| e-texts navigator |
| Wylie |
52b1 ལ། །ངེས་དོན་གསང་བའི་དོན་གླེངས་ན། །ལྷས་བྱིན་འཁོར་བཅས་དེ་ལས་བྱོལ། །དོན་གླེང་བ་ལ་མི་དགའ་ཞིང་། །ངན་པའི་སེམས་ཀྱིས་ཕྲག་དོག་སྐྱེས། །རང་གི་གནས་སུ་སོང་ནས་ནི། །མཁས་པ་དེ་ལ་མི་སྙན་བརྗོད། །ལས་ཀྱི་རྣམ་སྨིན་དེ་ཡིས་ནི། །
52b2 བསྐལ་པ་དཔག་ཏུ་མེད་པ་རུ། །ཡང་དག་དོན་ལས་གོལ་བར་འགྱུར། །འཁོར་བ་དོན་མེད་གནས་སུ་འཁྱམས། །དེ་འདྲའི་ཚུལ་དུ་མ་སྤྱོད་ཅིག་།རྣལ་འབྱོར་ཉིད་ཀྱིས་རྣལ་འབྱོར་ལ། །ཤིན་ཏུ་གདུག་པའི་དུག་མདས་གཏོང་། །ཐ་ཚིག་བཙན་པོ་རྫོང་ལྟ་བུ། །
52b3 འཇོམས་བྱེད་རྣལ་འབྱོར་རང་བགེགས་སོ། །དེ་ཡང་ཇི་ལྟ་བུ་ཞེ་ན། །རྣལ་འབྱོར་རྣམ་དག་བློ་གྲོས་ཞེས། །བྱ་བའི་དོན་ལྡན་མཁས་པ་ཞིག་།མི་འཇིགས་བློ་གྲོས་ཞེས་བྱ་བའི། །ཐབས་དང་དོན་ལ་མི་མཁས་པ། །སྡེ་པ་མང་པོ་སྐྱོང་བའི་སར། །རྣམ་དག་བློ་གྲོས
52b4 འཁོར་བཅས་འོངས། །མཁས་པ་དོན་ལྡན་བཟོད་ཐོབ་ལ། །ངན་སེམས་ཕྱར་ཀའི་སྒྲོ་སྐུར་བཏབ། །ལས་ཀྱི་རྣམ་སྨིན་དེ་ཡིས་ནི། །མི་འཇིགས་བློ་གྲོས་མནར་མེད་ལྷུང་། །དེ་འདྲའི་ཚུལ་དུ་མ་སྤྱོད་ཅིག་།ལྟ་བ་དམིགས་བུ་དང་བྲལ་བས། །ཡང་དག་དབུ
52b5 མའི་ལམ་མི་གསལ། །སྤྱི་ཡུལ་ཙམ་ལ་ལྟོས་སྤྱོད་པ། །དེ་ནི་རྣལ་འབྱོར་ལོང་བའི་ཚོགས། །དེ་ཡང་ཇི་ལྟ་བུ་ཞེ་ན། །རྒྱལ་པོ་རབ་གསལ་འཛིན་པ་ཞེས། །བྱ་བའི་རྣལ་འབྱོར་ཅན་ཞིག་བྱུང་། །ཤེས་རབ་ལྟ་བའི་མིག་མེད་པར། །རྣལ་འབྱོར་མིང་ཙམ་ཚུལ
52b6 བཟུང་ནས། །སྒྲ་ཐོས་ཙམ་གྱི་གཞུང་སྤྱད་པས། །མིག་མེད་འཁོར་བའི་ཁམས་སུ་ལྷུང་། །དེ་འདྲའི་ཚུལ་དུ་མ་སྤྱོད་ཅིག་།དེ་ལ་སོགས་པའི་རྣལ་འབྱོར་པས། །ལོག་པའི་ཚོགས་སུ་སྤྱད་པས་ནི། །འཁོར་བ་ལོག་པའི་ཚོགས་སུ་འགྱུར། །དེས་ན་འདུས
52b7 པའི་རྣལ་འབྱོར་རྣམས། །ཤིན་ཏུ་གསང་བའི་ཆོས་འདི་རྣམས། །གོལ་ས་ཆེ་བར་རྒྱལ་བས་བཤད། །ཐབས་ལ་མཁས་པའི་སྤྱོད་པ་ཡིས། །དོན་དང་ལྡན་པར་བྱ་བ་གཅེས། །ཐབས་ལ་མཁས་པར་སྤྱད་པ་ཡི། །ལེགས་པའི་ལམ་གྱི་རྣལ་འབྱོར་པ། །
iiif viewer powered by OpenSeadragon
