| e-texts navigator |
| Wylie |
42b1 བཞིན། །བཀའ་ཆད་ཆེན་པོ་འབབ་པའི་གནས། །བརྩམ་པ་ལས་ལ་སྦྱོར་བའི་ཚེ། །འབད་པའི་རྩལ་ཤུགས་ཆུང་བ་ཡིས། །དོན་རྣམས་གྲུབ་པ་མ་ཡིན་ཏེ། །འབྲས་བུར་མི་འགྱུར་འཕྲོག་པའི་དགྲ། །རྣལ་འབྱོར་ཆེན་པོར་སྤྱོད་པ་ལ། །འདོད་པའི་ནོར་མཆོག་འཕྲོག
42b2 པའི་དགྲ། །ཐབས་ལ་མཁས་པའི་སྐྱེས་བུ་ཡིས། །སྐྱོན་གྱི་དགྲ་བཞི་སྤང་བར་བྱ། །སྲིད་གསུམ་བསྒྲལ་བའི་ཞིང་འདི་དག་།སངས་རྒྱས་ཞིང་དུ་རྟོགས་པ་ནི། །ས་རྣམས་ཅིག་ཅར་སྦྱངས་པ་སྟེ། །ཞིང་རྣམས་དག་པའི་མཆོག་ཡིན་ནོ། །ཁམས་གསུམ་མཆོད་པའི་རྒྱུ་འདི
42b3 དག་། ཡོ་བྱད་ཆེན་པོའི་མཆོག་ཡིན་ཏེ། །རྒྱལ་བ་ཐམས་ཅད་མཉེས་པའི་རྒྱུ། །རྨད་དུ་བྱུང་བའི་མཆོད་པའོ། །འཁོར་བ་དུར་ཁྲོད་གནས་འདི་དག་།བདེ་བ་ཆེན་པོའི་གནས་ཡིན་ཏེ། །མ་ནོར་མ་བཅོས་ཆོས་ཀྱི་དབྱིངས། །བཙལ་མེད་ལྷུན་གྱིས་གྲུབ་པ་ལ། །དུག་ལྔ
42b4 རྒྱུ་བའི་རྩ་བ་དག་། ཡེ་ཤེས་ལྔ་ཡི་རྩ་བ་སྟེ། །ཀུན་ཤེས་ཀུན་རིག་གསལ་བའོ། །རང་རིག་ཡེ་ཤེས་རང་ལས་བྱུང་། །རྣལ་འབྱོར་ཆོས་མིག་ལྡན་པ་ཡིས། །ངེས་པའི་དོན་དུ་འདི་ལྟར་བལྟའོ། །འདི་ནི་རྒྱུན་གྱི་དམ་ཚིག་སྟེ། །བརྗོད་དུ་མེད་པ་བསྲུང་བའོ། །བསྲུང
42b5 བ་ཐུབ་པར་བྱ་བ་ལ། །དམ་ཚིག་རྩལ་གྱི་ཁྱད་པར་ནི། །གང་དག་རིག་པ་འཛིན་པ་ཡི། །བློ་ལ་ངེས་པའི་ལུང་དུ་བསྟན། །འདོད་པས་ཆགས་དང་འཇོམས་པ་དང་། །གཏི་མུག་ང་རྒྱལ་ཕྲག་དོག་རྣམས། །རྣལ་འབྱོར་ཆེན་པོའི་དམ་ཚིག་སྟེ། །དོན་དང་ལྡན་པའི་སྐྱེས་བུས
42b6 སྤྱད། །སྦྱོར་དང་སྒྲོལ་བར་བྱེད་པ་དང་། །མ་བྱིན་ལེན་དང་ངག་སྤྲུལ་བྱེད། །རྣལ་འབྱོར་དམ་ཚིག་སྤྱོད་པའི་མཆོག་།སྤྱད་པར་བྱ་བའི་ལས་ཡིན་ནོ། །རྒྱལ་བ་སེམས་ཅན་ཐམས་ཅད་དང་། །དངོས་པོར་བརྟགས་པ་ཐམས་ཅད་ཀྱང་། །དོན་གྱི་ངང་དུ་གཅིག་པ་སྟེ། །དེ་ཉིད
42b7 སྐུ་གསུང་ཐུགས་ཀྱི་བདག་། མཚན་མའི་ཆོས་རྣམས་ཐམས་ཅད་ནི། །མཉམ་པ་ཆེན་པོའི་ངང་དུ་གསལ། །ཐེག་པ་འོག་མའི་ཁྱད་པར་རྣམས། །ཀུན་ཀྱང་རང་རིག་བློ་ལ་གསལ། །ཡོན་ཏན་ཅི་འབྱུང་མི་བརྗོད་ཅིང་། །འོག་མ་རྣམས་ལ་མི་སྨོད་ཅིང་། །ཐམས་ཅད
iiif viewer powered by OpenSeadragon
