| e-texts navigator |
| Wylie |
42a1 ཆད་བྱེད་པའི་དགྲ། །ཉོན་མོངས་འཐིབས་པ་དེ་གཞོམ་བྱ། །སྙོམ་ལས་ལེ་ལོའི་དཔུང་བསྐྱེད་པ། །ཐུག་ཐུ་བར་ཆོད་ང་རྒྱལ་གཞི། །དྲེགས་བྱེད་དབང་པོ་མྱོས་པའི་བཅུད། །དཔའ་བྱེད་རྐྱེན་ཡང་བསྡམ་པར་བྱ། །རྡོ་རྗེ་གསང་ཚིག་མ་གཏོགས
42a2 པ། །འདྲེས་པ་གང་ཟག་བྱིས་པའི་ཚིག་།ཟུར་ཡང་བརྗོད་པར་མི་བྱ་ཞིང་། །ཐམས་ཅད་རྡོ་རྗེ་གསང་བས་བྱའོ། །ཇི་ལྟར་གསོད་པའི་མི་རྣམས་དག་།གཤེད་མའི་མིས་ནི་གསོད་པའི་ཚེ། །ཐར་པའི་ཐབས་ལ་བརྩོན་པ་བཞིན། །ལེ་ལོའི་དགྲ་བཅོམ་བརྩོན
42a3 པར་འབད། །རྣལ་འབྱོར་སྒྲིབ་པའི་གེགས་བསལ་བ། །དཀའ་ཐུབ་སྡོམ་པའི་མདུད་པ་ཅན། །འདོད་དང་ལོངས་སྤྱོད་མི་མཐུན་དང་། །སྤྱི་མཐུན་ནང་དུ་མི་གཅིག་པ། །ཕྱི་ནང་ཅན་དང་གནོད་བྱེད་དང་། །འདོད་མྱོས་བྱིང་རྨུགས་བརྐམ་པ་དང་། །དད་མེད་རྩ་ཉམས་འཕྱར
42a4 གཡེང་ཅན། །མཁས་པས་བསྒྲིམས་ཏེ་སྤང་བར་བྱའོ། །དེ་ནི་རྣལ་འབྱོར་གེགས་ཡིན་ཏེ། །དངོས་གྲུབ་ཆུ་བོ་གཅོད་པར་བྱེད། །རྣལ་འབྱོར་ངེས་པར་སྤྱོད་པ་ལ། །བར་དུ་གཅོད་པའི་བདུད་ལྔ་འབྱུང་། །རྣམ་རྟོག་འཕྲིག་པའི་བདུད་ཉིད་དང་། །དེ་བཞིན་བཏང་སྙོམས
42a5 ལེ་ལོའི་བདུད། །ལོངས་སྤྱོད་འདུ་འཛི་གཡེང་བའི་བདུད། །ཚིག་རྩུབ་མཚོན་ཆ་རྣོན་པོའི་བདུད། །ཁྲོ་གཏུམ་ངང་ཐུང་འཁྲུག་པའི་བདུད། །རྣལ་འབྱོར་སྤྱོད་པའི་བདུད་ལྔ་པོ། །ཡང་དག་དོན་ལ་སྒྲིབ་པ་སྟེ། །གཉེན་པོ་བྱང་ཆུབ་སེམས་མཆོག་གིས། །ཞི་བ་ཆེན་པོའི
42a6 དང་དུ་བཟློག་། རྣལ་འབྱོར་སྤྱོད་པའི་དགྲ་བཞི་པོ། །ཐབས་ལ་མཁས་པས་གདུལ་བར་བྱ། །རྡོ་རྗེ་བརྣག་པ་གསང་འཕེལ་བས། །ངག་གི་དབང་པོ་ཉམས་འགྱུར་ཏེ། །ཁ་ན་མ་ཐོས་ཕོག་པར་འགྱུར། །དེ་དག་བཅས་ཀར་འགྱུར་བའི་དགྲ། །ལྟ་དམན
42a7 སྤྱོད་རྩིང་འཆོལ་བ་ཡིས། །བཀའ་ཡི་གཞུང་བོར་ལོག་པར་སྤྱད། །ནོར་བས་བར་ཆད་འབྱུང་བའི་དགྲ། །དམ་གཙོར་སྤྱོད་པའི་ལས་རྣམས་ཡིན། །འདའ་དཀའ་རྡོ་རྗེ་མཆོག་གསུམ་པོ། །བཏང་སྙོམས་ཕྱལ་བར་ཤོར་བ་ནི། །རྩ་བ་རུལ་པའི་ལྗོན་ཤིང
iiif viewer powered by OpenSeadragon
