| e-texts navigator |
| Wylie |
61b1 ཆག་ཉམས་ན། །སོ་སོ་ཉིད་དུ་བསབ་པར་བྱ། །སྐུ་ཡི་ཆགས་ཉམས་གནས་སུ་གཞུག་།གསུང་གི་འགལ་འཁྲུལ་སོ་རུ་བསབ། །ཐུགས་ཀྱི་འགལ་འཁྲུལ་གསོར་མེད་དེ། །རྡོ་རྗེ་སྙིང་པོའི་ཐ་ཚིག་ལ། །བསྐངས་པས་སྐོངས་པར་གྱུར་པ་ཡི། །རྟགས
61b2 ཆེན་དག་ཀྱང་འདི་ལྟ་སྟེ། །རྒྱལ་བ་སངས་རྒྱས་རིག་འཛིན་གྱི། །གདུང་ཆེན་དག་ལས་བྱུང་བ་ཡི། །ཤ་རི་རམ་ཞེས་བྱ་བ་དེ། །ཐམས་ཅད་ལྟས་སུ་སྟོན་པར་བྱེད། །ཤེལ་གྱི་ཟ་མ་ཏོག་ནང་དུ། །དག་པར་བཅུག་སྟེ་བཙས་པ་ལས། །ཉམས་པའི་ཆད
61b3 པ་བྱུང་བའི་ཚེ། །ཁ་དོག་གནག་ཅིང་འབྲོས་པར་འགྱུར། །ཉམས་པ་སྐོངས་སམ་སོར་ཆུད་ཅིང་། །གལ་ཏེ་དམ་ཚིག་མ་ཉམས་ན། །ཁ་དོག་དཀར་ཞིང་འཚེར་བར་འགྱུར། །ལེགས་པའི་ཡོན་ཏན་འབྱུང་བའི་ཚེ། །གྲངས་མང་རྒྱ་ཆེར་འཕེལ་བར་འགྱུར། །
61b4 གལ་ཏེ་གནག་གམ་མི་གསལ་ན། །སྨྱུར་ཏེ་བསྒྲིམས་ནས་བསྐོར་བཟློག་བྱ། །འོན་ཏང་ཉམས་པ་མི་ཕོག་ཅིང་། །དེ་དག་སོ་རུ་གསོ་བ་ན། །རྟགས་ཆེན་འདི་ནི་བསྟེན་བྱ་སྟེ། །འདི་དག་ཤིན་ཏུ་བརྟགས་ནས་ནི། །དཀར་ལ་འཚེར་བར་གྱུར་པ་ན། །རྩ་བ
61b5 ཡན་ལག་ཉམས་པ་རྣམས། །སྐོངས་ཏེ་སོར་ཆུད་རྟགས་ཡིན་ནོ། །དེས་ན་རྣལ་འབྱོར་ལས་ཀྱི་གཙོར། །སྦྱོང་དང་སྐོང་བའི་ལས་རྣམས་བྱ། །བཅོམ་ལྡན་འདས་སེམས་དཔའི་རྡོ་རྗེས་དེ་སྐད་ཅེས་གསུངས་པ་དང་། འཁོར་དེར་འདུས་པར་གྱུར་པའི
61b6 བདུད་ཀྱི་སྡེ་པ་ལས་ལྷའི་རིགས་སུ་གྱུར་པ་སངས་རྒྱས་ཀྱི་འཁོར་འཕགས་པའི་རིགས་འཛིན་པ་ཉོན་མོངས་པ་ལྔའི་བདག་པོ་ལྷ་ཆེན་པོ་ལྔ་ལ་སོགས་པ་བཀའི་སྣོད་དུ་རུང་བར་བྱིན་གྱིས་བརླབས་ཏེ་འཁོད་པ་ལས། འདོད་ཆགས་ཐམས་ཅད་ཀྱི་གཙོ་བོ་རྡོ་རྗེ
61b7 བྲམ་ཟེ་ཐོད་པ་ཅན་ཞེས་བྱ་བ་ལ་སོགས་པས་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱི་བཀའ་ལྟར་མ་བགྱིས་ན་མ་དད་མ་གུས་འགལ་འཁྲུལ་དུ་གྱུར་པའི་ཚད་པའི་སྐྱེ་གནས་དང་རྣམ་པར་སྨིན་པ་ཇི་ལྟར་འགྱུར། བདག་ཅག་རྣམས་ལ་རྒྱ་ཆེར
iiif viewer powered by OpenSeadragon
