| e-texts navigator |
| Wylie |
50b1 པར་བྱེད་པ་ཡང་ཐབས་ལ་མཁས་པས་ཇི་ལྟར་དགའ་བ་བཞིན་དུ་དབང་དུ་འདུའོ། །ཐབས་ཀྱིས་མ་ཟིན་ན་སྲོག་གཅོད་པར་བྱེད་དོ། །གཞན་ཡང་གསང་སྔགས་ཆེན་པོ་འདི་ནི་སྦྲུལ་གྱི་མགོ་ལ་འདུག་པའི་ནོར་བུ་རིན་པོ་ཆེ་དང་འདྲ་སྟེ། སྦྲུལ་གྱི་མགོ་ལ་འདུག
50b2 པའི་ནོར་བུ་ཐབས་ཀྱིས་ཡོངས་སུ་ཟིན་ན་ནི་དབང་དུ་འདུ་ཞིང་སྤྱད་དུ་ཡོད་ལ། ཐབས་ཀྱིས་མ་ཟིན་ན་ནི་འཚོ་བའི་སྲོག་དང་འབྲལ་བར་བྱེད་དོ། །དེ་བས་ན་གསང་བ་ཆེན་པོ་འདི་ནི་སྤྱད་པར་དཀའ་བས་སྔོན་གྱི་དུས་ཀྱི་ཚེ་ན་ཡང་སྤྱད་ཉེས་པའི་ལོག་པའི་ལམ་པ་ཅན
50b3 མང་པོར་བྱུང་ངོ་། །དོན་དང་ལམ་ལ་མཁས་པའི་སྐྱེས་བུས་ཐབས་ཀྱིས་ཟིན་ཅིང་སྤྱད་ལེགས་ན་མ་ནོར་བའི་ལམ་དུ་ཞུགས་པ་ཡང་མང་པོར་བྱུང་བས་འདུས་པ་ཆེན་པོའི་ཚོགས་སྤྱད་པའི་ཐབས་ལ་ཡོངས་སུ་མཁས་པར་གྱིས་ཤིག་།དེ་སྐད་ཅེས་བཀའ་སྩལ་པ
50b4 དང་། འདུས་པ་ཆེན་པོའི་ཚོགས་ཀྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་གསང་སྔགས་ལོག་པའི་ལམ་ལས་བྱུང་བ་ནི་གང་གང་ལགས། སྤྱད་ལེགས་པའི་ཐབས་ལས་བྱུང་བ་ནི་གང་གང་ལགས། །བདག་ཅག་ལ་རྒྱ་ཆེར་བཤད་དུ་གསོལ། །དེ་སྐད
50b5 ཅེས་གསོལ་པ་དང་། བཅོམ་ལྡན་འདས་ཀྱིས་འདུས་པ་ཆེན་པོའི་ཚོགས་ལ་བཀའ་སྩལ་པ། འདུས་པ་ཆེན་པོའི་ཚོགས་ཉེས་ལེགས་ཀྱི་རིམ་པ་བཤད་པར་བྱ་ཡིས་ཉོན་ཅིག་ཅེས་བཀའ་སྩལ་པ་དང་། ང་ནི་དྲན་པ་ཐོག་མའི་ཚེ། །གསང་བ་སྤྱོད་པའི་དོན་འདི་དག་།
50b6 ངེས་དོན་ཕལ་ཆེར་ནུབ་པར་གྱུར། །ཚུལ་འདྲ་ཙམ་ཞིག་གནས་པ་ལ། །ཀུན་ཀྱང་ཕལ་ཆེར་སྤྱོད་མོད་ཀྱང་། །དོན་དང་ཕྲད་པ་ངས་མ་མཐོང་། །ཀུན་ཀྱང་ལོག་པའི་ལམ་སྤྱད་དོ། །ལོག་པ་ཅན་ཉིད་གང་ཞེ་ན། །འདི་ལ་མི་གནས་འདི་ཉམས་དང་། །འདི་ལས
50b7 ལོག་དང་ལོག་ཚུལ་སྤྱོད། །འདི་ཚུལ་མ་ཡིན་འདིར་མ་ངེས། །གཡོ་སྒྱུས་བདེན་བཅོས་འགལ་བའི་ལམ། །དེ་ཡང་ཇི་ལྟ་བུ་ཞེ་ན། །བསྐལ་པ་ཀུན་བཀོད་བྱ་བའི་ཚེ། །སངས་རྒྱས་མངོན་བྱུང་རྒྱལ་པོ་དེ། །མྱ་ངན་འདས་པར་གྱུར་འོག་ཏུ། །བྱུང་བའི
iiif viewer powered by OpenSeadragon
