| e-texts navigator |
| Wylie |
59a1 རྒྱ་ཆེན་རྣམས། །བྲིས་ནས་ཆོས་ཀྱི་སྦྱིན་པར་བྱ། །དེས་ནི་ཞར་ཉམས་སྐོངས་པར་འགྱུར། །ཏིང་འཛིན་རྩལ་གྱི་ཐབས་མཆོག་ནི། །བག་ཆགས་ཅན་གྱི་སྤྱི་གཙུག་ཏུ། །རྩ་དམར་འོད་ནི་མེ་ལོང་ཙམ། །ཤིན་ཏུ་འབར་ཞིང་འཚེར་གསལ
59a2 བས། །ཆགས་དང་བཅས་པའི་ཕུང་པོ་བསྲེགས། །རྣམ་གྲོལ་སེམས་ཀྱི་རང་བཞིན་དང་། །འོད་ཀྱི་རང་བཞིན་གཅིག་པ་ལས། །དཀར་དང་དམར་དང་མཐིང་ག་ཡི། །འོད་ཀྱི་ཐིག་ལེ་གསུམ་དུ་འགྱུར། །དཀར་པོར་སྤྲོས་པས་ཁྱབ་པ་ཆེ། །དམར་པོར་སྤྲོས་པས
59a3 ཆགས་པ་ཆེ། །མཐིང་ག་ཐུགས་ཀྱི་ས་བོན་ཏེ། །རྣམ་གསུམ་གཅིག་ཏུ་འདུས་པ་ལས། །ངག་ཡིད་གསུམ་གྱི་བག་ཆགས་བསྲེགས། །སྐུ་གསུང་ཐུགས་ཀྱི་དམ་ཚིག་སྐོངས། །དཀར་པོ་རླུང་ཟླའི་དཀྱིལ་འཁོར་ལ། །དམར་པོ་འབུད་པའི་རླུང་བྱུང་བས། །མཚན
59a4 མའི་བག་ཆགས་རྣམ་པར་གཏོར། །དམར་པོ་ཆུ་ཟླའི་དཀྱིལ་འཁོར་ལས། །མཐིང་ག་ཡེ་ཤེས་ཆུ་བྱུང་བས། །དངོས་པོའི་ལྗན་ལྗིན་ཐམས་ཅད་བཀྲུས། །དེ་ལྟར་གསལ་བར་གྱུར་པ་དང་། །རྣལ་འབྱོར་ཅན་གྱིས་ཚིག་འདི་བརྗོད། །རྫས་བསྲེག་པ་ལ་མེ་དགོས
59a5 ཀྱང་། །བག་ཆགས་ཚིག་ལ་མེ་མི་དགོས། །རིག་པ་ཡེ་ཤེས་མེ་བྱུང་བས། །མཚན་མ་ཡི་ནི་བུད་ཤིང་བསྲེགས། །འཇིག་རྟེན་གཏོར་ལ་རླུང་དགོས་ཀྱང་། །མཚན་མ་གཏོར་ལ་རླུང་མི་དགོས། །རིག་པའི་ཡེ་ཤེས་རླུང་བྱུང་བས། །མཚན་མའི་རྡུལ་ཚོགས
59a6 རྣམ་པར་འཕྱག་། ལུས་བཀྲུ་བ་ལ་ཆུ་དགོས་ཀྱང་། །སེམས་བཀྲུ་བ་ལ་ཆུ་མི་དགོས། །མཉམ་ཉིད་ཆུ་བོ་ཁྲུས་ཀྱི་རྫིང་། །ཡེ་ཤེས་ཆུ་བོའི་རྒྱུན་བྱུང་བས། །བག་ཆགས་ལྗན་ལྗིན་ཐམས་ཅད་བཀྲུས། །ོ~ཾ་ཀྲོ་དྷི་ཤྭ་རི་སརྦ་པཱ་པ~ཾ་ཤོ་དྷ་ཡ་ཨོཾ་ཨཱཿཧཱུ~ཾ། ར~ཾ་ཡ~ཾ་ཁ~ཾ།
59a7 དེ་སྐད་ཚིག་ཏུ་བརྗོད་པ་ཡིས། །ཉམས་པའི་ཆད་པ་མི་འབྱུང་ངོ་། །གཅིག་ཏུ་བསྐང་བའི་ལས་ཆེན་ཡང་། །རིགས་ཀྱི་རྫས་དང་ཡོ་བྱད་རྣམས། །གནས་སུ་བསགས་ནས་བྱིན་བརླབས་ཏེ། །ཕྱི་ནང་མཚམས་བཅད་བརྟན་བྱས་ནས། །སོ་སོ་རིགས་ཀྱི་དམ
iiif viewer powered by OpenSeadragon
