| e-texts navigator |
| Wylie |
47b1 ལ། །རྡོ་རྗེ་གསང་བའི་བཀའ་འདི་བསྒྲགས། །གསང་བའི་དཀྱིལ་འཁོར་དམ་པ་འདི། །རྡོ་རྗེ་རྒྱལ་པོ་རྒྱལ་མོར་བཅས། །ལྔ་ཉིད་ཟུང་དུ་འཁྲིལ་བ་ནི། །གཡས་ནས་གཡོན་དུ་འཁྲིལ་འཁྱུད་སྦྱོར། །གཡས་ཉིད་བྱང་ཆུབ་རྡོ་རྗེ་དང་། །རང་རང་མཚན་མ་འབར
47b2 བའོ། །གཡོན་གྱི་སྒྲ་སྙན་དྲིལ་བུ་དང་། །རྟགས་ཀྱིས་མཛེས་པར་གསལ་བ་ལ། །འབྱོ་ཞིང་འདུད་པའི་མདངས་ལྡན་པས། །ཆགས་ཤིང་གཡོ་བའི་ཚུལ་གྱིས་ནི། །སེང་ཆེན་ཁྱུ་མཆོག་ལ་སོགས་པ། །རྫོགས་པའི་ཚུལ་གྱིས་བསྒྱིངས་བཅས་ཏེ། །ཁ་དོག
47b3 ལྔ་ཡི་འོད་འབར་བས། །བཅུ་དྲུག་ཆས་ནི་སྒེག་པ་རྣམས། །རིམ་གྱིས་བསྐྱེད་དང་ཅིག་ཅར་བསྐྱེད། །དབང་པོའི་རིམ་པར་སྦྱར་བར་བྱ། །གསང་ཉིད་ཚོགས་ཀྱི་འཁོར་རྣམས་ཀྱང་། །གནས་ནས་གྱུར་པའི་རང་བཞིན་གྱིས། །ཕྱག་རྒྱ་རྒྱལ་པོ་རྒྱལ་མོར་བཅས། །
47b4 བརྒྱད་གཉིས་ཟུང་སྒྲིལ་འཁྲིལ་འཁྱུད་སྦྱོར། །ས་དང་ནམ་མཁའ་སྤྱན་རྡོ་རྗེ། །བྱམས་དང་རྡོ་རྗེ་ཀུན་བཟང་དཔལ། །ནང་དང་ཕྱི་ཡི་ཡོ་བྱད་ནི། །གཞི་གཉིས་དག་གིས་མཉེས་སྦྱོར་བ། །བསམ་བྱ་ལ་སོགས་དེ་བཞིན་ནོ། །རྡོ་རྗེ་སྒོ་དང་བཅས་པ་ནི། །རྡོ་རྗེ
47b5 འཁྲིལ་འཁྱུད་གསང་བའི་ཚོགས། །རྣལ་འབྱོར་ལོངས་སྤྱོད་ཆེ་སྦྱར་བས། །མཉེས་ནས་སྐོངས་ཕྱིར་རིམ་བཞིན་དབུལ། །གསང་བའི་འཇུག་ཚུལ་ལ་སོགས་ཀྱིས། །གསང་བའི་དོན་རྣམས་སྒྲུབ་པར་བྱེད། །ཅེས་བཀའ་སྩལ་ཏོ། །དེ་ནས་བཅོམ་ལྡན
47b6 འདས་སེམས་དཔའ་རྡོ་རྗེ་དེ་རྡོ་རྗེ་ཀུན་དུ་འབྲེལ་པའི་དབྱིངས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ནས་བཅོམ་ལྡན་འདས་ལ་འདུས་པའི་འཁོར་གྱིས་འདི་སྐད་ཅེས་གསོལ་ཏོ། །ཆོས་ཐམས་ཅད་ཀྱི་རང་བཞིན་ནི་རྡོ་རྗེ་དྲ་བའི་དབྱིངས་སུ་བདག་ཅག
47b7 རྣམས་ཀྱིས་མཐོང་ངོ་། །བཅོམ་ལྡན་འདས་ཀྱིས་བཀའ་སྩལ་པ། འདུས་པ་ཆེན་པོའི་ཚོགས་དྲ་བའི་དབྱིངས་སུ་ཤེས་པར་གྱིས་ཤིག་།ཆོས་ཐམས་ཅད་ནི་ཐུགས་ཀྱི་རིག་པ་ལས་བྱུང་ལ་ཐུགས་ཀྱི་རང་བཞིན་ནི་རྡོ་རྗེ་ཁོ་ན་ཡིན་པའི་ཕྱིར་རོ། །འདུས་པའི་ཚོགས
iiif viewer powered by OpenSeadragon
