| e-texts navigator |
| Wylie |
55a1 དྲང་སྲོང་རྣམ་པ་མང་པོ་ལ། །ཚོགས་འདི་ཡོན་ཏན་རྒྱ་ཆེར་བསྒྲགས། །དོན་རྣམས་ངེས་པར་བཤད་པ་ལས། །དྲང་སྲོང་མང་པོས་རིག་འཛིན་ཐོབ། །སྟོན་པར་བྱེད་པའི་ཀལ་ཡ་ན། །གསང་བདག་ཆོས་ཀྱི་རྒྱལ་པོར་གྱུར། །འོན་ཏང་གསང་བའི་དོན་འདི་དག་།
55a2 སྣོད་དང་ལྡན་པའི་འགྲོ་བ་ལ། །བསྟན་ཏམ་བཤད་དམ་བརྗོད་པར་གྱིས། །དེས་ནི་ཡོན་ཏན་ཆེན་པོ་དང་། །ང་ཡི་སྤོབས་པ་འཐོབ་པར་འགྱུར། །དེས་ན་འདུས་པ་ཆེན་པོའི་ཚོགས། །རྒྱལ་བ་ཀུན་གྱི་ཐུགས་དམ་ནི། །རྣལ་འབྱོར་གསང་བའི་ཚོགས་འདི་ཡིན། །རྣལ་འབྱོར
55a3 གང་ཞིག་བློ་ལྡན་པས། །སྐད་ཅིག་ཙམ་མམ་ཐང་ཅིག་ལ། །རྒྱལ་བའི་ཚོགས་འདི་རབ་བསྐྲུན་ན། །རྒྱལ་བ་སངས་རྒྱས་ཐམས་ཅད་དང་། །རིག་འཛིན་རྣལ་འབྱོར་མཐའ་དག་དང་། །ཐ་ཚིག་ཟབ་མོ་སྐོངས་ནས་ཀྱང་། །ཆོས་ཀྱི་མིག་ནི་ཐོབ་པར་འགྱུར། །དེས་ནི་ཚོགས
55a4 སྤྱད་ཡོན་ཏན་དང་། །ལོག་པར་སྤྱད་པའི་སྐྱོན་རྣམས་ནི། །སྔོན་བྱུང་གླེང་གཞི་བཤད་པ་ཡིན། །ཞེས་སེམས་དཔའི་རྡོ་རྗེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་འདས་པ་སྔོན་བྱུང་གི་ལེའུ་ཞེས་བྱ་སྟེ་བདུན་པའོ།། །།དེ་ནས
55a5 བཅོམ་ལྡན་འདས་སེམས་དཔའི་རྡོ་རྗེ་དེ་བཅོམ་ལྡན་འདས་གསང་བ་མཆོག་གི་བདག་པོ་དེའི་ཞལ་དུ་ཤིན་ཏུ་རེ་ཞིང་བཀའ་སྡོད་པའི་ཚུལ་གྱིས་ལྟ་ཞིང་ཀུན་དུ་བརྗིད་པར་འཁོར་གྱིས་བསྐུལ་པའི་ས་ལ་སྟ་གོན་དུ་གནས་ཤིང་ཅང་མི་སྨྲ་བར་གྱུར་ཏོ། །དེ་ནས་འཁོར་ཕལ་མོ
55a6 ཆེས་རྣམ་པར་བསྐུལ་བར་རིག་ནས་རྣལ་འབྱོར་གྱི་ཕྱག་ལུས་ཀུན་ས་ལ་བརྡབས་ནས་ཨ་ལ་ལ་ཧོ་ཞེས་བྱ་བའི་སྒྲ་ཕྱུང་ནས་མགྲིན་གཅིག་ཏུ་གསོལ་བ་བཏབ་པ། ཨེ་མ་རྡོ་རྗེ་སེམས་ཆེན་པོ། །རང་རིག་མཁྱེན་པའི་ཡེ་ཤེས་འབར། །མགོན་པོ་ཡོན་ཏན་བསམ
55a7 ལས་འདས། །རྒྱལ་ཐོབ་ཁྱོད་ལ་ཕྱག་འཚལ་ལོ། །ེ་མ་རང་སྣང་དབྱེར་མེད་སྐུ། །རྣམ་དག་བསོད་ནམས་མཚན་གྱིས་བརྒྱན། །དཔེ་བྱད་འབྲུ་བཀོད་བལྟ་མི་ངོམས། །སྐུ་ལྔའི་མཆོག་ལ་ཕྱག་འཚལ་ལོ། །ེ་མ་རྣམ་དག་ནམ་མཁའི་དབྱིངས། །གཅིག་གསུང
iiif viewer powered by OpenSeadragon
