| e-texts navigator |
| Wylie |
39b1 གྱུར་རྣལ་འབྱོར་པ། །ལམ་སྟོན་སྐྱོན་སེལ་མཁས་པ་ལ། །ཁ་ཅིག་དྲེགས་དང་ཕྲག་དོག་གིས། །ཁྲོ་སྤོང་ཐབས་ཀྱིས་སྨོད་པར་བྱེད། །དེ་ནི་འཁོར་བའི་གཏིང་རྡོ་སྟེ། །ནམས་ཀྱང་ཐར་པའི་ཁར་མི་འབྱུང་། །མི་ཤེས་པ་ཡི་རྣལ་འབྱོར་པ། །ཡང་དག་དོན་དང་ལྡན་པའི
39b2 མི། །རྗེས་སུ་འགྲོ་བར་མི་བྱེད་ཅིང་། །ལོངས་སྤྱོད་འདུ་འཛི་གང་ལྡན་པའི། །རྗེས་སུ་འགྲོ་ཞིང་དེ་ལ་འདུད། །དེ་ནི་ལོག་པའི་ལམ་པ་ཡིན། །རྣལ་འབྱོར་ལྟང་དང་བྱང་ཆུབ་ཁེ། །འབན་ཐག་ཆད་པར་བློ་མི་འབྱུང་། །ཟང་ཟིང་ནོར་དང་གཡོ་སྤྲུལ་ཁེ། །ཆུང་ཡང་ཅིས
39b3 འགྲུབ་སྲོག་དང་སྡོ། །རྣལ་འབྱོར་མཁས་པའི་རང་བཞིན་ཅན། །བུམ་སྣོད་ནང་གི་གསལ་བ་ལྟར། །ཤེས་རབ་མཛོད་ཀྱི་གཏེར་ལྡན་ཡང་། །སྲོག་ཆགས་རྐུན་མོའི་སྡེར་མོ་ལྟར། །ཁོང་ནས་གབ་སྦས་དོན་སྟོན་ལ། །བླུན་པོ་རྣམས་ཀྱིས་ཅིར་མི་མཐོང་། །དཔེར་ན
39b4 འདི་འདྲར་ཚུལ་གཅིག་སྟེ། །ལུས་ལ་གཏེར་འཆང་མི་དང་ནི། །བླུན་པོར་གྱུར་པའི་མི་དག་གནས། །འགྲོགས་ཀྱང་གཉིས་མཚུངས་ཁྱད་མེད་འདྲ། །ཏིང་འཛིན་བསྔགས་པ་རྗོད་བྱེད་ཅིང་། །ཏིང་འཛིན་དོན་དུ་གཉེར་བ་མེད། །ཡང་དག་བསྔགས་པ་རྗོད་བྱེད་ཅིང་། །
39b5 ཡང་དག་དོན་དུ་གཉེར་བ་མེད། །དམ་ཚིག་བསྔགས་པ་རྗོད་བྱེད་ཅིང་། །དམ་ཚིག་དོན་དུ་གཉེར་བ་མེད། །ཇི་ལྟར་འགྲོ་གང་ལ་ལ་དག་།ནོར་བུ་རིན་ཆེན་འདི་འདྲ་སྟེ། །འདོད་པའི་ཡོན་ཏན་ཀུན་འབྱུང་ཞེས། །རིན་ཆེན་དག་གི་ཡོན་ཏན་བརྗོད། །དེ་ལ་འགྲོ་གང་གཞན
39b6 དག་གིས། །དེ་ལྟར་འདོད་པ་འབྱུང་གྱུར་ན། །དེ་ལྟར་ཅུང་ཟད་ཡོད་དམ་ཞེས། །དྲིས་ཀྱང་མེད་པས་སླར་སྨྲས་པ། །གང་ཞིག་དགོས་པ་སྐོང་བ་ཡི། །ཡོན་ཏན་ཅུང་ཟད་སྨོས་པར་ཟད། །དེ་ཉིད་བདག་ལ་མེད་ཅེས་སྨྲ། །དེ་བཞིན་རྣལ་འབྱོར་མི་བརྩོན་པས། །བསླབ་པར་བྱ
39b7 བའི་ཆོས་བྲལ་ལ། །ཆོས་ཉིད་བསྔགས་པ་རྗོད་བྱེད་ཀྱང་། །དེ་དག་ལ་ནི་ཆོས་ཉིད་མེད། །དེ་ལས་སྤྱོད་པའི་ལོག་སྤྱོད་རྣམས། །དམ་ཚིག་ཅན་གྱིས་སྤང་བར་བྱ། །རྣལ་འབྱོར་ཆོས་འཛིན་གང་དག་གིས། །རྣལ་འབྱོར་ཉམས་འགྱུར་ལོག་སྲེད་ཅན། །གསང་བ་འཇིག
iiif viewer powered by OpenSeadragon
