| e-texts navigator |
| Wylie |
58a1 ལོངས་སྤྱོད་རྐྱེན་དང་བཅས། །ཡོན་ཏན་ཆ་ལས་སྨོན་བཅོལ་མཆོད། །མཉེས་ནས་སྐོངས་པའི་སྟོངས་སུ་འགྱུར། །ཁམས་གསུམ་སྙིང་རྗེའི་གནས་རྣམས་ལ། །ཡོ་བྱད་སྦྱིན་ཚོགས་ཆེན་པོ་ལས། །འདོད་པའི་བསམ་པ་རངས་བྱས་ན། །མགུ་བས
58a2 སྐོངས་པའི་སྟོངས་སུ་འགྱུར། །བགེགས་སུ་གྱུར་པའི་བགེགས་རིས་ཀྱང་། །མཉམ་པའི་དོན་གྱིས་སེམས་མི་དབྱུང་། །དམིགས་ཀྱིས་ཁ་ཟས་སྣ་ཚོགས་ལས། །བགེགས་རྣམས་མགུ་ན་ཐམས་ཅད་ཀྱང་། །མཉམ་པའི་དོན་གྱིས་སྐོངས་པའི་རྒྱུར། །ཅུང་ཟད་ཙམ་དུ
58a3 སྣང་བ་ཡིན། །དེ་ལྟར་སྐོངས་པའི་ལས་རྣམས་ཀྱིས། །བསྐང་བར་བྱ་བའི་དམིགས་རྣམས་ནི། །རྣམ་པ་ལྔར་ནི་སྣང་བ་སྟེ། །ཀུན་དུ་ཉམས་པ་ཆེན་པོ་དང་། །རྩ་བ་ཉམས་དང་ཡན་ལག་ཉམས། །དེ་བཞིན་ཟླས་ཉམས་ཞར་ཉམས་ལྔ། །བསྐང་བའི་ཐབས་ཀྱང་ལྔ
58a4 ཡོད་དེ། །སྤྱད་པའི་ལས་ཀྱིས་བསྐང་བ་དང་། །རྫས་དང་དོན་དང་ཏིང་འཛིན་དང་། །མན་ངག་གསང་བའི་ཐབས་ཆེན་ནོ། །དེ་དག་ལ་ཡང་ལྔ་ལྔ་སྟེ། །སྤྱོད་པའི་ཚུལ་གྱིས་བསྐང་བ་ལ། །རྣམ་པ་ལྔ་རུ་བཤད་པར་བྱ། །དང་པོ་འབུམ་ལྔ་ཁྲི་གསུམ་སྟེ། །རྩ་ཉམས
58a5 ཁྲི་ལྔ་སྟོང་གསུམ་མོ། །ཡན་ལག་ཉམས་པར་གྱུར་པ་ལ། །སྟོང་ལྔ་བརྒྱ་གསུམ་ཐོན་པར་བྱ། །བཟླས་ཉམས་བརྒྱ་ལྔ་བཅུ་གསུམ་མོ། །ཞར་གྱིས་ཉམས་པར་གྱུར་པ་ལ། །བཅུ་ལྔ་གཅིག་གསུམ་དག་གིས་སྐོངས། །རྫས་ཀྱིས་བསྐང་བའི་ཐབས་མཆོག
58a6 ནི། །གལ་ཏེ་བསྲུང་བ་འགའ་ཞིག་ལས། །བྱང་ཆུབ་ཐ་ཚིག་རལ་གྱུར་ན། །གཏི་མུག་རིགས་ཀྱི་ཐ་ཚིག་བསྐང་། །དམངས་རིགས་བླ་མ་སྤྱན་དྲངས་ལ། །ཉེས་འགལ་མི་བཅབ་སྟོང་དུ་བཤགས། །གསེར་ལ་སོགས་པའི་རྫས་ཆེན་གྱིས། །ཐ་ཚིག་གང
58a7 བརླག་ནོར་དེས་བླུ། །བྱང་ཆུབ་སེམས་བསྐྱེད་རྒྱུད་སྦྱང་མཉན། །རྡོ་རྗེ་ཐ་ཚིག་རལ་གྱུར་ན། །ཞེ་སྡང་རིགས་ཀྱི་ཐ་ཚིག་བསྐང་། །རྗེའུ་རིགས་བླ་མ་སྤྱན་དྲངས་ཏེ། །ཉེས་བྱས་མི་བཅབ་འབུམ་དུ་བཤགས། །ཤེལ་ལ་སོགས་པའི་རྫས་ཆེན་གྱིས། །ཐ་ཚིག
iiif viewer powered by OpenSeadragon
