| e-texts navigator |
| Wylie |
51a1 རྣལ་འབྱོར་བཟང་རྒྱན་དེ། །མི་ཤེས་བྱིས་པའི་འཁོར་རྣམས་ལ། །ཚུལ་འཆོས་ལོག་པའི་ཚོགས་བསྐྱངས་པས། །ཚོམ་བུ་ལྔ་བརྒྱར་བཅས་པ་ཞིག་།དོན་ལས་གོལ་ཞིང་འཁོར་བར་ལོག་།དེ་འདྲའི་ཚུལ་དུ་མ་སྤྱོད་ཅིག་།རྨད་བྱུང་གསང་བའི
51a2 བསྟན་པ་འདི། །རྣལ་འབྱོར་དབང་ཕྱུག་ཚད་མ་རྣམས། །ཕལ་ཆེར་མི་གནས་སྐབས་དག་ཏུ། །མི་ཤེས་ངན་རྟོག་ཅན་རྣམས་ཀྱིས། །དཀྲུགས་འགྱུར་བཀའ་བསླད་གཞུང་བོར་ཏེ། །ནོར་པས་བདག་ཉིད་སུན་འབྱིན་ཅིང་། །བདག་ཡིན་གཞན་འདི་མ་ཡིན་ཞེས། །
51a3 བདག་བསྟོད་གཞན་ལ་སྨོད་པ་ལོག་།དེ་ཡང་ཇི་ལྟ་བུ་ཞེ་ན། །བསྐལ་པ་དེ་ཉིད་དུས་དག་ལ། །རྣལ་འབྱོར་དཔའ་སྦྱིན་བྱ་བ་ཞིག་།དོན་ལ་བློ་ཤེད་མ་བྱེ་ཞིང་། །ལམ་གྱི་ཐབས་ལ་མི་མཁས་པས། །ངེས་དོན་བཀའ་ཡི་གཞུང་བོར་ནས། །ཆོས་མ་ཡིན་པའི་ཆོས
51a4 སྤྱོད་ཅིང་། །གཞན་དག་ངེས་དོན་སྤྱོད་པ་ལ། །ཁྱོད་ཀྱི་དེ་ནི་དོན་མ་ཡིན། །དོན་མཆོག་བདུད་རྩི་གང་ཡིན་པ། །དེ་ནི་ང་ཡི་ཆོས་འདི་ཡིན། །ཞེས་ནི་བདག་བསྟོད་གཞན་ལ་སྨོད། །འདི་ཡང་སྲིད་པ་ལོག་པའི་ལམ། །དེ་འདྲའི་ཚུལ་དུ་མ་སྤྱོད་ཅིག་།སྔར་བྱུང
51a5 རྒྱུད་ཀྱི་རྗེས་གནས་པས། །རྡེང་མེད་བཞིན་དུ་དཔོན་བསྟབས་ན། །ཚིག་གཉེར་དྲེགས་པའི་དབང་དེས་ནི། །མི་ཤེས་བཞིན་དུ་རས་གཅོད་པའི། །ཚུལ་འཆོས་སེམས་ཀྱི་གྱ་གྱུ་ཅན། །སྨྱོན་ཐབས་བླུན་པའི་སྡིག་ཅན་ཡིན། །དེ་ཡང་ཇི་ལྟ་བུ་ཞེ་ན། །དགེ་སློང་དྲི
51a6 མེད་སྤྱོད་པ་ཞེས། །བྱ་བའི་རྣལ་འབྱོར་ཚུལ་འདྲ་ཞིག་།དོན་ལ་མཁས་པའི་རྗེས་སུ་བྱུང་། །ཚོམ་བུ་འབུམ་གྱི་འཁོར་རྣམས་ཀྱིས། །རྒྱུད་ཀྱི་རྗེས་སུ་བྱུང་བ་ཡིས། །དོན་མེད་དགེ་སློང་དེ་ཉིད་ལ། །ཚིག་གི་གཉེར་ཆེན་ལྗིད་ཕབ་པས། །གདུང་འཚོབ་ཅེས་ནི་དཔོན
51a7 བསྟབས་ཏེ། །ཆེ་བ་ཆེན་པོའི་དྲེགས་པ་སྐྱེས། །མི་ཤེས་བཞིན་དུ་ཚུལ་བཅོས་ཏེ། །འདྲ་ཚུལ་ལོག་པའི་ཆོས་སྤྱད་པས། །ཚོམ་བུ་འབུམ་དང་བཅས་པ་ཞིག་།དྲེགས་པ་ཆེན་པོའི་རུ་དྲར་ལྷུང་། །དེ་འདྲའི་ཚུལ་དུ་མ་སྤྱོད་ཅིག་།མཛའ་འདྲིན་བསླང་སྟེར་ཞིང་རྣམས
iiif viewer powered by OpenSeadragon
