| e-texts navigator |
| Wylie |
59b1 ཚིག་ལ། །འགལ་བར་གྱུར་པ་གང་དང་གང་། །མཆོད་དང་བཤགས་དང་གནོང་བཀུར་ཏེ། །ཡན་ལག་བརྒྱད་ཀྱི་ཚུལ་བཟུང་ནས། །བསམ་གཏན་གནས་སྦྱངས་རྫས་བསབ་པ། །གཏི་མུག་རིགས་ཀྱི་དམ་ཚིག་ལ། །ཤེས་ནས་རྟོགས་པར་བྱ་རྒྱུ་ལས། །མ་རིག
59b2 ལོག་པའི་མཐུ་ཡིས་ན། །ཐ་ཚིག་དྲག་པོ་ཡལ་གྱུར་ན། །ཕོ་བྲང་ནམ་མཁའི་ལིངྒ་ལ། །ཟླ་བའི་དཀྱིལ་འཁོར་དབུས་གནས་པར། ། ཡི་རང་བཞིན་འོད་གསལ་བར། །གསལ་འཕྲོ་འཁྲུག་པར་གྱུར་པ་ན། །ཕཊ་ཀྱིས་དྲག་ཏུ་བརྡབས་པ་ཡིས། །འོད་འདྲིལ་བསྐལ་པའི
59b3 མཁའ་གསལ་བས། །གཏི་མུག་རི་བོའི་མུན་བསལ་ཏེ། །བྱང་ཆུབ་མྱུ་གུ་འབར་བར་འགྱུར། །དེ་ལྟར་གསལ་བར་གྱུར་པ་དང་། །རྣལ་འབྱོར་ཅན་གྱིས་ཚིག་འདི་བརྗོད། །ེ་མའོ་བདེར་གཤེགས་ཐ་ཚིག་ལས། །བྱང་ཆུབ་སེམས་བདེ་གསལ་འབར་བ། །དོན་དུ་མི
59b4 གཏོང་གཞི་བསྐྱེད་དེ། །སངས་རྒྱས་གདུང་ཆེན་རྒྱུད་སྙམ་ལས། །ཇི་ལྟར་ཟླ་བར་རི་ལྟར། །རྒྱུ་ལས་བྱུང་བའི་རང་བཞིན་ལས། །བྱང་ཆུབ་མྱུ་གུ་ནུབ་མ་ཁད། །གཟུགས་ཀྱི་ཕུང་པོའི་ཞིང་ཁམས་སུ། །བདེ་མཆོག་མཁའ་མཉམ་དབྱིངས་ཆེན་གསལ། །གཉེན་པོས
59b5 འཇོམས་པའི་ཐབས་ཆེན་ལས། །བསྐང་ངོ་བསྐལ་བའི་ཐུགས་དམ་བསྐང་། །གསང་བ་དོན་གྱི་རྫས་མཆོག་འདིས། །བྱང་ཆུབ་བསྐལ་པའི་ཐུགས་དམ་རྣམས། །སྐོངས་འགྱུར་བསམ་པའི་དོན་དུ་སྦྱང་། །སརྦ་ཏ་ཐཱ་ག་ཏ་པུ་ཏ་ས་མ་ཡ་ཧོ། །དེ་སྐད་ཚིག་ཏུ་བརྗོད་ནས་ཀྱང་། །
59b6 སྤྱི་བོ་བརྡའི་ཚུལ་ཕྱག་རྒྱ་སྦྱར། །ཞེ་སྡང་རིགས་ཀྱི་ཐ་ཚིག་ལས། །ཕོ་བྲང་རྣམ་ཤེས་ལིངྒ་ལ། །རྡོ་རྗེ་བུམ་པའི་དབུས་གནས་པར། །ཧཱུ~ཾ་གི་རང་བཞིན་འོད་གསལ་འབར། །གསལ་འཕྲོ་འཁྲུག་པར་གྱུར་པ་ན། །ཕཊ་ཀྱིས་དྲག་ཏུ་བརྡབས་པ་ཡིས། །འོད་འདྲིལ་རྡོ
59b7 རྗེའི་ཕ་ལམ་གྱིས། །ཞེ་སྡང་རི་བོ་བརླགས་ནས་ཀྱང་། །ཤེས་རབ་མེ་ལོང་འོད་གསལ་འབར། །དེ་ལྟར་གསལ་བར་གྱུར་པ་ན། །རྣལ་འབྱོར་ཅན་གྱིས་ཚིག་འདི་བརྗོད། །ེ་མའོ་རྡོ་རྗེ་ཐ་ཚིག་རྣམས། །སེམས་ཆེན་ཡེ་ཤེས་གསལ་འབར་བ། །ཐུགས
iiif viewer powered by OpenSeadragon
