རྒྱལ་མཚན་གྱི་རྩེ་མོ་ལ་གསེར་གྱི་ཏོག་སྟོང་ནི་རྫོགས་པ་ཆེན་པོའི་རྣལ་འབྱོར་ཉིད་དུ་གསལ་བར་མཐོང་ངོ་། །དེ་ལྟར་མཐོང་ཞིང་གསལ་བར་གྱུར་པ་དང་། །ཆོས་ཐམས་ཅད་སྐུ་ལ
67a5 ཡོངས་སུ་རྫོགས་པའི་དོན་ལ་འཁོར་ཐམས་ཅད་ངམ་ཞིང་ངོ་མཚར་སྐྱེས་པར་གྱུར་ཏོ། །རྣལ་འབྱོར་ཆེན་པོ་རྣམས་ཀྱིས་སྐུ་ལ་ཡོངས་སུ་བསྟོད་པ། ཨེ་མའོ་ཆོས་ཀུན་སྐུ་ལ་ཡོངས་སུ་རྫོགས་པས་ཆོས་ཀྱི་སྐུ། །རྡོ་རྗེ་ཆེ་མཆོག་ཕྱག་འཚལ་ཧེ་རུ་ཀ། །ཆོས་ཉིད
67a6 མཁའ་ལ་སྐར་ཚོགས་རྒྱས་པའི་སྐུ། །དབྱར་གྱི་ཆར་སྤྲིན་གཏིབས་པ་ལྟ་བུའི་གཟུགས། །ཆུ་རླབས་ལྟ་བུར་བརྗོད་པའི་ཞལ་གདངས་ཤིང་། །ཉི་མ་འབུམ་གྱི་འོད་ཟེར་བདལ་བ་བཞིན། །ཐེག་ཆེན་དགུ་དང་འཁོར་བའི་ཆོས་རྣམས་ཀུན། །ཕྱག་རྒྱ་གཅིག་ཏུ
67a7 བཀོད་ནས་རྫོགས་པའི་སྐུ། །སྐུ་གསུམ་ལྷུན་གྲུབ་ཆོས་སྐུ་ཏོག་སྟོང་འབར། །དབུ་སྐྲ་ཁམ་ནག་རལ་པའི་ཅོད་པན་ཅན། །ཀླུ་རྒྱལ་འབུམ་གྱིས་བཀླུབས་ཤིང་མཆོད་ཀུན་འབུལ། །རྡོ་རྗེ་གསུང་གིས་ལྗགས་སྒྲ་བརྡབས་པས་ཀྱང་། །ཧཱུ~ཾ་དང་ཕཊ་ཀྱི་སྒྲ་སྐད
iiif viewer powered by OpenSeadragon
