| e-texts navigator |
| Wylie |
5a1 ཉིད་མི་དམིགས་པ་ཞེས་བྱ་བའི་ངང་ལ་རྣམ་པར་ཞུགས་སོ། །ཐུགས་མཉམ་པ་ཉིད་མི་དམིགས་པ་ཞེས་བྱ་བའི་ངང་ལ་རྣམ་པར་བཞུགས་ཏེ། འཇུག་པའམ། ལྡོག་པའམ། རྣམ་པར་ལྡོག་པ་མི་དམིགས་སོ། །དེ་ནས་བཅོམ་ལྡན
5a2 འདས་གསང་བ་མཆོག་གི་བདག་པོ་དེས་དབྱིངས་ཀྱི་ངང་ལ་མི་གཡོ་བར་བརྣལ་བཞིན་དུ་ཡུམ་རྡོ་རྗེ་ཀུན་དུ་བཟང་མོས་སྟོང་པ་ཉིད་ཀྱི་གླུ་འདི་བླངས་ཏེ་རྣམ་པར་བསྐུལ་ཏོ། །ཡོད་མེད་སྟོང་པ་ཤིན་ཏུ་རྣལ་འབྱོར་མཐུས། །ནམ་མཁའ་བཞིན་ལས་དམ་ཚིག
5a3 ཉེ་བར་གཤེགས། །ཡེ་ཤེས་རྒྱ་མཚོ་རྣམ་པར་གྲོལ་བའི་ཀློང་། །མི་གནས་མི་དམིགས་ནམ་མཁའི་དབྱིངས་ནས་བཞེངས། །ཞེས་བསྐུལ་ནས། བཅོམ་ལྡན་འདས་གསང་བ་མཆོག་གི་བདག་པོ་དེས་ཆོས་ཐམས་ཅད་བྱང་ཆུབ་སེམས་ལ་ཤར་པར
5a4 མཁྱེན་ནས་སྟོང་པ་ཉིད་ཀྱི་ངང་ལས་རྡོ་རྗེའི་སྐུ་མངོན་དུ་ཕྱུང་སྟེ། དཔེར་ན་ནམ་མཁའ་དང་བ་ལས་ཟླ་བ་དྲི་མ་མེད་པར་ཤར་བ་ལྟ་བུའོ། །དེ་ནས་ཡུམ་ས་ང་ཤོ་རི་ཀ་ལ་གཟིགས་ཏེ། འཛུམ་པ་རྣམ་པར་མཛད་དོ། །དཔེར་ན་ཉི་མ་སྟོང་ལས་འོད་ཀྱི་ཟེར་བཀྱེ
5a5 བ་ལྟ་བུའོ། །དེ་ནས་འོད་ཀྱི་ཟེར་དེ་དག་ལས་བྱང་ཆུབ་ཀྱི་སྤྲིན་མངོན་པར་འཁྲིགས་ཏེ། རོལ་པའི་ཆར་མངོན་པར་ཕབ་པས་རོལ་པ་སྣ་ཚོགས་ཀྱི་འབྲུག་དང་། རོལ་པ་སྣ་ཚོགས་ཀྱི་གློག་དང་། རོལ་པ་སྣ་ཚོགས་ཀྱི་མཆོད་པ་དང་རོལ་པ་སྣ་ཚོགས་ཀྱི་གླུ་དང་།
5a6 རོལ་པ་སྣ་ཚོགས་ཀྱི་གར་དང་། རོལ་པ་སྣ་ཚོགས་ཀྱི་རྔ་དང་། དུང་དང་ཀེར་ཀོར་དང་གླིང་བུ་དང་རོལ་པ་སྣ་ཚོགས་ཀྱི་རྒྱན་དང་། རོལ་པ་སྣ་ཚོགས་ཀྱི་སྒེག་པ་དང་སྟེག་པ་དང་། འཁྱུད་པ་དང་སྟེང་བ་དང་། སྦྱོར་བ་དང་བསྟིམ་པ་དང་མཉེས་པ་དང་། རོལ་པ་སྣ
5a7 ཚོགས་ཀྱིས་གསོལ་བ་དང་མྱང་བ་དང་། འཆའ་བ་དང་བདེ་བ་དང་། སྤྲོ་བ་དང་། འཇོ་བ་དང་། འཇུག་པ་དང་། རོལ་པ་སྣ་ཚོགས་ཀྱི་དགའ་བ་ཆེན་པོ་ལ་འཇུག་པ་རྣམ་པར་མཛད་དོ། །དེ་ནས་ཡུམ་ཀུན་དུ་བཟང་མོ་དེས་སྤྱན་ཟིམ་བག་གིས་རྣམ་པར་འདུད
iiif viewer powered by OpenSeadragon
