| e-texts navigator |
| Wylie |
40b1 སུ་འགྱུར། །བཀའ་ཡི་ཆད་པ་གང་ཡིན་པ། །ཡེ་ཤེས་ཅན་ལྟ་རང་བཞིན་གྱིས། །ནམས་ཀྱང་གནོད་པ་ཡོང་མི་མཛད། །དེ་ཡི་འཁོར་ན་གནས་པ་ཡི། །གང་དག་མ་རུངས་མཐུ་ཆེན་རྣམས། །རྣལ་འབྱོར་ལོག་པར་སྤྱོད་རྣམས་ཀྱི། །སྐྱོན་མཐོང་ཙམ་ན་ཆད
40b2 པས་གཅོད། །ཐམས་ཅད་ངན་འགྲོར་སྤྱིའུ་ཚུགས་ལྟུང་། །སྒྲུབ་པའི་སྣོད་མཆོག་གཅིག་ཡོད་དེ། །འདི་དང་མི་མཐུན་ཀུན་རྫོགས་པའི། །རྒྱུད་མཉན་དོན་ལྡན་ངང་ཚུལ་བཟང་། །ཅི་ལ་ཆགས་མེད་གཏོང་ལྡན་སེམས། །ཤེས་རབ་རྣམ་གྲོལ་ལྡེ་མིག་གིས། །
40b3 གཏི་མུག་ཐ་རམ་བློ་ཕྱེ་ནས། །ཆོས་ཀྱི་སྙིང་པོའི་མིག་ལྡན་པས། །རྟག་ཆད་ཕྲད་མཐོང་དབུ་མའི་ཡུལ། །མ་ནོར་ལམ་དུ་འཇུག་ཤེས་པས། །སྡོང་པོ་སྡོང་ཆེན་རབ་དུལ་བའོ། །ཐ་ཚིག་ལུང་ལས་བྱུང་བ་བཞིན། །གཞུང་སྲོང་ཐུབ་པར་བྱེད་པ་དེ། །རྒྱལ་བའི
40b4 སྲས་པོ་ཡིན་པས་ན། །དེ་ལ་གསང་སྒོ་དབྱེ་བར་བྱ། །ཇི་ལྟར་དམ་ཚིག་ཐུབ་པ་ལྟར། །དེ་བཞིན་ཡིད་བཞིན་ནོར་བུ་སྟེ། །ཡིད་འོང་འདོད་དང་བདེ་བ་འབྱུང་། །རིགས་འཛིན་རྒྱལ་བ་ཀུན་ཡུམ་མོ། །དེ་བཞིན་དམ་ཚིག་ཐུབ་པ་ལྟར། །གནས་པར་བྱེད་པའི་རྟེན
40b5 ཡང་ཡིན། །དམ་ཚིག་ཀུན་གྱི་སྲོག་ཡིན་ཏེ། །དམ་ཚིག་ཀུན་གྱི་ནོར་མཆོག་གོ། །དམ་ཚིག་འདི་ནི་འཇིགས་པའི་སྐྱབས། །དམ་ཚིག་བགྲོད་པ་ལམ་གྱི་མཆོག་།དམ་ཚིག་ཆུ་བོ་སྒྲོལ་བའི་གྲུ། །དམ་ཚིག་དངོས་གྲུབ་དམ་པ་ཡིན། །དམ་ཚིག་གྲོགས་ཀྱི་མཆོག་ཡིན
40b6 ཏེ། །དམ་ཚིག་ལོང་བའི་མིག་བུ་ཡིན། །ཇི་ལྟར་དམ་ཚིག་ཐུབ་པ་ལྟར། །གཞན་གྱི་སྡེ་པ་འཇོམས་པ་ཡིན། །འཁོར་བའི་གཡུལ་ལས་རྒྱལ་བར་བྱེད། །དེས་ན་དམ་ཚིག་རྒྱུན་བཞིན་བསྲུང་། །མདོར་ན་བདག་གི་སྒོ་གསུམ་པོ། །དག་པ་གསུམ་གྱི་མཐའ་བཟུང
40b7 ནས། །ལྷ་དང་གྲོགས་དང་སློབ་དཔོན་དང་། །བདག་ཉིད་དག་པ་མ་ཁྲེལ་བའི། །ཚུལ་གསུམ་མི་གནོད་དམ་བཅས་གསུམ། །ཡོངས་སུ་མཉམས་མདོ་བཞི་པོ། །མཐར་ཕྱིན་རྒྱ་རྟགས་རྣམ་བཞིར་བཅས། །མདོ་དོན་དྲན་པ་ལ་བགྲང་བསྔོ། །བརྟུལ་ཞུགས་སྤྱོད
iiif viewer powered by OpenSeadragon
