| e-texts navigator |
| Wylie |
65a1 མཁའི་དབྱིངས་ཕྱུག་མ་ཞེས་བྱ་བ་དེ་ཆོས་ཐམས་ཅད་ནམ་མཁའི་བྷ་གར་བྱིན་གྱིས་རློབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །ཞུགས་པར་གྱུར་པ་དང་འདུས་པ་ཕལ་མོ་ཆེའི་འཁོར་གྱིས་ཆོས་ཐམས་ཅད་ནམ་མཁའ་ཁྱབ་པའི་རང
65a2 བཞིན་དུ་མཐོང་ངོ་། །དེ་ནས་ཡུམ་གྱི་བྷ་གའི་སྙིང་པོ་ལས་འོད་ཟེར་མཐིང་ག་འཕྲོས་ནས་ཉི་མའི་སྙིང་པོའི་ཨ་ལ་བསྐུལ་བས་ཡི་གེ་ཨེ་མཐིང་ག་འཕྲོས་ཏེ་ལྡིང་ཞིང་གནས་པ་ལས་ཆོ་འཕྲུལ་གྱི་རང་སྒྲ་འདི་བྱུང་ངོ་། ། ནི་ཨེ་ཡི་རང་བཞིན་ཏེ། ། ལས་ཨེ་བྱུང་མཁའ
65a3 ཁྱབ་བདལ། །མི་འགྱུར་ཐོགས་མེད་བསམ་ལས་འདས། །མཐའ་དང་དབུས་མེད་ཀུན་དུ་བདལ། །ཞེས་སྒྲ་བྱུང་བས། ཐམས་ཅད་ནམ་མཁའི་རང་བཞིན་དུ་ཕྱམ་ཆད་པར་གྱུར་ཏོ། །དེ་ནས་ཡང་ཡུམ་ཆེན་མོ་ལས་ཀྱི་དབྱིངས་ཕྱུག་མས་ཡང་ཞིང་གཡོ་བ་རླུང་གི་དཀྱིལ
65a4 འཁོར་ཞེས་བྱ་བ་ལ་སྙོམས་པར་ཞུགས་སོ། །དེས་འདུས་པ་ཕལ་མོ་ཆེའི་འཁོར་གྱིས་ཆོས་ཐམས་ཅད་རླུང་གི་རང་བཞིན་དུ་གནས་པར་མཐོང་ངོ་། །དེ་ནས་རླུང་དེ་ལས་ཆོ་འཕྲུལ་གྱི་སྒྲ་བྱུང་ངོ་། ། ཡི་བྱིན་བརླབས་ཡེ་ཤེས་ལས། །རླུང་གི་ཆོ་འཕྲུལ་ཡ~ཾ་དུ་ཤར། །
65a5 ཐམས་ཅད་འདེགས་པའི་སྟོབས་ལྡན་ཞིང་། །རང་བཞིན་གཡོ་ཞིང་ཐོགས་མེད་འཕྱོ། །ཞེས་སྒྲ་བྱུང་བས་རླུང་གི་དཀྱིལ་འཁོར་དུ་འཁྱིལ་པར་གྱུར་ཏོ། །དེ་ནས་ཡུམ་ཆོས་ཀྱི་དབྱིངས་ཕྱུག་མ་ཞེས་བྱ་བ་དེས་འབར་འཕྲོ་མེའི་ཏིང་ངེ་འཛིན་ལ་སྙོམས་པར་ཞུགས་སོ། །
65a6 འདུས་པ་ཕལ་མོ་ཆེའི་འཁོར་གྱིས་ཆོས་ཐམས་ཅད་མེའི་རང་བཞིན་དུ་གནས་པར་མཐོང་ངོ་། །དེ་ནས་མེའི་འོད་ཟེར་ལ་ཆོ་འཕྲུལ་གྱི་སྒྲ་བྱུང་བ། ཨ་ཡི་བྱིན་བརླབས་ཡེ་ཤེས་ལས། །ཆོ་འཕྲུལ་མེ་ཡི་སྙིང་པོར་ཤར། །འབར་བས་གསལ་བྱེད་ཡེ་ཤེས་འཕྲོ། །
65a7 དངོས་པོ་ཀུན་ཟད་མེ་ཀློང་འཚུབ། །ཅེས་སྒྲ་བྱུང་བས་མེའི་བསྐལ་པ་འབྱམ་ཀླས་སོ། །དེ་ནས་ཡང་ཡུམ་རིན་ཆེན་དབྱིངས་ཕྱུག་མ་ཞེས་བྱ་བ་དེས་སྡུད་པ་རྒྱ་མཚོའི་ཏིང་ངེ་འཛིན་ལ་སྙོམས་པར་ཞུགས་སོ། །དེས་འདུས་པ་ཕལ་མོ་ཆེའི་འཁོར་གྱི་ཆོས་ཐམས་ཅད་ཆུའི་རང
iiif viewer powered by OpenSeadragon
