| e-texts navigator |
| Wylie |
53a1 སྔོན་འདས་དུས་ན་བྱུང་བ་ཡི། །རྩལ་ཅན་རྣམས་ཀྱི་དོན་བཤད་པ། །སྐྱེས་བུ་མཆོག་གི་སྤྱོད་པ་འདི། །ཡོན་ཏན་སྒྲ་བསྒྲགས་སུས་ཐོས་པ། །མིང་ཙམ་གྱིས་ཀྱང་དེ་ཐོབ་ཅིང་། །དྲན་པས་ངན་འགྲོ་ལས་སྐྱོབ་ཡིན། །དེ་ཡང་ཇི་ལྟ་བུ་ཞེ་ན། །
53a2 ཤིན་ཏུ་གསང་བའི་སྤྱོད་པ་འདི། །ལྷ་གནས་གསུམ་དུ་གྲགས་པ་ལས། །ལྷ་ཡི་བུ་ནི་འོད་ལྡན་དེ། །མི་རྟག་འཆི་བའི་དུས་བབ་ནས། །འཆི་ཀའི་སྔ་ལྟས་བྱུང་བའི་ཚེ། །མི་དགའ་བར་ནི་འདུ་ཤེས་གྱུར། །ཕྱི་མའི་འདུ་ཤེས་བསྐྱེད་པ་ལས། །མི་གཙང་ཟས་སུ་ཟ་བ
53a3 ཡི། །བླུན་པའི་སྲོག་ཆགས་ལུས་ལེན་པར། །རང་གི་མངོན་པར་ཤེས་པས་མཐོང་། །ཤིན་ཏུ་འཇིགས་པའི་འདུ་ཤེས་ཀྱིས། །སྐྱབས་ཀྱི་ཡུལ་རྣམས་ཡིད་ལ་བྱས། །གཞན་གྱི་དྲན་པ་མི་གསལ་བར། །གསང་བ་ཆེན་པོའི་ཚོགས་ཆེན་གྱིས། །མཚན་ནི་རྣ་བའི
53a4 དབང་པོས་ཐོས། །ཐོས་པ་ཡིད་ལ་དྲན་བྱས་པས། །ངན་འགྲོའི་ལམ་ལས་སླར་ལོག་སྟེ། །ཚོགས་ཆེན་སྤྱོད་པའི་སྐལ་ལྡན་པས། །གསང་བ་འཛིན་པའི་གནས་སུ་སྐྱེས། །དེ་བཞིན་ཐོས་པ་དག་པར་སྤྱོད། །རྒྱལ་བ་མཉེས་པའི་ཚོགས་འདི་ལ། །གང་ཞིག
53a5 དགའ་ཞིང་འདུན་སྐྱེད་པ། །གཞན་གྱི་བར་ཆད་མི་འབྱུང་བར། །ཇི་ལྟར་མོས་པ་དེ་མྱུར་འཐོབ། །དེ་ཡང་ཇི་ལྟ་བུ་ཞེ་ན། །བྲམ་ཟེའི་བུ་ནི་བྱམས་ལྡན་ཏེ། །གསང་བ་ཆེན་པོའི་ཚོགས་འདི་དག་།སྤྱོད་པར་མོས་ནས་ཀུན་དུ་བཙལ། །བཙལ་བས་རྙེད་པར་མ་གྱུར་ཏེ། །
53a6 ས་ཕྱོགས་ཞིག་ཏུ་འདུག་ནས་ནི། །ཤིན་ཏུ་ངུས་ནས་སྨྲས་པ་ནི། །ེ་མའོ་བདག་གི་ལས་རེ་ཕམ། །སྐྱེས་ནས་རྒས་པར་གྱུར་པར་དུ། །ཚོགས་ཆེན་ཟབ་མོའི་དོན་བཙལ་ན། །དོན་དང་མ་ཕྲད་ལས་རེ་ངན། །ད་འོང་ཇི་ལྟར་བཙལ་ན་རྙེད། །བཙལ་བྱས་རྙེད་པར
53a7 ཡོང་མི་འགྱུར། །ཐུགས་རྗེས་བདག་ལ་སྐྱབས་སུ་མཆི། །གདུང་བ་སྒྲ་ཆེར་ཕྱུང་བ་ལས། །ནམ་མཁའི་ཁམས་ནས་སྒྲ་ཕྱུང་སྟེ། །སྐལ་དང་ལྡན་པའི་བྲམ་ཟེ་ཁྱོད། །དེ་ལྟར་ཡི་དམ་ལ་བརྟེན་པ། །ཁྱོད་ནི་དོན་གྱི་སྐལ་བ་ཅན། །དུས་གསུམ་རྒྱལ་བ
iiif viewer powered by OpenSeadragon
