| e-texts navigator |
| Wylie |
46b1 ཡིས། །འཇུག་ཚུལ་དབང་དང་དངོས་གྲུབ་སྩོལ། །རྡོ་རྗེ་ཐ་ཚིག་རྣམ་ལྔ་ཡིས། །བསླབ་པའི་གཉེར་རྣམས་ཅི་རིགས་པར། །རྩལ་གྱི་རིམ་པར་བྱིན་ནས་ནི། །རྡོ་རྗེ་གལ་ཆེན་མནའ་འདོར་རོ། །དེ་ནས་སྒྲུབ་པ་ཆེ་ཆུང་རྣམས། །ཇི་ལྟར་འདོད་པས་ནན་ཏན་གྱིས། །རྡོ
46b2 རྗེ་རྣལ་འབྱོར་བཀར་བྱའོ། །མི་ནུས་ལ་སོགས་མི་གནང་བའི། །དམ་ཚིག་དག་གིས་ནན་ཆགས་བྱ། །རྨོངས་པ་གསང་ཕྱིར་སེམས་བསྐྱེད་དེ། །ངོ་མཚར་ཚིག་གི་འདུ་ཤེས་བསྒྱུར། །ཤེས་ནས་མིག་ལ་ཤེས་བྱའི་ཡུལ། །ཐམས་ཅད་རིམ་གྱིས་བསྟན་པར་བྱ། །
46b3 དྲོད་ཅན་འཁྱིལ་བའི་བློ་ལྡན་ལ། །རྣལ་འབྱོར་ན་སྤར་མཛོད་སྒོ་དབྱེ། །རྩིང་པོ་འགྲོས་ཀྱིས་དམུ་རྒོད་ལ། །གཅན་འཕྲང་འཁོར་བའི་གཡེང་རྣམས་བསྟན། །རྡོ་རྗེ་ལུང་གི་ཚད་ཅན་ལ། །ཇི་ལྟར་ནུས་པ་དེ་དབང་བསྐུར། །བཙལ་མེད་མི་ནུས་ཡུལ་ཅན་ལ། །ཕན་པ་འབའ
46b4 ཞིག་བསྔགས་པ་ཡིན། །གནས་འདིར་ཡོད་དང་མེད་པ་དང་། །འོད་མི་བསུབ་ཅིང་ལྗིད་མི་དབབ། །རྡོ་རྗེ་བློ་ཡི་ཡུལ་ཅན་ལ། །རྩལ་ཆེན་སྦྱོངས་ཞེས་གདམས་པར་བྱ། །རྡོ་རྗེ་འདུས་པའི་དབང་གྲལ་དུ། །རྡོ་རྗེ་དོན་གྱི་ལྟང་ཆེན་བཤེར། །རྩལ་དང་རིམ་པ་ཁྱད་པར་དབྱེ། །
46b5 སོ་སོ་རིགས་ཀྱི་ཕྱག་རྒྱ་དག་།སྤྱི་འམ་ཡང་ན་རེ་རེའོ། །དེ་ནས་སྨྲ་བའི་སེང་གེ་དེ་ཤེས་རབ་གཟུངས་ཀྱི་ཚོགས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །ཏིང་ངེ་འཛིན་དེ་ལས་བཞེངས་པ་དང་། འདུས་པའི་ཚོགས་རྣམས་ཀྱིས་འདི་སྐད་ཅེས་གསོལ་ཏོ། །
46b6 ཆོས་ཐམས་ཅད་ཀྱི་རང་བཞིན་ནི་ཤེས་རབ་ཚོགས་ཀྱི་དཀྱིལ་འཁོར་དུ་གདའ་བར་བདག་ཅག་རྣམས་ཀྱིས་མཐོང་ངོ་། །དེ་སྐད་ཅེས་གསོལ་པ་དང་། སེམས་དཔའ་ཆེན་པོས་བཀའ་སྩལ་པ། འདུས་པ་ཆེན་པོའི་ཚོགས་ཆོས་ཐམས་ཅད་ནི་ཤེས་རབ་ཚོགས་ཀྱི་དཀྱིལ
46b7 འཁོར་དུ་སངས་རྒྱས་པར་ཤེས་པར་གྱིས་ཤིག་། དེ་ཅིའི་ཕྱིར་ཞེ་ན། ཆོས་ཐམས་ཅད་ཤེས་རབ་ཀྱི་རང་བཞིན་ལས་བྱུང་ཞིང་ཤེས་རབ་ཀྱི་རང་བཞིན་དུ་གསལ་ལོ། །དེ་ནས་འདུས་པའི་ཚོགས་ཀྱིས་གསོལ་པ། སེམས་དཔའ་ཆེན་པོ་ཤེས་རབ་གཟུངས་ཀྱི་རང་བཞིན
iiif viewer powered by OpenSeadragon
