| e-texts navigator |
| Wylie |
39a1 འགའ་ལ། །མཉན་ཏེ་བརྗོད་འདོད་ཚུལ་འཆོས་པ། །ལོག་སྨྲ་དུག་ཅན་ཐར་མ་ལྟུང་། །དུག་ཅན་ལྟུང་བའི་སྣོད་དེ་ལ། །གསང་བའི་དམིགས་རྣམས་སྨྲ་བ་ནི། །རྣལ་འབྱོར་ཉམས་པ་ཆེན་པོ་སྟེ། །འཁོར་བའི་ཐ་མར་དེ་ལྟུང་འགྱུར། །འདི
39a2 ལྟར་ཕམ་འགྱུར་སྣོད་ངན་ལ། །གསང་བ་གསང་ཆེན་ལ་སོགས་པའི། །དོན་དང་རང་བཞིན་གང་ཡིན་པ། །བསྟན་ཀྱང་ཕམ་ལྟུང་གེགས་སུ་འགྱུར། །དེ་བས་བསྟན་པར་བྱ་བ་མིན། །གལ་ཏེ་བསྟན་པར་གྱུར་ན་ནི། །སྟོན་སྨྲ་ཉན་བྱེད་དེ་དག་རྣམས། །མཐོང
39a3 ཡུན་ཕུང་བྱེད་གཉིས་སྐྲག་འགྱུར། །རྣལ་འབྱོར་མཁས་གསལ་དོན་ལྡན་ལ། །རྣལ་འབྱོར་མི་ཤེས་གང་དག་གིས། །དྲེགས་པའི་དབང་གིས་ཕྲག་དོག་གི། །སེམས་ཀྱི་རྣམ་གྲངས་ཅི་སྐྱེད་པ། །དེ་སྙེད་བསྐལ་པའི་གྲངས་མཉམ་པར། །འབྲས་བུ་མི་བཟད
39a4 མྱོང་བར་འགྱུར། །གལ་ཏེ་ལས་ཀྱི་འཕྲོ་ལེན་ན། །དེ་སྙེད་བསྐལ་པར་གཟོད་འཇུག་དགོས། །མཁས་གསལ་དོན་ལྡན་གྱིས་ཀྱང་ནི། །གོང་མ་བཞིན་དུ་ངན་བསམས་ན། །དེ་ཡང་གནས་ངན་ལེན་པ་སྟེ། །མཁས་པ་དེ་ལ་སྐྱོ་མི་ནུས། །རྣལ་འབྱོར་དོན་ལྡན་ཚུལ
39a5 མཐུན་ལ། །ངན་པའི་ཚིག་གིས་སེམས་དཀྲུགས་ཤིང་། །སྒྲོ་སྐུར་རྐུ་དང་བརླང་བཏབ་ན། །དམྱལ་བ་རྡོ་རྗེར་དེ་ལྟུང་འགྱུར། །ཞར་ལས་བྱུང་བའི་རྣམ་སྨིན་ཡང་། །ཇི་ལྟར་རྒྱུ་མཐུན་དེ་འདྲར་འགྱུར། །སྐལ་བ་དམན་པའི་རྣལ་འབྱོར་པ། །རྩ་ཉམས་སྐྱོན་ཅན་རང་བཞིན
39a6 ནི། །ངན་སེམས་ཁྲོ་གཏུམ་ལྡན་པ་དང་། །མི་ཟད་ཕྲ་མེན་ལས་སྤྱོད་བྱེད། །གང་དག་མི་ཤེས་ངང་ཚུལ་ཅན། །བྱིས་པའི་རང་བཞིན་བློ་ཞན་པས། །ཤིན་ཏུ་དམན་པའི་ལྟ་སེམས་ཀྱིས། །ཚུལ་བཅོས་མཁན་ལ་བཀུར་བར་བྱེད། །གང་དག་དམ་ཚིག་ཡོན་ཏན་ལྡན། །བྱམས
39a7 ལ་གནས་ཤིང་རྟག་ཏུ་བཟོད། །ཚུལ་ཤིས་དོན་གྱི་གཞུང་རྣམས་སྲོང་། །དེ་དག་ལ་ནི་འདུན་པ་མེད། །དམ་ཚིག་སྤྲེའུ་ལྟར་སྤྱོད་བཞིན་དུ། །བྱང་ཆུབ་སྙིང་པོ་ཐོབ་པ་ཡི། །སངས་རྒྱས་རྣམས་ཀྱང་མི་འབྱུང་ངོ་། །འབྱུང་བར་ཡང་དག་ངས་མ་མཐོང་། །རྒྱལ་བའི་སྲས
iiif viewer powered by OpenSeadragon
