| e-texts navigator |
| Wylie |
62a1 བཤད་དུ་གསོལ་ཞེས་ཞུས་པ་ལས། བཅོམ་ལྡན་འདས་སེམས་དཔའི་རྡོ་རྗེས་བཀའ་སྩལ་པ། འདོད་ཆགས་ཀྱི་བདག་པོ་ལ་སོགས་པ་རྣམས་དམ་ཚིག་ཉམས་པའི་ཆད་པའི་སྐྱེ་གནས་འདྲི་བ་ལེགས་ཀྱིས་ཡིད་ཚིམ་པར་བྱེད་པ་བཤད་ཀྱིས་ཉོན
62a2 ཅིག་། རྩ་བ་ཡན་ལག་འདི་དག་ལས། །གལ་ཏེ་ཞིག་གམ་ཉམས་གྱུར་ན། །རྣལ་འབྱོར་ལས་ཀྱི་དང་པོ་ལས། །ལུང་གི་གསང་སྒོར་ཞུགས་པའི་ཚེ། །དོན་དང་ལྡན་པའི་བླ་མ་ཡིས། །རྡོ་རྗེ་ཐ་ཚིག་བྱིན་བརླབས་ནས། །ལྕེ་ལ་དམ་ཚིག་ཆུ་བཞག་པ། །
62a3 དམྱལ་བ་རྡོ་རྗེར་དམོད་བཙུགས་ནས། །ཡི་གེ་ཧཱུ~ཾ་དུ་བྱས་པ་དེ། །སྙིང་གི་དཀྱིལ་དུ་ཐིམ་ནས་ཀྱང་། །ལྕགས་ཀྱི་སྡིག་པ་མགོ་དགུ་པའི། །ཁྲོ་བོ་རཀྵ་ཞེས་བྱ་བའི། །ཁྲག་འཐུང་ཆེན་པོར་གྱུར་ནས་ནི། །སྙིང་ཁྲག་བཞིབས་ཏེ་འཐུངས་ནས་ནི། །སྡུག་བསྔལ
62a4 ཆེན་པོར་བསད་ནས་ཀྱང་། །དམྱལ་བ་རྡོ་རྗེར་དེ་ལྟུང་འགྱུར། །གལ་ཏེ་ཐ་ཚིག་མ་ཉམས་ན། །ལྕེ་ལ་བཞག་པ་ཨརྒྷ་སྟེ། །སྙིང་གི་དཀྱིལ་དུ་ཐིམ་ནས་ཀྱང་། །ཡེ་ཤེས་སེམས་དཔའ་ཚོན་གང་བར། །གྱུར་ཏེ་སྒྲིབ་པ་ཀུན་སྦྱངས་ནས། །སངས་རྒྱས་སྲས་སུ
62a5 སྐྱེད་པར་བྱེད། །འདོད་ཆགས་དམ་ཚིག་ཉམས་གྱུར་ན། །མངལ་གྱི་གྲོང་ཁྱེར་ཆེན་པོར་འགྲོ། །ཞེ་སྡང་དམ་ཚིག་ཉམས་གྱུར་ན། །རཀྵ་སྲིན་པོའི་རིགས་སུ་འགྲོ། །གཏི་མུག་དམ་ཚིག་ཉམས་གྱུར་ན། །མི་གཙང་ཟས་སུ་ཟ་བ་ཡི། །རྨོངས་པའི་ཕག་ཆེན
62a6 ལུས་སུ་ལྟུང་། །ང་རྒྱལ་དམ་ཚིག་ཉམས་གྱུར་ན། །རུས་སྦལ་ནག་པོའི་ལུས་སུ་ལྟུང་། །ཕྲག་དོག་དམ་ཚིག་ཉམས་གྱུར་ན། །ཆུ་སྲིན་མགོ་དགུའི་ལུས་སུ་ལྟུང་། །དམ་ཚིག་ཆེན་པོ་ཀུན་ཉམས་ན། །རུ་དྲ་ནག་པོའི་ལུས་སུ་ལྟུང་། །ལས་ཀྱི་རྐྱེན་དང་མ་ཕྲད་ན། །ཐར་པའི
62a7 སྐབས་ནི་མི་སྲིད་དོ། །སེམས་དཔའི་རྡོ་རྗེས་དེ་སྐད་ཅེས་གསུངས་སོ། །ཉོན་མོངས་པ་ལྔའི་བདག་པོ་རིག་འཛིན་རྣམས་ཀྱིས་ཤིན་ཏུ་ཆོ་ངེ་ཆེན་པོ་འབྱིན་ཅིང་དུས་དེར་ཨེ་མའོ་བཅོམ་ལྡན་འདས་བཅོམ་ལྡན་འདས་ཀྱིས་གསུངས་པ་ལྟར་ན་བདག་ལ་ལྟུང་རྒྱུ་མཆིས་ཏེ། །དང
iiif viewer powered by OpenSeadragon
