| e-texts navigator |
| Wylie |
60a1 མཆོག་གདུང་ཆེན་རྒྱུད་སྙམ་ལས། །ཇི་ལྟར་རལ་གྲི་སོ་རྒལ་ལྟར། །དེ་ལས་གྱུར་པའི་རང་བཞིན་ལས། །ཤེས་རབ་མེ་ལོང་ནུབ་མ་ཁད། །རྣམ་ཤེས་ཕུང་པོའི་ཞིང་ཁམས་སུ། །གསལ་འབར་ཡེ་ཤེས་ཐིག་ལེ་འཕྲོ། །གཉེན་པོས
60a2 འཇོམས་པའི་ཐབས་ཆེན་གྱིས། །བསྐང་ངོ་བསྐལ་པའི་ཐུགས་དམ་བསྐང་། །གསང་བ་དོན་གྱི་རྫས་མཆོག་འདིས། །ཐུགས་མཆོག་བསྐལ་པའི་ཐུགས་དམ་བསྐང་། །སྐོངས་གྱུར་བསམ་པའི་དོན་དུ་སྦྱང་། །ོ~ཾ་སརྦ་ཏ་ཐཱ་ག་ཏ་ས་མ་ཡ་ཧོ། དེ་སྐད་ཚིག་ཏུ
60a3 བརྗོད་ནས་ཀྱང་། །སྙིང་གི་བརྡ་ཡི་ཚུལ་ཕྱག་སྦྱར། །ང་རྒྱལ་རིགས་ཀྱི་དམ་ཚིག་ལས། །སྙོམས་ནས་དང་དུ་བླང་རྒྱུ་ལས། །ལོག་པའི་ང་རྒྱལ་དེ་མ་ཆོམས། །ཐ་ཚིག་དྲག་པོ་ཡལ་འགྱུར་ན། །ཕོ་བྲང་སྐྱེ་རྒྱུའི་ལིངྒའི་དཀྱིལ། །རིན་ཆེན་འབར་བའི་དབུས་གནས
60a4 པར། །སྭ་ཡི་རང་བཞིན་འོད་གསལ་འབར། །གསལ་འཕྲོ་འཁྲུག་པར་གྱུར་པ་ན། །ཕཊ་ཀྱིས་དྲག་ཏུ་བརྡབས་པ་ལས། །འོད་འདྲིལ་རིན་ཆེན་འཁོར་ལོ་ཡིས། །ང་རྒྱལ་དེའུ་ཆེན་བརླག་འགྱུར་ནས། །བསོད་ནམས་ལྗོན་ཤིང་མེ་ཏོག་འབར། །དེ་ལྟར་གསལ
60a5 བར་གྱུར་པ་ན། །རྣལ་འབྱོར་ཅན་གྱིས་ཚིག་འདི་བརྗོད། །ེ་མ་རིན་ཆེན་ཐ་ཚིག་ལས། །བསོད་ནམས་ཡོན་ཏན་འོད་འབར་བ། །དོན་དུ་མི་གཏོང་གཞི་བསྐྱེད་དེ། །རྒྱུ་མཆོག་གདུང་ཆེན་རྒྱུད་མཉམ་ལས། །ཇི་ལྟར་མཁའ་ལ་འཁྲིགས་འཐིབས་ལྟར། །རྒྱུ
60a6 ལས་གྱུར་པའི་རང་བཞིན་གྱིས། །མེ་ཏོག་འོད་མཛེས་ཡལ་མ་ཁད། །ཚོར་བའི་ཕུང་པོའི་ཞིང་ཁམས་སུ། །ཆེ་བའི་ཡེ་ཤེས་མཉམ་འབར་བས། །གཉེན་པོས་འཇོམས་པའི་ཐབས་ཆེན་ལས། །བསྐང་ངོ་བསྐལ་པའི་ཐུགས་དམ་བསྐང་། །གསང་བ་དོན་གྱི་རྫས
60a7 མཆོག་འདིས། །སྐུ་མཆོག་བསྐལ་པའི་ཐུགས་དམ་བསྐང་། །སྐོངས་གྱུར་བསམ་པའི་དོན་དུ་སྦྱང་། །ོ~ཾ་སརྦ་ཏ་ཐཱ་ག་ཏ་རཏྣ་ས་མ་ཡ་ཧོ། །དེ་སྐད་ཚིག་ཏུ་བརྗོད་ནས་ཀྱང་། །འཕྲལ་བ་བརྡ་ཡི་ཚུལ་ཕྱག་སྦྱར། །འདོད་ཆགས་རིགས་ཀྱི་དམ་ཚིག་ལས། །རྟོགས་ནས
iiif viewer powered by OpenSeadragon
