| e-texts navigator |
| Wylie |
56b1 མེད་སྲས། །རྒྱལ་བའི་སྲས་པོ་དུས་འདི་ལགས། །གསང་བའི་སྙིང་པོ་སྣོད་འདི་ལགས། །བཀའ་གསང་དཀྱིལ་འཁོར་གནས་འདི་ལགས། །གསང་བའི་དུར་ཁྲོད་ཚུལ་འདི་ལགས། །སྙིང་རྗེ་ཞེར་སེམས་ཁྱོད་ལ་འདུད། །གསང་བ་ཡང་གསང་ཁྱོད་ལ་འདུད། །གསང
56b2 བ་ཡེ་གསང་ཁྱོད་ལ་འདུད། །དཀྱིལ་འཁོར་རྒྱལ་པོ་ཁྱོད་ལ་འདུད། །འཁོར་ལོ་སྙིང་པོ་ཁྱོད་ལ་འདུད། །གསང་ཆེན་སྙིང་པོ་ཚུལ་ཅི་ལགས། །བཀའ་གསང་དཀྱིལ་འཁོར་ཐབས་ཅི་ལགས། །འབྲས་བུ་བདེ་བའི་དོན་ཅི་ལགས། །མ་འོངས་པ་ཡི་རྣལ་འབྱོར་དག་།
56b3 བསྒྲུབས་ན་དང་ལེན་འཚལ་བ་ཡི། །རིག་པར་འགྱུར་བའི་ཐབས་ཅི་ལགས། །འབྱུང་ཆེན་རྒྱལ་པོས་བཤད་དུ་གསོལ། །ཞེས་གསོལ་བ་བཏབ་པ་ལས། །སེམས་དཔའ་རྡོ་རྗེ་དམ་པ་དེ་ཤིན་ཏུ་བཞད་པ་ཆེན་པོས་རྣམ་པར་བཞད་དེ། ། ཨ་ཧེ་ཧེའི་གད་རྒྱངས
56b4 བསྒྲགས་པས་འཁོར་ཐམས་ཅད་ཀྱང་གད་རྒྱངས་ཀྱི་སྒྲ་ཆེན་པོ་སྒྲོགས་པར་མཛད་དེ། དགྱེས་པའི་འོད་ཟེར་ལས་ཤེས་རབ་ཀྱི་དཔལ་དེ་དགྱེས་པའི་རོལ་མོ་སྣ་ཚོགས་ལིང་ལོང་ཕྱད་པར་བྱུང་ངོ་། །དེ་ནས་སེམས་དཔའི་རྡོ་རྗེ་དམ་པ་དེས་ལུས་ཀུན་བསྲང་སྟེ། དུར་ཁྲོད
56b5 ཀྱི་ཆས་སྣ་ཚོགས་བསར་ཞིང་རྟགས་བརྒྱད་འབར་བར་བྱས་ནས་བརྗིད་པའི་གསུང་གིས་གསང་སྔགས་རྒྱ་མཚོ་དང་། རྣམ་གྲངས་སྣ་ཚོགས་དོན་གྱི་བསྒྲུབ་པ་རྟགས་ཀྱི་རོལ་པ་གསང་བའི་དཀྱིལ་འཁོར་ཆེན་པོ་འདི་དག་བཤད་དོ། །གཅིག་ཏུ་ཡང་དག་ངེས
56b6 གྲུབ་པའི། །དོན་ལ་རྟོན་བྱེད་རྣལ་འབྱོར་རྣམས། །ཐོགས་མེད་ཉིད་དུ་འགྲུབ་འདོད་པ། །ཇི་ལྟར་བཙོ་བླག་མཁན་དག་གིས། །རས་དཀར་སྦྱངས་པས་ཚོན་འཇེན་ལྟར། །རྣལ་འབྱོར་ལས་རྣམས་དང་པོར་ནི། །སྐོངས་དང་སྦྱོང་བའི་ལས་རྣམས་གཅེས། །
56b7 ཟབ་མོར་འཇུག་པའི་སྔོན་ལོགས་ནས། །སེམས་ཉིད་གཏིང་ནས་ཚར་གཅད་ཕྱིར། །ཐེག་པ་དམན་པའི་སྐྱེ་བོ་དང་། །ལྷན་ཅིག་ཅི་ལའང་མི་བརྣལ་ལོ། །དེ་ལས་གྱུར་པའི་ཡོ་བྱད་དག་།རུས་སྦལ་མགོ་ལ་འོངས་པ་དག་།ཤིན་ཏུ་འཁྲུགས་པའི་སེམས
iiif viewer powered by OpenSeadragon
