| e-texts navigator |
| Wylie |
52a1 ཡི་རྣལ་འབྱོར་པ། །པྲ་མ་དེ་ཞེས་བྱ་བ་ཞིག་།དོན་དང་ལམ་ལ་མི་མཁས་པར། །བདག་ནི་མཁན་པོ་ཡིན་ནོ་ཞེས། །ཀུན་ལ་རྒྱ་ཆེར་སྒྲ་བསྒྲགས་ནས། །རྒྱལ་བའི་བཀའ་བརྐུས་འགྲོ་བ་རྣམས། །བསླུས་པར་གྱུར་པའི་རྣམ་སྨིན་གྱིས། །ལོག
52a2 པ་ཅན་གྱི་འཇིག་རྟེན་པ། །མུ་སྟེགས་སྤྱོད་པའི་ཁམས་སུ་ལྷུང་། །དེ་འདྲའི་ཚུལ་དུ་མ་སྤྱོད་ཅིག་།ཐ་ཚིག་ཉམས་ཤིང་དོན་ལ་རྨུགས། །དྲེགས་པས་དོན་ལ་ཁས་འཆེས་ཕྱིར། །རྡོ་རྗེ་རྒྱལ་དབང་ཐོབ་འདོད་པ། །ཁྲེལ་མེད་སྤྱི་བརྟོལ་མུན་སྤྲུལ་འཆལ། །དེ
52a3 ཡང་ཇི་ལྟ་བུ་ཞེ་ན། །རྣལ་འབྱོར་སྔགས་ཀྱི་ཚུལ་སྤྱོད་པ། །པེ་ན་ཡ་ཞེས་བྱ་བ་ཞིག་།ཚོམ་བུ་བརྒྱ་དང་བཅས་པ་བྱུང་། །རྩ་བ་ཉམས་ཤིང་དོན་ལ་རྨུགས། །དྲེགས་པ་ཆེན་པོའི་ང་རྒྱལ་གྱིས། །དོན་ལ་མཁས་པའི་ཚུལ་བཅོས་ཕྱིར། །རྡོ་རྗེ་རྒྱལ
52a4 པོའི་དབང་མནོས་པས། །རི་བོས་སྲོག་ཆགས་མནན་པ་བཞིན། །ང་རྒྱལ་དྲེགས་པའི་རི་བོ་ཡིས། །འཁོར་བའི་ལས་སྤྱོད་ལས་ངན་པའི། །སྲོག་ཆགས་ཕག་གི་རིགས་སུ་ལྷུང་། །དེ་འདྲའི་ཚུལ་དུ་མ་སྤྱོད་ཅིག་།མཉམ་པའི་དོན་ཉིད་མ་རྟོགས་པར། །
52a5 ཚིག་དུ་མཉམ་ཞེས་རྗོད་བྱེད་ཅིང་། །ཆགས་སྡང་གཉིས་ལ་མངོན་འཆེལ་བ། །རྣལ་འབྱོར་ལས་ཀྱིས་འཁོར་བའི་ལམ། །དེ་ཡང་ཇི་ལྟ་བུ་ཞེ་ན། །དགེ་སློང་བདེ་སྦྱིན་བྱ་བ་ཞིག་།ཚོམ་བུ་སྟོང་དང་བཅས་པར་དེ། །རྣལ་འབྱོར་གསང་བའི་ལས་ལ
52a6 སྤྱོད། །ལ་ལ་ཆགས་ལ་མངོན་པར་འཆེལ། །ལ་ལས་སྡང་ཆེན་གསོད་པར་སྤྱོད། །ཆགས་སྡང་ལས་ཀྱི་རྣམ་སྨིན་གྱིས། །རཀྵ་སྲིན་པོའི་ཁམས་སུ་ལྷུང་། །དེ་འདྲའི་ཚུལ་དུ་མ་སྤྱོད་ཅིག་།གང་དག་རྣལ་འབྱོར་བློ་ཆུང་རྣམས། །རྡོ་རྗེ་གྲལ་ཚོགས
52a7 དོན་གླེངས་ན། །དེ་ལ་འཇིགས་ཤིང་སྐྲག་འགྱུར་ཏེ། །སྤ་ཞུམ་མི་དགའ་འབྱོལ་བྱེད་བླུན། །དེ་ཡང་ཇི་ལྟ་བུ་ཞེ་ན། །དགེ་སློང་ལྷས་བྱིན་བྱ་བ་ཞིག་།རྣལ་འབྱོར་དང་པོའི་སར་སློབ་ཚེ། །རྣལ་འབྱོར་དོན་ལྡན་མང་པོ་རྣམས། །ཕལ་ཆེར་ཚོགས་པར་གྱུར་པ
iiif viewer powered by OpenSeadragon
