| e-texts navigator |
| Wylie |
46a1 སུས་མི་རིག་པའི་ཐབས་ཆེན་བྱ། །དེ་དག་གསང་བའི་བདག་པོ་ཡིན། །གནས་འདིར་འཇུག་པའི་བྱིས་པ་དག་།འཇིག་རྟེན་རྡུལ་ལས་དྲངས་ནས་ཀྱང་། །འགྱུར་དབང་མ་ངེས་སར་གཞག་སྟེ། །ཅི་ཕྱིར་དང་པོ་ཡིན་པས་ན། །བྱིས་པ་བློ་ཤེད
46a2 མ་བྱེ་བས། །བཟང་ངན་བདེ་སྡུག་མི་ཤེས་ཤིང་། །བསྟན་དང་གསང་བའི་དམིགས་མི་ཕྱེད། །རྣལ་འབྱོར་སྤྱོད་པའི་བཀའ་སྒོ་འདིར། །གསང་སྒོ་མི་དབྱེ་སྐྲག་པར་འགྱུར། །རང་བཞིན་ངང་ཚུལ་མ་རྟོགས་པའི། །སོ་སོའི་སྐྱེ་བོ་བྱིས་པ་ལས། །སྣོད་མེད་སྣོད
46a3 བྱས་བདུད་ཉིད་ཀྱིས། །རྣལ་འབྱོར་འཚེ་བའི་སྲོག་གཅོད་ཅིང་། །མ་ངེས་ལྡོག་འཇུག་བཅས་པ་ཡིས། །གསང་འདི་བཅས་དཀར་འགྱུར་ཕྱིར་རོ། །དེས་ན་འདི་ཡི་སྤྱོད་པ་ཡང་། །ཇི་ལྟར་འཚམ་པར་བདེ་ཐབས་སྦྱར། །དེ་ནས་སྨྲ་བའི་སེང་གེ་དེ་ཐབས་ཀྱི་རྡོ་རྗེ་ཚོགས
46a4 ཀྱི་ཏིང་ངེ་འཛིན་ལ་སྙོམས་པར་ཞུགས་ཏེ། །རྣལ་འབྱོར་མ་ཆེན་མོ་རྣམས་མི་སྣང་བར་གྱུར་ཏོ། །དེ་ནས་འདུས་པའི་ཚོགས་ཀྱིས་གསོལ་པ། །སྨྲ་བའི་སེང་གེ་ཆེན་པོ་ཆོས་ཐམས་ཅད་ཀྱི་རང་བཞིན་ནི་ཐབས་ཀྱི་ཕྱག་རྒྱའི་རང་བཞིན་དུ་བདག་ཅག་རྣམས་ཀྱིས་མཐོང་ངོ་། །
46a5 སེམས་དཔས་བཀའ་སྩལ་པ། འདུས་པ་ཆེན་པོའི་ཚོགས་འདི་དག་ནི་བརྒྱུད་དེ་སྦས་པའི་ཚོགས་ཡིན་པར་ཤེས་པར་བྱའོ། །རྡོ་རྗེ་རྣལ་འབྱོར་ཚོགས་ལྡན་ལྷ། །ཐབས་ཆེན་ཕྱག་རྒྱ་སྦས་ཚོགས་ལྔ། །རྡོ་རྗེ་འཛིན་སོགས་བཅུ་དྲུག་དང་། །བཅས་པའི་དཀྱིལ
46a6 འཁོར་རྡོ་རྗེ་ཅན། །བྲི་བྱ་ཡང་ན་བསམ་པའམ། །བརྗོད་དམ་བསྔོས་སམ་མཚན་མ་ལ། །འཇིག་རྟེན་དབང་པོའི་ཆོས་ལུགས་ཀྱིས། །མོས་པ་ལ་བསྐྱེད་དྲན་བྱས་ཏེ། །རང་བཞིན་ཡུལ་ནས་ཕབ་ནས་ནི། །ཕྱག་བྱ་ལ་སོགས་མཆོད་པ་ཡིས། །རྡོ་རྗེ་སྨན་དང་རྩིར
46a7 སྦྱར་བའི། །ཡོ་བྱད་ཆེན་པོ་ལ་སོགས་པས། །རྡོ་རྗེ་ཐབས་ཀྱི་ཚོགས་ལ་དབུལ། །རྡོ་རྗེ་རྣལ་འབྱོར་གླུ་བླངས་ཏེ། །མཉེས་བྱས་ལས་གྲུབ་གྲངས་རྫོགས་ནས། །མཆོད་དང་དམ་སྐོངས་འདོད་པ་བྱ། །སྣོད་དུ་རུང་བའི་སློབ་མ་དག་།དཔའ་མཁྱེན་ལ་སོགས་བྱ་བ
iiif viewer powered by OpenSeadragon
