| e-texts navigator |
| Wylie |
66b1 ཐམས་ཅད་ས་ལ་ཡོངས་སུ་རྫོགས་པར་མཐོང་ངོ་། །གཞལ་ཡས་ཆེན་པོ་འབར་བ་ལ་ཡུམ་ཀུན་དུ་བཟང་མོ་རྫོགས་པར་མཐོང་ངོ་། །མེ་དཔུང་ཆེན་པོ་དགུ་ལ་ཡེ་ཤེས་ཀྱི་སྒོ་དགུ་བརྩེགས་སུ་ཡོངས་སུ་འབར་བར་རྫོགས་པར་མཐོང་ངོ་། །ཞབས་བརྒྱད་ལ་གསང་བའི་ཡུམ་བཞི
66b2 དང་། སྒོམ་བཞི་རྫོགས་པར་མཐོང་ངོ་། །དུར་ཁྲོད་ཀྱི་རྒྱན་ཆེན་པོ་བརྒྱད་ནི་མ་མོ་ཆེན་མོ་བརྒྱད་ཡོངས་སུ་རྫོགས་པར་གསལ་ལོ། །ཕྱག་མཚན་བཞི་བཅུ་རྩ་གཉིས་ནི་ཕྲ་མེན་མ་བཅུ་ད་བྱུག་པ་འཕྱར་བའི་ལག་ན་ཁྱུང་བཅུ་འབར་བའི་ཁ་ནས་མཚོན་ཆ་སྣ་ཚོགས་འཕྲོ་བ། མཁའ
66b3 འགྲོ་བརྒྱད་དབྱུག་པར་འཕྱར་བའི་ལག་ན་སེང་གེ་ཁ་གླལ་བ་བརྒྱད་ཀྱི་ཁ་ནས་རལ་གྲི་འབར་བ་བརྒྱད་འཕྲོ་བ། ཤུགས་འགྲོ་བརྒྱད་དབྱུག་པར་འཕྱར་བའི་ལག་ན་སྟག་མཆེ་བ་གཙིགས་པ་བརྒྱད་ཀྱི་ཁ་ནས་རྡོ་རྗེ་སྣ་ཚོགས་འཕྲོ་བ། མ་མོ་བརྒྱད་དབྱུག་པར་འཕྱར་བའི་ལག
66b4 ན་མི་མགོ་བརྒྱད་རྡོ་རྗེ་ལུ་གུ་རྒྱུད་ཀྱིས་བཏགས་ནས་ཀླད་ལ་བསྐོར་བ། འབར་མ་བརྒྱད་དབྱུག་པར་འཕྱར་བའི་ལག་ན་མེ་དཔུང་འབར་བ་བརྒྱད་ལས་ཐུ་ལུམ་འཕྲོ་བ་སྟེ། བཞི་བཅུ་རྩ་གཉིས་སུ་གསལ་ལོ། །ཕྱག་བཞི་བཅུ་རྩ་གཉིས་ནི་ཁྲག་འཐུང་འབར་བ་བཞི།
66b5 གིང་ཕོ་དགུ་མོ་དགུ། ཟ་བྱེད་ཕ་བཅུ་གསོད་བྱེད་མ་བཅུ་སྟེ་བཞི་བཅུ་རྩ་གཉིས་སུ་གསལ་ལོ། །ཞལ་ཉི་ཤུ་རྩ་གཅིག་ནི་སྲིད་པ་ཟ་བྱེད་གསང་བའི་དུར་ཁྲོད་ཉི་ཤུ་རྩ་གཅིག་ཏུ་གསལ་ལོ། །སྤྱན་འབར་བ་དྲུག་ཅུ་རྩ་བཞི་ནི་ཧེ་རུ་ཀ་ཡབ་ཡུམ་དྲུག་ཅུ་རྩ་བཞིར་གསལ་ལོ། །
66b6 དབུ་ཉི་ཤུ་རྩ་གཅིག་ནི་དུས་གསུམ་གྱི་སངས་རྒྱས་ཉི་ཤུ་རྩ་གཅིག་ཏུ་གསལ་ལོ། །གཡས་ཀྱི་དབུ་བདུན་གྱི་སྤྱི་གཙུག་ནས་སངས་རྒྱས་ཀྱི་སྐུ་རེ་རེ་བྱུང་བའི་དབུ་ལ་འཁོར་ལོ་འོད་ཟེར་དང་བཅས་པ་རེ་རེ་འབར་བ། དབུས་ཀྱི་དབུ་བདུན་ལས་དབུ་རྒྱན་སངས་རྒྱས་ཀྱི་དབུ་རེ་རེ་བྱུང་བའི་སྐུ
66b7 ལ་རིན་པོ་ཆེའི་མཆོད་རྟེན་འབར་བ་བདུན་དུ་གསལ་བ། གཡོན་གྱི་དབུ་བདུན་ལས་དབུ་རྒྱན་སངས་རྒྱས་ཀྱི་སྐུ་རེ་རེ་བྱུང་བའི་དབུ་ལ་ནོར་བུ་རིན་པོ་ཆེ་བདུན་དུ་གསལ་བ། འཁོར་ལོ་དང་མཆོད་རྟེན་དང་། རིན་པོ་ཆེ་དེ་དག་གི་ལྟེ་བ་དང་། བུམ་པ་དང་། རྩེ་མོ་ལས་རྒྱལ
iiif viewer powered by OpenSeadragon
