| e-texts navigator |
| Wylie |
41b1 བསྲུང་བའི་ཕྱིར། །སྤྱི་དང་ཁྱད་པར་དམ་ཚིག་རྣམས། །ངེས་པའི་དོན་གྱིས་བསྲུང་བྱས་ན། །དེ་ནི་དབྱིག་གི་སྣོད་ཆེན་ཡིན། །དེ་ལྟར་སྤྱི་ཡི་སྡོམ་པ་ལ། །གནས་ནས་དུས་ཀྱི་སྐབས་འདི་རུ། །བསྲུང་བྱ་ཐུབ་པར་བྱ་བ་ནི། །མི་ཤིགས་པ་ནི་སེང་གེ་སྟེ། །གཅན
41b2 གཟན་རྒྱལ་པོ་ཡིན་པས་སོ། །ཟ་མ་ཏོག་ནི་འདོད་པའི་གཏེར། །དུག་སྤྱོ་བ་ནི་དེར་མི་རིགས། །རིག་ཆེན་མྱུ་གུའི་ལྕུག་ཕྲན་དག་།དེ་ནི་བྲེག་པའི་རིགས་མ་ཡིན། །གངས་ཀྱི་ཞུན་ཆུ་ཁོལ་མ་དག་།མཁས་པས་བཏུང་བར་བྱ་བ་མིན། །པདྨའི་ཟེའུ་འབྲུ་ཁ་མ
41b3 བྱེ། །ཟླ་ཟེར་མ་ཡིན་ཁ་མི་དབྱེ། །མ་བརྟགས་བུག་རྡོལ་ཅན་གྱི་སྣོད། །ཁ་མི་དབྱེ་ཞིང་བཅུད་མི་བླུགས། །དོན་དང་མི་ལྡན་བཅོས་མའི་རྟགས། །བསྲེལ་ཞིང་སྤྱད་པར་བྱ་བ་མིན། །ཤེལ་དཀར་རིན་ཆེན་སྒོ་ང་དག་།འདམ་རྫབ་ཁུང་དུ་བསྲུབ་མི་བྱ། །སེང་གེ
41b4 དཀར་མོའི་འོ་མ་དག་། དུག་ཅན་སྣོད་དུ་བླུགས་པ་མིན། །ཡིད་བཞིན་ནོར་བུ་རིན་པོ་ཆེ། །བསྲེག་པར་བྱ་བ་ཡོད་མ་ཡིན། །ཁྱུང་ཆེན་གཤོག་པ་མཁར་བརྐྱང་བ། །དེ་དག་གཅག་པར་བྱ་བ་མིན། །གནམ་ལྕགས་མེ་ཡི་ངུར་མོ་དག་།བརྡབ་པར་བྱ་བ་མ་ཡིན་ནོ། །
41b5 སྟག་གཟིག་འདྲོལ་བས་ལས་བྱས་པའི། །ལས་ཀྱི་ལྷག་མ་བསྡུ་མི་བྱ། །རྡོ་རྗེ་བྲག་ཆེན་གཏམས་པའི་གཞི། །དེ་དག་གཞིག་པར་བྱ་བ་མིན། །རྡོ་རྗེ་ར་བའི་གོ་ཚགས་ནི། །བསྔམ་བྱ་བྲལ་བར་བྱ་བ་མིན། །བུད་ཤིང་སྲེག་པའི་སྒྲོན་མ་དག་།གཡེང་བའི་རླུང་གིས
41b6 བསྐྱོད་མི་བྱ། །རྡོ་རྗེ་ཚིག་གི་ཆུ་རྒྱུན་དག་།འོལ་ཀར་གཅད་པར་བྱ་བ་མིན། །རྒྱལ་པོ་བཀའ་རྟགས་ཕྱག་རྒྱ་དག་།ནམ་ཞར་དབྱི་བར་མི་བྱའོ། །རྡོ་རྗེ་ཕ་ལམ་གཏམས་པའི་མཁར། །རྨང་ནས་བཟློག་པར་མི་བྱའོ། །གཙུག་གི་ནོར་བུ་འབར་བ་དག་།རྒྱལ
41b7 མཚན་རྩེ་ལས་དཔོག་མི་བྱ། །རྣལ་འབྱོར་ལས་ཀྱི་ཁྱད་པར་ཅན། །སྐལ་ཅན་རྣམས་ཀྱི་དམ་ཚིག་སྟེ། །སྐལ་བར་ལྡན་པའི་ནོར་མཆོག་ཡིན། །རྒྱུན་དུ་སྤྱད་པའི་ནོར་མཆོག་ནི། །རྡོ་རྗེ་ལས་ཀྱི་ཐུན་ཚགས་དག་།རྡོ་རྗེ་གོ་ཕུར་ཏྲོམ་ཆེན་གྱིས། །སྲོག་ལ་བར
iiif viewer powered by OpenSeadragon
