| e-texts navigator |
| Wylie |
53b1 ཐམས་ཅད་ཀྱིས། །ཁྱོད་ལ་བྱིན་གྱིས་རློབ་པར་མཛད། །དེ་བས་ལྟ་བ་མ་གཡེལ་བར། །སྒྲིབ་པ་སྦྱང་བའི་ཐབས་དག་ལ། །མཁས་ཤིང་བརྩོན་པར་བྱ་དགོས་ཏེ། །རང་གི་རྩ་རྣམས་བཀྲོས་ནས་ནི། །ཁྲག་ཆེན་དག་གིས་མཆོད་པ་དེ། །འདོད་ཆགས་དག་པ་ཙནྡན
53b2 ཆུས། །དམིགས་ནས་རྒྱལ་བ་ཀུན་མཆོད་ནས། །དེ་མ་ཐག་ཏུ་དོན་ཐོབ་འགྱུར། །དེ་སྐད་ལུང་བསྟན་ཐོབ་ནས་ནི། །དགའ་བའི་བསམ་པ་ཆེར་གཡོས་ཏེ། །ལུང་བསྟན་པ་ལྟར་དེ་སྤྱད་པས། །རིག་འཛིན་རྒྱལ་བའི་སྲས་སུ་གྱུར། །དེ་བཞིན་མོས་པ་དག་པར་སྤྱོད། །
53b3 མཐོང་ལ་སྐལ་ལྡན་འདིར་ཞུགས་པ། །ཐམས་ཅད་དུ་ཡང་དེ་བཞིན་ཏེ། །ཏོག་ནི་རྩེ་མོར་གྱུར་པ་བཞིན། །ཡོངས་ཀྱི་ནུབ་པ་མ་ཡིན་ནོ། །དེ་ཡང་ཇི་ལྟ་བུ་ཞེ་ན། །ལྷ་ཡི་བུ་ཞེས་བྱ་བ་ནི། །དགེ་བའི་རྒྱལ་པོ་བྱ་བ་དེ། །ཚོམ་བུ་འབུམ་དང་བཅས་པ་ཞིག་།གསང་བ
53b4 རྒྱ་ཆེར་སྤྱད་པ་ལས། །ལྷ་བུ་རིན་ཆེན་འོད་ལྡན་དེ། །ཤིན་ཏུ་དད་པ་ཆེར་གཡོས་ཏེ། །ལྷ་རྫས་ཡོ་བྱད་མང་པོ་དང་། །བཅས་ནས་གསང་བའི་གནས་དེར་ཕྱིན། །དགའ་ཞིང་འདུན་པའི་ཚུལ་གྱིས་ནི། །གུས་པར་གྱུར་ཏེ་དེར་གནས་པས། །ཆོ་འཕྲུལ་ཆེན་པོ་བཞི
53b5 ཐོབ་སྟེ། །ལྷ་གནས་ཀུན་དུ་བགྲོད་པ་དང་། །འབྱུང་ཆེན་ལུས་ལས་སྤྲུལ་པ་དང་། །རི་བོ་གདེག་དང་འཕང་བ་དང་། །མི་འཆི་ཚེ་ལ་གནས་པ་ཐོབ། །རྒྱལ་མཚན་རྩེ་མོའི་ཏོག་བཞིན་དུ། །མཐོང་བ་དག་པའི་ཆོས་དེ་ཉིད། །བསྐལ་པར་ནུབ་པར་མ་གྱུར་ཏོ། །
53b6 དེ་བཞིན་འཇུག་པ་དག་པར་གྱིས། །མཐོང་བས་ཆོས་འདི་ཡོངས་དག་པས། །ཡེ་ཤེས་སྒྲོན་མའི་མིག་རྙེད་ནས། །བླ་མེད་སྙིང་པོ་ཅན་རྣམས་ཀྱིས། །ལམ་རྙེད་ལམ་དུ་ཞུགས་པ་བཞིན། །དེ་ཡང་ཇི་ལྟ་བུ་ཞེ་ན། །བྲམ་ཟེ་ཀུན་རི་བྱ་བ་ཞིག་།ཆོས་ཀྱི་མིག་ལྡན
53b7 དོན་མཐོང་ནས། །གསང་ཆེན་གཞུང་བཞིན་སྤྱོད་པ་ལ། །བྲམ་ཟེ་ཀཻ་ནི་བྱ་བ་ཞིག་།དད་པས་དོན་གྱི་རྗེས་སུ་འབྲེངས། །གསང་ཆེན་འདུས་པའི་ཚོགས་མཐོང་བ། །ཆོས་ཀྱི་མིག་དང་ལྡན་འགྱུར་ཏེ། །དོན་གྱི་སྙིང་པོ་མཐོང་བར་འགྱུར། །ལྷུན་གྲུབ་རྩལ་ཆེན
iiif viewer powered by OpenSeadragon
