| e-texts navigator |
| Wylie |
64b1 ལས་འདས། །ཅི་ཡང་མི་འབྱུང་ཅིར་མ་ཡིན། །རང་བྱུང་རང་ཞི་བརྗོད་དང་བྲལ། །ཞེས་སྒྲ་བྱུང་བས་སྟོན་པ་ནི་དོན་གྱི་ཆེ་བ་ཕྱུང་། འཁོར་རྣམས་ནི་རྩལ་སྦྱངས། །ཐམས་ཅད་དོན་ལ་ངམ་ཞིང་ཆོས་ཉིད་ཀྱི་ནམ་མཁའ་མཐོང་ངོ་། །དེ་ནས་བཅོམ་ལྡན་འདས
64b2 གསང་བ་མཆོག་གི་བདག་པོ་ཉིད་སྙིང་རྗེ་རྒྱུན་གྱི་ཏིང་ངེ་འཛིན་ཞེས་བྱ་བ་ལ་སྙོམས་པར་ཞུགས་སོ། །དེ་ནས་ཆོས་ཉིད་ཀྱི་ནམ་མཁའ་ལ་སྙིང་རྗེ་བྱང་ཆུབ་སེམས་ཀྱི་གཟུགས་བརྙན་ཉི་མའི་དཀྱིལ་འཁོར་ཞིག་ཤར་བར་གྱུར་ཏོ། །དེ་ནས་འདུས་པ་ཕལ་མོ་ཆེའི
64b3 འཁོར་རྣམས་ཡང་དག་པར་རྟོག་པ་འདི་ལྟར་སྐྱེས་ཏེ། ཨེ་མ་ཆོས་ཐམས་ཅད་ཀྱི་རང་བཞིན་འདི་ལྟར་ཡིན་པ་ལས་འདི་ལྟར་མ་ཤེས་པའི་འགྲོ་བ་རྣམས་འཁོར་བའི་རྒྱ་མཚོར་བྱིང་བ་འདི་ཡང་སྙིང་རྗེ་ཞེས་སྙིང་རྗེ་བྱང་ཆུབ་ཀྱི་སེམས་སྐྱེས་པར་གྱུར་ཏོ། །དེ་ནས
64b4 ཉི་མའི་སྙིང་པོའི་འོད་ཟེར་ལས་ཆོ་འཕྲུལ་གྱི་སྒྲ་ཕྱུང་ངོ་། །ཡོངས་ལ་ཁྱབ་པའི་ཉི་མའི་འོད། །སྙིང་རྗེ་བྱང་ཆུབ་སེམས་ཡིན་ཏེ། །རྣམ་རྟོག་མུན་པ་སེལ་བར་སྣང་། །ཡིད་བཞིན་རིན་ཆེན་འབར་བའོ། །ཞེས་སྒྲ་བྱུང་བ་ལས་ཆོས་ཐམས་ཅད་བྱང་ཆུབ་སེམས
64b5 ཀྱི་འོད་ཟེར་དུ་གསལ་བར་གྱུར་ཏོ། །དེ་ནས་ཡང་བཅོམ་ལྡན་འདས་གསང་བའི་མཆོག་གི་བདག་པོ་དེ་ཉིད་ཆོ་འཕྲུལ་འབྱུང་བའི་རྒྱུ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ནས་འདུས་པ་ཕལ་མོ་ཆེའི་འཁོར་རྣམས་ཀྱིས་ཉི་མའི་སྙིང་པོ་ལས
64b6 ཆོས་ཐམས་ཅད་ཀྱི་རྒྱུ་ཡི་གེ་ཨ་དཀར་པོ་ཤར་བར་མཐོང་ངོ་། །དེ་ནས་ཨ་ལས་ཆོ་འཕྲུལ་སྒྲ་བྱུང་ངོ་། ། ནི་ཆགས་མེད་ཡི་གེའི་མཛོད། །ཆོ་འཕྲུལ་རྟོག་པ་ཀུན་གྱི་རྒྱུ། །ཉོན་མོངས་སྐྱོན་བྲལ་ཟླ་བའི་མདོག་།ཆོ་འཕྲུལ་སྣ་ཚོགས་འབྱུང་བའི་རྒྱུ། །ཞེས་སྒྲ་བྱུང
64b7 བས་འདུས་པའི་ཚོགས་རྣམས་ཀྱིས་ཆོས་ཐམས་ཅད་ཆོ་འཕྲུལ་གྱི་རང་བཞིན་དུ་གནས་པར་མཐོང་ངོ་། །དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེ་ཅི་ཡང་མི་མཛད་པ་ཆོ་འཕྲུལ་སྣ་ཚོགས་ཀྱི་རང་བཞིན་དུ་སྣང་བར་གྱུར་ཏོ། །དེ་ནས་ཡུམ་ཆེན་མོ་ནམ
iiif viewer powered by OpenSeadragon
