| e-texts navigator |
| Wylie |
51b1 དང་། །རྙེད་དང་བཀུར་སྟིས་འཚོ་བའི་འཁོར། །གཞན་གྱི་དབང་དུ་གྱུར་དོགས་ནས། །སྒོ་རིས་རྐྱང་ཚན་སོ་སོར་གཅོད། །འཁོར་འདི་བདག་གིས་སྨིན་བྱ་ཡི། །གདུལ་བར་བྱ་བའི་ཞིང་ཡིན་གྱིས། །གང་དག་འདི་དང་མ་འབྲེལ་ཞེས། །ཉོན་མོངས་ཚིག་གིས་སྒོ་བྱེད
51b2 ནོར། །དེ་ཡང་ཇི་ལྟ་བུ་ཞེ་ན། །རྣལ་འབྱོར་ན་ཞི་གནས་པ་ཞེས། །བྱ་བའི་ཚོམ་བུ་ལྔ་བརྒྱ་ཞིག་།ཤིན་ཏུ་གསང་སྔགས་སྤྱོད་དོ་ཞེས། །དགོན་པའི་གནས་སུ་འདུག་ནས་ནི། །ཡུལ་ཁམས་ཆེན་པོ་དེ་དག་གིས། །གནས་པར་གྱུར་པའི་མི་རྣམས་ཀུན། །གདུལ
51b3 བར་བྱ་བའི་ཞིང་དུ་སྤྱོད། །གཞན་གྱི་སྡེ་པར་གྱུར་པ་ཡི། །དགེ་སློང་དོན་དང་ལྡན་པ་ཞིག་།ཡུལ་དེར་ཆེད་དུ་འོངས་ནས་ནི། །རྣལ་འབྱོར་ངེས་པའི་ལམ་མཆོག་གཅིག་།རྒྱ་ཆེར་བསྟན་པར་བསམས་པ་ལས། །དགེ་སློང་དགོན་པར་གནས་པ་དེས། །ཉོན་མོངས་ཚིག
51b4 གི་བསྒོ་བ་བྱས། །འཁོར་འདི་བདག་གི་ཞིང་ཡིན་གྱིས། །ཁྱོད་ནི་འདི་ལ་མ་གཏོགས་ཞེས། །སྒོ་དང་ཚན་དང་རིས་བཅད་པས། །ཉོན་མོངས་འཁོར་བའི་ལམ་དུ་ལྷུང་། །དེ་འདྲའི་ཚུལ་དུ་མ་སྤྱོད་ཅིག་།རྣལ་འབྱོར་ཆེན་པོར་བསྔོས་གྱུར་ལ། །སྣ་འགས་ཅི་རྒྱལ
51b5 གསོག་འཇོག་བྱེད། །གཅིག་ཡིད་གཅིག་གིས་འབྱིན་བྱེད་པ། །ནམ་ཞར་ལོངས་སྤྱོད་ཐོབ་པ་མིན། །དེ་ཡང་ཇི་ལྟ་བུ་ཞེ་ན། །རྣལ་འབྱོར་བདེ་ལྡན་ཤེས་པ་ཞེས། །བྱ་བའི་ཚོམ་བུར་བཅས་པ་ཞིག་།གསང་བ་རྒྱ་ཆེར་སྤྱོད་པ་ལས། །འཁོར་ན་གནས་པའི་རྣལ
51b6 འབྱོར་མ། །བུད་མེད་བཟང་ལྡན་བྱ་བ་ཞིག་།ཚོགས་སྦྱོར་གིང་དུ་བསྐོས་པ་ལས། །འབྱོར་པའི་ཡོ་བྱད་དེ་དག་ལ། །སེར་སྣའི་སེམས་ཀྱིས་གསོག་འཇོག་བྱས། །ལས་ཀྱི་རྣམ་སྨིན་དེ་ཡིས་ནི། །ཁྱི་ཡི་ལུས་སུ་སྐྱེས། །དེ་འདྲའི་ཚུལ་དུ་མ་སྤྱོད་ཅིག་།
51b7 གཞན་ཡང་རྣལ་འབྱོར་ཆེན་པོའི་ཚོགས། །ལོག་པར་སྤྱོད་པའི་རྣལ་འབྱོར་ནི། །ལོག་ལྟ་སྤྱི་བརྟོལ་གཏུམ་ཁྲོ་ཆེ། །སྡིག་སྤྱོད་དོན་དང་མི་ལྡན་ཡང་། །བདག་ནི་ཡང་དག་ཡིན་ནོ་ཞེས། །བབ་ཆོལ་བཀའ་རྐུ་སླུ་བྱེད་བསླད། །དེ་ཡང་ཇི་ལྟ་བུ་ཞེ་ན། །ཆོས་སྐྱོང་བ
iiif viewer powered by OpenSeadragon
