| e-texts navigator |
| Wylie |
5b1 པའི་ཚུལ་དུ་བཅོམ་ལྡན་འདས་གསང་བ་མཆོག་གི་བདག་པོ་ལ་རྣམ་པར་བལྟས་ཏེ། རྣལ་འབྱོར་སྦྱོར་བའི་ཕྱག་ལུས་ཀུན་དུ་ས་ལ་བརྡབས་ནས་རོལ་པ་ཆེན་པོའི་གླུ་འདིས་གསོལ་བ་བཏབ་བོ། །ཚོགས་ཆེན་གཉིས་རྫོགས་ཐུགས་དམ་དབྱིངས་ཀྱི་ལྷ། །ལོངས་སྤྱོད
5b2 རྫོགས་མཛད་རོལ་པ་ཆེན་པོའི་སྐུ། །རྡོ་རྗེ་སེམས་དཔའ་སྐལ་བཟང་དཔལ་ཁྱོད་བདག་།ཐབས་ཀྱི་རོལ་པས་བདེ་ཆེན་དབྱིངས་ནས་བཞེངས། །དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེས་གླུ་དེས་བསྐུལ་བར་ཐུགས་སུ་ཆུད་ནས། བདེ་བ་ཆེན་པོའི
5b3 ངང་དེ་ལས་ཆོ་འཕྲུལ་ཆེན་པོར་རྣམ་པར་བཞེངས་ཏེ། རྣམ་པར་འགྱིང་བ་དང་། རྣམ་པར་བརྗིད་པ་དང་། གར་གྱི་ཕྱག་རྒྱ་ཆེན་པོ་དང་། རྣམ་པར་བཤད་པ་སྣ་ཚོགས་དང་། ཞབས་ཀྱི་བརྐྱང་བསྐུམ་དང་། སྐུའི་འགྱུར་བག་དང་། སྨིན་རིས་ཀྱི་འབྲི་ཀུ་ཏ་བསྒྱུར
5b4 བ་དང་། སྤྲུལ་པའི་འོད་ཟེར་གྱིས་ནམ་མཁའ་ཐམས་ཅད་ཀུན་དུ་ཁྱབ་པར་མཛད་དོ། །དེ་ནས་ཐམས་ཅད་དང་ཐམས་ཅད་ལ་མཚན་མ་དང་། རྣམ་པ་དང་། ཡོད་པ་དང་། མེད་པ་ཐམས་ཅད་ལ་གསང་བ་མཆོག་གི་བདག་པོ་དེས་ཀུན་ལ་ཁྱབ་པར་མཛད་དེ། དེ་དག
5b5 གི་རང་བཞིན་དུ་རྣམ་པར་གནས་སོ། །དེ་ནས་རྡོ་རྗེ་ཀུན་དུ་བཟང་མོ་དེ་ངོ་མཚར་དུ་གྱུར་ཏེ། ཡང་རྣལ་འབྱོར་པའི་ཕྱག་ལུས་ཀུན་དུ་ས་ལ་བརྡབས་ཏེ། ཆོ་འཕྲུལ་འབྱུང་བའི་གླུ་འདིས་གསོལ་བ་བཏབ་བོ། །ཡེ་ཤེས་སྒྱུ་མས་རྣམ་པར་རོལ་པའི་སྐུ། །ཐབས་དང
5b6 ཤེས་རབ་ཆེ་ལ་མངའ་བརྙེས་པའི། །འཕགས་རྗེ་སྤྲུལ་པ་མང་པོ་འབྱུང་བའི་གནས། །བདེ་གཤེགས་བདེ་བར་གཤེགས་མཛད་བཞེངས་སུ་གསོལ། །དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེས་རྡོ་རྗེ་རོལ་བའི་དེ་ཁོ་ན་ཉིད་ཅེས་བྱ་བའི་ཏིང་ངེ
5b7 འཛིན་ལ་སྙོམས་པར་ཞུགས་ནས་ཅང་མི་གསུང་བར་བཞུགས་སོ། །དེ་ནས་ཡུམ་རྡོ་རྗེ་ཀུན་དུ་བཟང་མོ་དང་། དམ་ཚིག་ཆེན་པོ་རྡོ་རྗེ་སེམས་དཔའ་ལ་སོགས་པ་འཁོར་ཤིན་ཏུ་མང་པོ་རྣམས་ངོ་མཚར་དུ་གྱུར་ཏེ། དེ་དག་ཐམས་ཅད་མགྲིན་གཅིག་ཏུ་རྡོ་རྗེ་རོལ་པ་དེ
iiif viewer powered by OpenSeadragon
