| e-texts navigator |
| Wylie |
37b1 སྔོན་མ་མཐོང་གི་ཡུལ་མཐོང་དང་། །སྟོང་གསུམ་རྒྱ་ཆེར་མཐོང་བ་དང་། །གླིང་རྣམས་གཞན་དུ་ཕྱིན་པ་དང་། །རི་རབ་ཁ་ལ་ཕྱིན་པ་དང་། །ནམ་མཁའ་རྒྱ་ཆེར་མཐོང་བ་དང་། །རྒྱ་མཚོའི་གཏིང་དུ་ཕྱིན་པ་དང་། །ལག་ན་སྒྲོན་མེ་ཐོགས་པ་དང་། །ཉི་མའི་སྙིང
37b2 པོར་ལྟ་བ་དང་། །སྣང་སྲིད་དཔྱོད་པ་བྱེད་པ་རྣམས། །ཆོས་ལ་དབང་ཐོབ་ལྟས་ཆེན་ཡིན། །ལུང་བསྟན་ཐོབ་པའི་སྔ་ལྟས་ནི། །རོལ་མོའི་སྒྲ་རྣམས་ཐོས་པ་དང་། །འབྲུག་གི་སྒྲ་ནི་གྲག་པ་དང་། །སེང་གེའི་ང་རོ་གྲག་པ་དང་། །ཆོས་ཀྱི་སྒྲ་ཡི་གཏམ་ཐོས་དང་། །
37b3 གཟུགས་བརྙན་ཞལ་ནི་འཛུམ་པ་དང་། །སངས་རྒྱས་གསུང་ཐོས་སྐུ་མི་མཐོང་། །ལྷ་མོ་གླུ་དབྱངས་སྒྲོགས་པ་དང་། །གཞལ་ཡས་དག་ལ་སྒྲ་འབྱུང་དང་། །གྲོགས་པོ་གྲོགས་པོ་ཞེས་བརྗོད་ཅིང་། །ཆོས་ཀྱི་བགྲོ་བ་བྱེད་པ་རྣམས། །ལུང་བསྟན་འབྱུང་བའི་སྔ་ལྟས
37b4 སོ། །དེ་ལ་སོགས་པའི་མཚན་མ་རྣམས། །ལྟས་ཆེན་ཀུན་དུ་སྣང་བ་དང་། །གང་ཟག་ལས་ཀྱི་དང་པོ་རྣམས། །རིག་འཛིན་སོ་སོའི་ས་པ་ནི། །འགྱུར་བའི་སྔ་ལྟས་བཤད་པ་ཡིན། །རྣལ་འབྱོར་ལས་ཀྱི་དང་པོ་ལ། །ལྟས་ཆེན་འདི་དག་གང་བྱུང་ཡང་། །འཁོར་བའི
37b5 འདུ་འཛི་ཀུན་བསལ་ནས། །དོན་ལ་རྟོགས་ཤིང་ས་རྣམས་སྦྱོང་། །དེས་ནི་དོན་ལ་རེག་པར་འགྱུར། །དོན་ལ་རིག་པའི་བྱིན་བརླབས་ཀྱིས། །རིག་འཛིན་རྡོ་རྗེར་ལྷུན་གྱིས་གྲུབ། །རིག་འཛིན་ས་ལ་གནས་པ་དང་། །ས་ལ་རྩལ་ཆེན་སྦྱོང་བའི་ཚེ། །རྩལ་གྱི་ཆོ
37b6 འཕྲུལ་སྣ་ཚོགས་འབྱུང་། །ཉི་ཟླ་ཞོན་ནས་འགྲོ་བ་དང་། །རི་རབ་རྐེད་ནས་གསོར་བ་དང་། །འཇིག་རྟེན་རྒྱང་མར་འཕང་བ་དང་། །སྲེག་པའི་བསྐལ་པ་གཞིལ་བ་ལ། །སོགས་པའི་ཆོ་འཕྲུལ་ཐམས་ཅད་ཀུན། །ཁྱད་པར་རྩལ་གྱིས་སྟོན་པར་ནུས། །དེ་ལ
37b7 སོགས་པའི་རྫུ་འཕྲུལ་རྣམས། །རྫུ་འཕྲུལ་གྱི་ནི་ཆོ་འཕྲུལ་ཡིན། །རྗེས་སུ་བསྟན་པའི་ཆོ་འཕྲུལ་ནི། །འདུལ་བའི་འགྲོ་བ་ཐམས་ཅད་ལ། །སོ་སོའི་སྐད་དང་ཆོས་མཐུན་པར། །འདུལ་བའི་སྒོ་ནི་སྣ་ཚོགས་སུ། །སོ་སོའི་སྐད་དུ་སྟོན་པར་ནུས། །དེ་དག་རྗེས་སུ
iiif viewer powered by OpenSeadragon
