| e-texts navigator |
| Wylie |
49a1 གཉིས་རྫོགས་པའི་རྣལ་འབྱོར་པ། །རྣལ་འབྱོར་ངེས་པའི་ས་པ་ཡིན། །ངེས་པའི་ས་ལ་བགྲོད་པ་ནི། །རྡོ་རྗེ་དུས་ཀྱི་རྒྱུན་ཚོགས་ཀྱིས། །ཚོགས་ཆེན་རྣམ་གཉིས་བསྐྲུན་པར་བྱ། །སྐར་ཚོགས་དབུས་ན་ཟླ་ཉ་བ། །བཅུ་དྲུག་ཞག་གིས་རྫོགས་པ
49a2 བཞིན། །བཅུ་གསུམ་རྩལ་ཆེན་རྫོགས་པའི་ས། །བཅུ་དྲུག་ཚོགས་ཀྱིས་རྫོགས་པས་ནི། །མཛེས་པའི་ཉི་མ་བཅུ་དྲུག་གིས། །ཟླ་དཀྱིལ་འོད་ཀྱི་ཕྱག་རྒྱལ། །མཛེས་པར་སྤྲས་པའི་བདེ་བ་དེ། །བཅུ་དྲུག་ཚོགས་ཀྱིས་བསོད་ནམས་བསྐྲུན། །ཕྱེད་རྫོགས
49a3 ཚོགས་འཕེལ་དེ་ཕན་ཆད། །མི་དམིགས་ཆོས་ལ་བློ་སྦྱངས་ཡིན། །ཇེ་ཞི་ཇེ་ཞི་མི་དམིགས་པ། །མཚན་མ་ཤེས་བྱ་བསྲབས་པ་སྟེ། །བསོད་ནམས་ཚོགས་ཀྱང་མི་དམིགས་པ། །མཉམ་པས་སྟོང་པར་གྱུར་པ་ན། །ཐམས་ཅད་ཆོས་སྐུར་རྫོགས་པ་སྟེ། །
49a4 སྡུག་བསྔལ་བྱང་ཆུབ་གཉིས་མེད་དེ། །འདི་ལ་རྨད་འབྱུང་སེམས་བསྐྱེད་དེ། །ཟླ་བ་དུས་ཀྱིས་མཚན་མ་དང་། །གསང་བ་གཉིས་ཀྱིས་མཆོད་པ་བྱ། །ཕྲ་མོའི་དྲོད་དུ་བྱུང་བ་དང་། །སྨྱུར་ཏེ་རང་ལས་བྱུང་རྣམས་ལ། །རྩ་བ་གཅད་ཕྱིར་ཡོངས་རྫོགས་པས། །ཐེ
49a5 ཚོམ་མེད་པར་དང་བླངས་ནས། །དུས་དེ་ཉིད་དུ་ཉི་མ་འཆར། །དུས་འདི་རྒྱུན་གྱི་བར་བཅད་ན། །བསྙེན་པ་དག་གིས་བཟློག་པར་དཀའ། །བར་ཆད་བྱུང་ན་གསོ་ཞིང་བསྐང་། །མཁའ་ལ་ཟླ་གསལ་གྲ་རྒྱས་ན། །ས་ལ་རྣལ་འབྱོར་གྲར་རྒྱས་པས། །བསོད་ནམས
49a6 སྤེལ་བ་ཆེན་པོ་དང་། །བསྔོ་བ་ཆེན་པོའི་ལས་རྣམས་བྱ། །དེས་ན་འབྲས་བུ་ཆེན་པོ་ཡང་། །ཉི་ཟླ་ཞོན་ནས་འགྲོ་བ་ཡི། །རིག་འཛིན་ས་ལ་སླེབས་ཕན་ཆད། །དཔལ་ཆེན་བཅུ་དྲུག་ས་ལ་འགྲུབ། །ཅེས་བཀའ་སྩལ་ཏོ། །དེ་ནས་ཡང་སེམས་དཔའི་རྡོ་རྗེ་དེ་རྒྱུན་དུ
49a7 གནས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་བཞེངས་པ་དང་། འདུས་པའི་ཚོགས་ཀྱིས་གསོལ་པ། བཅོམ་ལྡན་འདས་ཆོས་ཐམས་ཅད་ནི་ཡི་གེ་རྒྱུན་གྱི་དཀྱིལ་འཁོར་དུ་གནས་པར་མཐོང་ངོ་། །བཅོམ་ལྡན་འདས་ཀྱིས་བཀའ་སྩལ་པ། ཆོས
iiif viewer powered by OpenSeadragon
