| e-texts navigator |
| Wylie |
36a1 ཏིང་འཛིན་རྩལ་སྦྱངས་ན། །ཅི་ལྟར་དམིགས་པ་དེར་འགྲུབ་སྟེ། །མེ་ཡི་སྐྱེ་མཆེད་དེར་བསྒོམས་ན། །མེ་ཡི་རང་བཞིན་ཉིད་དུ་འགྱུར། །ཆུ་ཡི་སྐྱེ་མཆེད་དེར་བསྒོམས་ན། །ཆུ་ཡི་སྐྱེ་མཆེད་ཉིད་དུ་འགྱུར། །རླུང་གི་སྐྱེ་མཆེད་དེར་བསྒོམས་ན། །རླུང
36a2 གི་སྐྱེ་མཆེད་ཉིད་དུ་འགྱུར། །ཡིག་འབྲུའི་སྐྱེ་མཆེད་དེར་བསྒོམས་ན། །ཡིག་འབྲུ་གང་ལྟར་གསལ་བར་འགྱུར། །དེ་ལྟར་རྫས་ཀྱི་སྐྱེ་མཆེད་དུ། །གང་ལྟར་བསྒོམས་པ་དེ་ལྟར་འགྱུར། །དེ་ནི་རྟགས་ཆེན་ཐོབ་པ་ཡིན། །བློ་ཡི་ཏིང་འཛིན་རྩལ་རྫོགས་ན། །ངག་གི
36a3 བདེན་པའི་རྩལ་འགྱུར་སྟེ། །སྲེག་པའི་མེ་ཆེན་མཐོང་བ་ན། །ཞི་པར་གྱུར་ཅིག་བྱས་པ་ཡིས། །དེ་ཉིད་དུ་ནི་ཞི་བར་འགྱུར། །ཆུ་ཀླུང་གནོད་པའི་རྒྱུན་བྱུང་ན། །ཆད་པར་གྱུར་ཅིག་བརྗོད་པ་ཡིས། །དེ་ཉིད་དུ་ནི་ཆད་པར་འགྱུར། །རླུང་ཆེན་གནོད་པའི་རྒྱུན་བྱུང་ན། །ཞི
36a4 བར་གྱུར་ཅིག་བརྗོད་པ་ཡིས། །དེ་ཉིད་དུ་ནི་ཆད་པར་འགྱུར། །ནད་པའི་ཚོགས་ནི་མཐོང་བ་ན། །གང་ན་ན་བའི་དམིགས་དེར་ནི། །སེ་གོལ་གཏོགས་པ་ཙམ་གྱིས་ཀྱང་། །ནད་རྣམས་ཞི་བར་གྱུར་ཅེས་བརྗོད། །ནད་ཀྱི་ཚོགས་རྣམས་ཞི་བར་འགྱུར། །དེ་བཞིན
36a5 ངག་གིས་བརྗོད་བྱས་པ། །ཐམས་ཅད་མ་ལུས་གྲུབ་པར་འགྱུར། །ངག་གི་བདེན་པའི་རྩལ་རྫོགས་ན། །ལུས་ཀྱི་དྲོད་ལ་རྩལ་འབྱུང་སྟེ། །གཉིད་ཀྱི་རྟོག་པ་ཆོམས་པ་དང་། །ལུས་ཀྱི་བཟོད་པ་ཐོབ་པ་ནི། །འདི་ནི་དང་པོའི་དྲོད་ཡིན་ནོ། །ཁམས་ཀྱི་ཟས་དང་བྲལ་བ
36a6 དང་། །མདངས་དང་དབང་པོ་གསལ་འགྱུར་བ། །འདི་ནི་གཉིས་པའི་དྲོད་ཅེས་བྱ། །ཤིང་བལ་ལྟ་བུར་ཡང་བ་དང་། །ཁམས་བདེ་མི་བདེ་མི་འབྱུང་ཞིང་། །ནད་ཀྱི་ཚོགས་དང་བྲལ་འགྱུར་བ། །འདི་ནི་དྲོད་ཆེན་བསྟན་པ་ཡིན། །ཁམས་ཀྱི་ཟས་ལ་མ་བསྟེན
36a7 ཡང་། །དབང་པོ་གཟི་མདངས་ཤིན་ཏུ་གསལ། །འདི་ནི་ཏིང་འཛིན་རོ་ཚོར་རྟགས། །གཞན་ཡང་ལུས་ཀྱི་སྔ་ལྟས་ནི། །མཉམ་པའི་སྐྱིལ་ཀྲུང་བཅས་ནས་ནི། །ཁྲུ་གང་ཙམ་དུ་འཕར་བ་དང་། །ཏ་ལ་གང་ཙམ་བར་དུ་འགྲོ། །འདི་ཡང་ལྟས་ཆེན་རྟགས་ཡིན
iiif viewer powered by OpenSeadragon
