| e-texts navigator |
| Wylie |
64a1 རྗེའི་བདག་ལ་སྐྱབས་སུ་མཆི། །ཞེས་དུས་ནས། ཨ་ལ་ལ་ཧོ་ཞེས་བརྗོད་དེ་གཉེན་པོ་དྲག་པོར་བསྟེན་ནས་ལུས་གདན་ཁྲིར་ཕུལ་ཏེ། བྱང་ཆུབ་སེམས་ཀྱིས་རྣམ་པར་འདུད་པའི་དོན་ལ་རྣམ་པར་སྦྱངས་པས་ལུས་གཅེར་བུ་ཟང་མར་ཕྱུང་། །གནོང
64a2 བ་དྲག་པོའི་འགྱོད་པ་བྱས་པས་བདེ་བར་གཤེགས་པ་རྣམས་མཉེས་པར་གྱུར་ཏོ། །དེས་སྒྲིབ་པ་བྱང་ཞིང་བསོད་ནམས་ཀྱི་ཚོགས་རྫོགས་པའི་རྟགས་ལུས་གོས་དང་ཕྲལ་ནས་ལྡན་པའི་ཐོད་པ་ཡང་ཟླ་བ་ཚེས་བརྒྱད་པར་གྱུར་ཏོ། །ས་ཐོབ་པའི་རྟགས་སུ་དེ་བཞིན
64a3 གཤེགས་པའི་ཞབས་རྟེན་དུ་གནས་པར་གྱུར་ཏོ། །དེ་ནས་སེམས་དཔའི་རྡོ་རྗེ་དེ་དགྱེས་ཏེ་བཀའ་སྩལ་པ། མིའི་ཐོད་པ་ཅན་རྣམས་འགྱོད་པའི་ལས་ཀྱིས་བཤགས་པ་ལེགས་ཏེ། ཉོན་མོངས་པའི་སྒྲིབ་པ་རྣམ་པར་དག་པར་གྱུར་ཏོ། །ད་ནི་ཤེས་བྱའི་སྒྲིབ་པ་དག
64a4 ཅིང་ཡེ་ཤེས་ཀྱི་ཚོགས་རྫོགས་པར་བྱ་བའི་ཕྱིར་ཉན་པའི་དབང་པོས་སངས་རྒྱས་ཀྱིས་གསུང་ལ་གསང་སྔགས་ཀྱི་སྒྲ་རྣམས་ཉོན་ཅིག་། དེས་ནི་ས་ནས་སར་འཕར་ཞིང་འབྲས་བུ་ཡོངས་སུ་རྫོགས་པར་འགྱུར་རོ། །དེ་སྐད་ཅེས་གསུངས་པས་འཁོར་བསམ་པ་རངས་པར
64a5 གྱུར་ཏོ། །རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་སྐོང་བ་ལས་ཀྱི་བསྒྲུབ་ལུགས་ཀྱི་ལེའུ་སྟེ་བརྒྱད་པའོ།། །།དེ་ནས་བཅོམ་ལྡན་འདས་གསང་བ་མཆོག་ཉིད་ཏིང་ངེ་འཛིན་རྒྱས་ཤིང་རྣམ་པར་འཕྲུལ་པ་ཞེས་བྱ་བའི་ཏིང་ངེ་འཛིན་ལ
64a6 སྙོམས་པར་ཞུགས་སོ། །སེམས་དཔའ་རྡོ་རྗེའི་སྙིང་པོ་ཡང་ཏིང་ངེ་འཛིན་རྣམ་པར་འཕྲུལ་པ་ཞེས་བྱ་བ་ལ་སྙོམས་པར་ཞུགས་སོ། །འདུས་པའི་འཁོར་རྣམས་ཀྱང་སྣ་ཚོགས་འཕྲུལ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ནས་འདུས་པ་ཕལ་མོ་ཆེའི
64a7 འཁོར་གྱིས་ཆོས་ཐམས་ཅད་ཅི་ཡང་མེད་པར་མཐོང་ངོ་། །ཆོས་ཐམས་ཅད་ཅི་ཡང་མེད་པར་གསལ་བར་གྱུར་པ་དང་། ཆོས་ཉིད་སྟོང་པའི་ནམ་མཁའ་ལས་བྲག་ཅའི་ཚུལ་དུ་སྒྲ་འདི་བྱུང་ངོ་། །མི་གནས་མི་རྟོག་བསམ་དང་བྲལ། །མ་ཆགས་ཆགས་བྲལ་ཡུལ
iiif viewer powered by OpenSeadragon
