| e-texts navigator |
| Wylie |
58b1 གང་བརླག་ནོར་དེས་བླུ། །བསམ་གཏན་ཏིང་འཛིན་བསྒོམ་བརྩོན་བྱ། །རིན་ཆེན་ཐ་ཚིག་ཉམས་གྱུར་ན། །ང་རྒྱལ་རིགས་ཀྱི་ཐ་ཚིག་བསྐང་། །རྒྱལ་རིགས་བླ་མ་སྤྱན་དྲངས་ཏེ། །ཉེས་བྱས་མི་བཅས་བརྒྱད་ཁྲིར་བཤགས། །བཻ་ཌཱུར་ལ་སོགས་རྫས་ཆེན་གྱིས། །ཐ
58b2 ཚིག་གང་བརླག་ནོར་དེས་བླུ། །སྐུ་གདུང་རིང་བསྲེལ་རྣམ་པར་སྤེལ། །པདྨའི་ཐ་ཚིག་རལ་གྱུར་ན། །འདོད་ཆགས་རིགས་ཀྱི་ཐ་ཚིག་བསྐང་། །གདོལ་རིགས་བླ་མ་སྤྱན་དྲངས་ལ། །ཉེས་བྱས་མི་བཅབ་བརྒྱར་བཤགས་བྱ། །བྱི་རུ་ལ་སོགས་རྫས་ཆེན་གྱིས། །ཐ
58b3 ཚིག་གང་བརླག་ནོར་དེས་བླུ། །བཤད་བྱ་ཟབ་མོའི་གླེགས་བམ་བརྗོད། །ལས་ཀྱི་ཐ་ཚིག་རལ་གྱུར་ན། །ཕྲག་དོག་རིགས་ཀྱི་ཐ་ཚིག་བསྐང་། །བྲམ་ཟེ་རིགས་བཤེས་སྤྱན་དྲངས་ལ། །ཉེས་བྱས་མི་བཅབ་བཅུ་ལྔར་བཤགས། །ིནྡྲ་ལ་སོགས་རྫས
58b4 རྣམས་ཀྱིས། །ཐ་ཚིག་གང་བརླག་ནོར་དེས་བླུ། །མཆོད་སྦྱིན་བསོད་ནམས་ལས་ཆེན་བྱ། །དེས་ནི་བསྐང་བའི་ལས་ཆེན་འགྲུབ། །དོན་གྱིས་བསྐང་བའི་ཐབས་མཆོག་ཀྱང་། །རྣམ་ལྔའི་ཚུལ་དུ་བཤད་པར་བྱ། །ཆོས་ཀུན་ནམ་མཁར་བསྒོམས་ནས་ཀྱང་། །
58b5 བག་ཆགས་བཟང་ངན་ཐམས་ཅད་ཀུན། །ཅི་ཡང་མེད་པར་བློ་ལ་བཞག་།དེ་ལ་གོམས་བྱས་ཉེས་པ་མེད། །ཀུན་ལ་མཁས་པའི་བླ་མ་ལ། །རྒྱ་ཆེ་ཡངས་པའི་ཆོས་མཉན་ཏེ། །བསམ་པའི་ལས་རྣམས་རྒྱ་ཆེར་བྱ། །ཡིད་ཀྱིས་དམིགས་པའི་ལས་དག་ན། །རྩ
58b6 བ་ཉམས་པ་སྐོང་བར་འགྱུར། །གལ་ཏེ་ཡན་ལག་ཉམས་གྱུར་ན། །ཆོས་ཉིད་ནམ་མཁའི་དོན་སྟོན་པའི། །གླེགས་བམ་ཟབ་མོ་ཀུན་བརྟགས་ཏེ། །དོན་རྣམས་རྒྱ་ཆེར་བརྟག་པར་བྱ། །དེས་ནི་ཡན་ལག་ཉམས་པ་མེད། །བཟླས་ན་ཐ་ཚིག་ཉམས་གྱུར་ན། །
58b7 བླ་མ་སྐྱེས་བུ་མཁས་པ་ལ། །གཞུང་ཆེན་ཚུགས་པའི་བསྟན་པ་ཞིག་།སྟོན་པའི་ཡོན་བདག་གཉེར་བླངས་ཏེ། །བློ་ཡི་རྩལ་ཅན་ཀུན་བསྡུས་ཏེ། །དམ་ཆོས་བདུད་རྩི་བསྟན་པ་བསྒྲགས། །གལ་ཏེ་ཞར་གྱིས་ཉམས་གྱུར་ན། །བསྟན་པའི་གླེགས་བམ
iiif viewer powered by OpenSeadragon
