| e-texts navigator |
| Wylie |
38b1 ཤིན་ཏུ་གསང་བའི་དམ་ཚིག་ནི། །སྣོད་མ་ཡིན་པར་གྱུར་པ་ལས། །ཕྱི་ནང་གསང་བ་གསུམ་དག་ཏུ། །སྦ་བའི་ཐབས་སུ་སྤྱད་ནས་ཀྱང་། །གསང་བའི་ཆོས་རྣམས་གསང་བར་བྱ། །བསྟན་པའི་གནས་མིན་སྣོད་ངན་དག་།རྣམ་པ་བཞིས་བསྡུས་བྱེ་བྲག་རྣམས། །མ་འོངས
38b2 རྣལ་འབྱོར་བཅུད་ཅན་གྱིས། །ཤེས་ནས་སྤང་བར་བྱ་ཕྱིར་བཤད། །འཇིག་རྟེན་པ་དང་ཐེག་དམན་དང་། །མུ་སྟེགས་ལོག་ལྟའི་ལྟ་ལ་དགའ། །དད་མེད་བློ་ཞན་གཡེང་རྨུགས་ཤིང་། །བསླབ་ཉན་མི་བརྩོན་བྱོལ་སོང་མཚུངས། །དད་ལོག་དམ་ཉམས་དོན་ལས
38b3 གོལ། །བྱང་ཆུབ་ཐག་པ་གཏིང་ནས་ཆད། །སེམས་ཀྱི་མྱུ་གུའི་རྩ་ཚིག་པ། །ངན་འགྲོའི་འདམ་དུ་ཁ་སྦུབ་ཡིན། །སྣོད་མེད་ཁ་སྦུབ་དེ་དག་ལ། །གསང་བའི་སྨྲ་བར་བྱ་བ་མིན། །སྨྲས་ན་དེ་ཉིད་ཁ་སྦུབ་འགྱུར། །གསང་བའི་ཚིག་རྣམས་ཁར་སྨྲ་ཡང་། །གབ་པ་གསང
38b4 བའི་དོན་མི་ཤེས། །སྐྱོན་ཅན་སྤ་ལོས་སྒྲོགས་རྣམས་ལ། །གསང་བའི་དོན་རྣམས་ལྷག་པར་སྨྲ། །བསྙེན་སྒྲུབ་གསང་བའི་ཚིག་རྣམས་ལ། །སྒྲ་ལ་ཉན་ཀྱང་དོན་མི་གཉེར། །སྙིང་པོའི་དོན་གསང་མི་ཐུབ་པ། །བཅུད་མེད་འཁོར་བར་ཟག་པ་ཡིན། །གསང་དོན
38b5 མི་ཐུབ་སྣོད་ངན་ལ། །གསང་བ་སྨྲ་བར་གང་བྱེད་པ། །དེ་དང་སྣོད་མེད་སྣོད་ངན་གཉིས། །འཁོར་བའི་ཁམས་སུ་ཟག་པར་མཉམ། །ལྟ་དང་དམ་ཚིག་སྒྲུབ་པ་ཡི། །དམ་པའི་མཛོད་གསུམ་སྨྲ་ཤེས་ཀྱང་། །གོམས་པའི་མཐུ་མེད་གནས་མ་གྱུར། །ངན་སྒྱུ་ཕྲག་དོག
38b6 སེར་སྣས་གདུངས། །བྱ་མེད་ཆོས་ལ་བློ་གཏོད་ཅིང་། །སྤྱོད་རྩིང་དམ་རལ་རྡེང་མེད་པར། །རྣལ་འབྱོར་སྤྱོད་ལ་ལྟ་དམན་ཞེས། །ཟེར་བ་ཕམ་འགྱུར་འཁོར་བར་འཕོ། །སྣོད་ངན་འཁོར་བར་འཕོ་བ་ལ། །གསང་བའི་དོན་རྣམས་སྨྲ་བྱེད་པ། །གསང་བ་ཉམས་པའི་དབང
38b7 གིས་ན། །ཉམས་པ་དེ་དང་དེ་འདྲར་འགྱུར། །ཟླ་ངན་ཉམས་སོད་ཅན་ལན་འདྲེན། །ཁ་གསག་ལྕེ་གཉིས་སྒྱུར་བྱེད་ཅིང་། །སེམས་ལ་ཉོན་མོངས་ལྔ་བཅངས་ཏེ། །རྐུ་དང་སྒྱུ་སྤྱོད་ལ་དགའ། །ཚེ་གཅིག་གྲགས་པ་ཆེད་ཕྱིར་དུ། །གང་ཟག་ཕྱིར་འབྲེང་ཚིག
iiif viewer powered by OpenSeadragon
