| e-texts navigator |
| Wylie |
56a1 ནས། གཡོས། རབ་ཏུ་གཡོས། ཤིན་ཏུ་རྣམ་པར་འཐོར་རོ། །དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེས་སེམས་དཔའ་རྡོ་རྗེའི་སྙིང་པོ་ལ་འཁོར་གཞན་གྱིས་ཡིད་ཚོད་དུ་མི་འགྱུར་བའི་སྐུའི་ཆོས་བསྟན་པ་ནི་སྐུ་ཀུན་དུ་དུར་ཁྲོད
56a2 ཀྱི་བདག་པོ་ཆེན་པོར་བསྒྱུར་ནས་དུར་ཁྲོད་ཀྱི་གནས་བརྒྱད་དང་། །ཧེ་རུ་ཀའི་གནས་བཅུ་དང་། །དཔལ་གྱི་ཆས་བརྒྱད་དང་། དུར་ཁྲོད་ཀྱི་རྒྱན་ཆེན་པོ་དགུ་དང་། །དོན་གྱི་རྟགས་ཆེན་པོ་བརྒྱད་དང་། །དུར་ཁྲོད་ཀྱི་ལོངས་སྤྱོད་སྣ་ཚོགས་པ་བསྟན་པས་ཞལ
56a3 འཛུམ་པའི་མདངས་ཀྱིས་གཟིགས་པ་ལས་སེམས་དཔའ་རྡོ་རྗེ་དེས་མཁྱེན་ཏེ། བཀའ་གསང་དབང་ཆེན་འདིས་དོན་དུ་ནི་བཤད། ཚིག་ཏུ་བསྒྲགས་པར་རིག་ནས་འདུས་པའི་ཚོགས་ལ་ཤིན་ཏུ་ལྡེམ་དགོངས་ཀྱི་ཚིག་ཏུ་སྨྲས་པ། བཀའ་གསང་རྨད་བྱུང་ཆེན་པོ་འདི། །
56a4 སྦས་པས་ཟབ་ཅིང་རྟོགས་དཀའ་བ། །མཚོན་པས་དོན་འབྱིན་མི་ཤེས་པས། །ཉོན་མོངས་རང་དགའ་སྤྱོད་སྙམ་པའི། །ཤིན་ཏུ་བྱིས་པའི་བློ་ཞན་པའི། །ངེས་པའི་ཤེས་རབ་མིག་ལྡོངས་ཏེ། །དོན་གྱི་རྩལ་ཤུགས་ཆུང་བ་ཡིས། །དགའ་བདེའི་ལོངས་སྤྱོད་བསྐྲུན
56a5 སྙམ་ནས། །མཚན་མ་རང་དགར་སྤྱད་བསྒྲུབས་ཀྱང་། །རང་བཞིན་འགྲུབ་པར་མི་འགྱུར་ཏེ། །རྒྱུད་ཕུང་འབྲས་བུ་ཚིག་གྱུར་ནས། །མྱུ་གུ་བརླག་སྟེ་ག་ལ་འབྱུང་། །གཏན་ཚིགས་དེ་བས་འདི་དོན་དག་།རྩལ་ཞན་དག་ལ་བསྟན་མིན་ཞེས། །གསང་བདག་རྒྱལ་པོ
56a6 ཀུན་གསུང་ན། །ཅི་ཁྱོད་རྣམས་ཀྱིས་མི་ཤེས་སམ། །ཞེས་རྣམ་པར་སྨྲས་པ་ལས། །འདུས་པའི་ཚོགས་ཀྱིས་སླར་གསོལ་པ། །ེ་མའོ་སེམས་དཔའ་ཆེན་པོ་དེ་ལྟ་བུའི་རྒྱུ་ཚིག་ཆེན་པོ་དག་འཁོར་གྱི་དཀྱིལ་འཁོར་གྱི་ནང་དམ་པ་འདིར་གསུང་ངམ། །འོན་ཏེ་མི་སྤྱོད་དམ།
56a7 ཅང་མ་ལགས་གྲང་། ཅི་བླང་དོར་མཛད་དམ། ཨེ་མ་སྣོད་དུ་མ་གྱུར་པ་ནི་གང་མཆིས། ཐམས་ཅད་བྱང་ཆུབ་ཀྱི་སྙིང་པོ་ཅན་ལགས་ན། ཐོང་ཀུན་དུ་རབ་ཏུ་ཐོང་། རྣམ་པར་རབ་ཏུ་གསུངས། འགག་པ་མི་མངའ་མི་འགོག་གསུངས། །ཅི་ཕྱིར་མི་གསུང་ཐོགས
iiif viewer powered by OpenSeadragon
