| e-texts navigator |
| Wylie |
48a1 ཀྱིས་གསོལ་པ། བཅོམ་ལྡན་འདས་རྡོ་རྗེ་དྲ་བ་ཆེན་པོའི་ཚོགས་བདག་ཅག་རྣམས་ལ་རྒྱ་ཆེར་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། འདུས་པ་ཆེན་པོའི་རྣལ་འབྱོར་པ། །རྡོ་རྗེ་ཆེན་པོ་རིག་པའི་དོན། །དྲ་བ་འབྲེལ་བའི་དབྱིངས
48a2 ཉིད་ནི། །ངེས་པར་བཤད་ཀྱིས་རྩེ་གཅིག་ཉོན། །ཐུགས་ཀྱི་གསང་ཆེན་རིག་པ་འདི། །ངེས་པའི་རྡོ་རྗེ་ཡིན་པས་ན། །རྡོ་རྗེ་དབང་ཡུལ་འབྲེལ་པའི་དོན། །ཐམས་ཅད་འབྱུང་བས་དབྱིངས་ཤེས་བྱའོ། །རྡོ་རྗེ་འཛིན་མ་འཛིན་སོགས་བཅས། །འཁྲིལ་མཉམ་པ་ཡང་དེ
48a3 བཞིན་ཏེ། །གཟུགས་བརྙན་ཏིང་འཛིན་རང་བཞིན་གནས། །རིམ་པའི་ཚུལ་བཞིན་སྦྱར་བྱས་ནས། །ཇི་ལྟར་འདོད་པ་དེ་ལྟར་རོ། །ཞེས་བཀའ་སྩལ་ཏོ། །དེ་ནས་ཡང་བཅོམ་ལྡན་འདས་སེམས་དཔའི་རྡོ་རྗེ་དེ་ཐམས་ཅད་དུས་བཞི་མཉམ་པ་ཞེས་བྱ་བའི་ཏིང་ངེ་འཛིན་ལ
48a4 སྙོམས་པར་ཞུགས་སོ། །དེ་ནས་ཏིང་ངེ་འཛིན་དེ་ལས་བཞེངས་པར་གྱུར་པ་དང་། འདུས་པ་ཆེན་པོའི་ཚོགས་ཀྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་རྣམས་ཀྱིས་ཆོས་ཐམས་ཅད་ནི་དུས་བཞི་མཉམ་པ་ཉིད་དུ་གཅིག་པར་མཐོང་ངོ་ཞེས་གསོལ
48a5 པ་དང་། བཅོམ་ལྡན་འདས་ཀྱིས་བཀའ་སྩལ་པ། འདུས་པ་ཆེན་པོའི་ཚོགས་ཆོས་ཐམས་ཅད་ནི་དུས་བཞི་མཉམ་པར་རྟོགས་པ་ཡིན་ཏེ། །ཆོས་ཐམས་ཅད་ནི་དུས་བཞིའི་ངང་དུ་རྫོགས་པར་ཤེས་པར་གྱིས་ཤིག་།དེ་ཅིའི་ཕྱིར་ཞེ་ན། མཉམ་པ་ཉིད་ཀྱི་ངང་ལ
48a6 དུས་སྔ་ཕྱིར་སྣང་བ་མེད་དོ། །དེ་ནས་འདུས་པའི་ཚོགས་རྣམས་ཀྱིས་གསོལ་པ། བཅོམ་ལྡན་འདས་མཉམ་པ་ཆེན་པོའི་དུས་ཉིད་བདག་ཅག་རྣམས་ལ་རྒྱ་ཆེར་བཤད་དུ་གསོལ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། འདུས
48a7 པ་ཆེན་པོ་ཡི་ནི་ཚོགས། །མཉམ་པ་ཉིད་ཀྱི་དུས་རིག་ན། །དུས་ཞེས་བྱ་བའི་མིང་ཡང་མེད། །དུས་བཞི་མཉམ་པར་རབ་ཤེས་ན། །ཆོས་ཉིད་མཉམ་པའི་རང་བཞིན་ནོ། །རྡོ་རྗེ་དུས་ཀྱི་ལྷ་མོའི་ཚོགས། །འདས་དང་ད་ལྟར་བྱུང་བ་དང་། །མི་འབྱུང་བ་ཡི་ཆ་རྣམས
iiif viewer powered by OpenSeadragon
